କୋହଲିଙ୍କ ବ୍ୟାଟକୁ ନେଇ ପାକିସ୍ତାନୀ ଫ୍ୟାନଙ୍କ ପ୍ରତିକ୍ରିୟା: କହିଲେ କୋଟିଏ ଟଙ୍କା ଦେଲେ…
ନୂଆଦିଲ୍ଲୀ: ଭାରତୀୟ ଦଳର ପୂର୍ବତନ କ୍ୟାପଟେନ୍ ବିରାଟ କୋହଲି ତାଙ୍କ ଟି -୨୦ କ୍ୟାରିୟର ର ୭୧ ତମ ଶତକ ପୂର୍ଣ୍ଣ କରିଛନ୍ତି । ସେ ଏସିଆ ଟି -୨୦ ମ୍ୟାଚରେ ଧୂଆଁଧାର ପଦର୍ଶନ ସହ ଏହି ଶତକ ପୂର୍ଣ୍ଣ କରିଛନ୍ତି । ଯାହାକୁ ନେଇ ବିରାଟଙ୍କ ଫ୍ୟାନ୍ସମାନେ ବଦୁତ ଉତ୍ସାହିତ ଅଛନ୍ତି । ତେବେ ବିଟାର ତାଙ୍କ ପୂର୍ବ ଫର୍ମକୁ ପ୍ରତ୍ୟାବର୍ତ୍ତନ ଦେଖି ଖେଳପ୍ରେମୀଙ୍କ ମନରେ ଉତ୍କଣ୍ଠା ଭରିଯାଇଛି ।
ବିରାଟ କୋହଲି ପାଖାପାଖି ୩୪ ମାସ ଅର୍ଥାତ ୨ ବର୍ଷ ୧୦ ମାସ ପରେ ଏହି ଶତକ ପୂର୍ଣ୍ଣ କରିଛନ୍ତି । ଇଣ୍ଟରନେସନାଲ ଟି-୨୦ ମ୍ୟାଚରେ ଏହା ତାଙ୍କ ପ୍ରଥମ ଶତକ । ତେବେ ପୂର୍ବତନ କ୍ୟାପଟେନ୍ ବିରାଟ କୋହଲି ଆଫଗାନିସ୍ତାନ ବିପକ୍ଷରେ ଖେଳୁଥିବା ସମୟରେ ଏହି ଶତକ ଲଗାଇବା ସହ ୧୦୧ ରନରେ ଭାରତ ଦଳକୁ ଜିତାଇଥିଲେ ।
ଶତକ ପରେ ଫ୍ୟାନ୍ସକୁ ଗିପ୍ଟ କଲେ ବ୍ୟାଟ୍: ବିରାଟ କୋହଲି ତାଙ୍କ ଇଣ୍ଟରନେସନାଲ କ୍ୟାରିୟରରେ ୭୧ ତମ ଶତକ ପୂର୍ଣ୍ଣ କରିବା ପରେ ତାଙ୍କର ସେହି ବ୍ୟାଟ୍ କୁ ଜଣେ ଫ୍ୟାନ୍ସଙ୍କୁ ଗିପ୍ଟ କରିଦେଇଛନ୍ତି । ତେବେ ଏହି ଫ୍ୟାନ୍ସଙ୍କ ନାମ ସଲାଉଦ୍ଦିନ୍ ହୋଇଥିବା ବେଳେ ସେ ଭାରତର ପଡୋଶୀ ଦେଶ ପାକିସ୍ତାନର ବାସିନ୍ଦା ଅଟନ୍ତି ।
ତେବେ ପୂର୍ବତନ କ୍ୟାପଟେନ୍ ବିରାଟ କୋହଲିଙ୍କ ସାଇନ ଏହି ବ୍ୟାଟ୍ ପାଇବା ପରେ ସଲାଉଦ୍ଦିନ କହିଥିଲେ ଯେ ତାଙ୍କୁ ଯଦି କେହି ୧ କୋଟି ଟଙ୍କା ଦିଅନ୍ତି, ତଥାପି ସେ ବିରାଟଙ୍କ ସାଇନ ଥିବା ସେହି ବ୍ୟାଟକୁ କହାକୁ ଦେବେ ନାହିଁ । ଏଥିସହିତ ସେ ଆହୁରି ମଧ୍ୟ କହିଥିଲେ ଯେ ତାଙ୍କ ପାଖରେ ନମିଦାମୀ କ୍ରିକେଟରମାନଙ୍କର ପାଖାପାଖି ୧୫୦ଟି ବ୍ୟାଟ୍ ରଖିଛନ୍ତି । ତେବେ ସେ ପାଖାପାଖି ୮ ରୁ ୯ ବର୍ଷ ହେବ ଏହି ବ୍ୟାଟ୍ ସଂଗ୍ରହ କରୁଛନ୍ତି । ତେବେ ଏହି ବ୍ୟାଟକୁ ବିକିବାକୁ ତାଙ୍କୁ ଲକ୍ଷ ଲକ୍ଷ କୋଟି କୋଟି ଟଙ୍କା ଅଫର ଆସୁଥିବା ସତ୍ତ୍ୱେ ସେ ଏହି ସବୁ ବ୍ୟାଟ୍ କୁ ବିକିବାକୁ ମନା କରିଛନ୍ତି।
