ଜ୍ୱାଇଁଙ୍କୁ ନେଇ ପ୍ରସିଦ୍ଧ ଭାରତର ଏହି ଗାଁ, କାହାଣୀ ଜାଣିଲେ ଆପଣ ବି ଆଶ୍ଚର୍ଯ୍ୟ ହୋଇଯିବେ…
ନୂଆଦିଲ୍ଲୀ: ଭାରତରେ ଏପରି ଅନେକ ସ୍ଥାନ ଅଛି ଯାହାର ଇତିହାସ ଆପଣଙ୍କୁ ଆଶ୍ଚର୍ଯ୍ୟ କରିଥାଏ । ଭାରତରେ ଏଭଳି କିଛି ଗାଁ ରହିଛିି ଯାହାକୁ ଅନେକ ସମୟରେ ବେଶ୍ ଚର୍ଚ୍ଚା ହୋଇଥାଏ । ଆପଣ ଏକ ଗାଁ ବିଷୟରେ ଶୁଣିଥିବେ ଯେଉଁଠାରେ କେବଳ ଯାଆଁଳା ଶିଶୁ ଜନ୍ମ ହୁଅନ୍ତି । ସେହିପରି ଭାରତରେ ଏକ ଗାଁ ଅଛି, ଯେଉଁଠାରେ ୪୦ ରୁ ଅଧିକ ଜ୍ୱାଇଁଙ୍କ ଘର ଅଛି ଏବଂ ଏହି କାରଣରୁ ଏହି ଗାଁର ନାମ ଦାମଦାନପୁରଭା ରଖାଯାଇଛି ।
କାନପୁରର ଏହି ଗାଁରେ ପ୍ରାୟ ୫୦୦ ଲୋକ ବାସ କରନ୍ତି । ଏହି ଗାଁ ଆକବରପୁର ତହସିଲ ଅଞ୍ଚଳରେ ଅବସ୍ଥିତ ଏହ ଗାଁରେ ପ୍ରାୟ ୭୦ ଟି ଘର ଅଛି କିନ୍ତ ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ୭୦ ଘର ମଧ୍ୟରୁ ୪୦ ରୁ ଅଧିକ ଘର ଗାଁର ଜ୍ୱାଇଁମାନଙ୍କର ଅଟେ । ଏଠାରେ ରହୁଥିବା ପୁରୁଖା ଲୋକମାନେ କୁହନ୍ତି ୧୯୭୦ ରେ ଏହି ଗାଁର ରାଣୀଙ୍କ ବିବାହ ପରେ ତାଙ୍କ ସ୍ୱାମୀ ସାୱେର କଠେରିଆ ଶ୍ୱଶୁର ଘରେ ରହିବାକୁ ଲାଗିଲେ।
ତେବେ ଇତିହାସ ଏହା ମଧ୍ୟ ରହିଛି ଯେ ସାୱେର କଠେରିଆଙ୍କ ପାଇଁ ଯେତେବେଳେ କମ୍ ସ୍ଥାନ ଥିଲା, ତାଙ୍କୁ ଗାଁ ନିକଟରେ ଜମି ଦିଆଯାଇଥିଲା । ରାଣୀଙ୍କ ସ୍ୱାମୀ ପରେ ଅନେକ ପୁଅ ଗାଁର ଝିଅଙ୍କୁ ବିବାହ କରିବା ପରେ ପ୍ରଥମେ ଜ୍ୱାଇଁ ଭାବରେ ରହିଥିଲେ ଏବଂ ପରେ ଏଠାରେ ଜାଗା ନେଇ ରହିବାକୁ ଲାଗିଲେ । ଏହିଭଳି ଭାବରେ ଏହି ପରମ୍ପରା ବଢ଼ିବାରେ ଲାଗିଥିଲା ଏବଂ ୨୦୦୫ ସୁଦ୍ଧା ଏହି ଗାଁରେ ୪୦ ଜ୍ୱାଇଁ ଘର ନିର୍ମାଣ କରିସାରିଥିଲେ ।
ଆପଣ ଜାଣିଲେ ଆଶ୍ଚର୍ଯ୍ୟ ହେବେ ଯେ ଏହି ପରମ୍ପରା ଏବେବି ଚାଲିଛି । ଯେତେବେଳେ ଲୋକମାନେ ଏହି ଗାଁର ନାମ ଶୁଣନ୍ତି, ଅନେକ ସମୟରେ ଲୋକେ ଏହି ଗାଁର ନାଁ ଶୁଣି ହସିଥାନ୍ତି ।
