୨୦୦୨ ରେ ‘ଦଙ୍ଗାକାରୀଙ୍କୁ ଶିକ୍ଷା ଦେବା ପରେ ଗୁଜୁରାଟରେ ସ୍ଥାୟୀ ଶାନ୍ତି ରହିଛି’: ଗୃହମନ୍ତ୍ରୀ ଅମିତ ଶାହା
ଅହମ୍ମଦାବାଦ: ୨୦୦୨ ରେ ‘ଦଙ୍ଗାକାରୀଙ୍କୁ ଶିକ୍ଷା ଦେବା’ ପରେ ଗୁଜରାଟରେ ଆସିଥିଲା ଶାନ୍ତି। ଗୁଜରାଟରେ ନିର୍ବାଚନ ପ୍ରଚାର ସମୟରେ ଏଭଳି କିଛି ଚାଂଚଲ୍ୟକର ବୟାନ ଦେଇଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ ଶାହା। ଶୁକ୍ରବାର ସେ କହିଛନ୍ତି ଯେ, ପୂର୍ବରୁ ଗୁଜୁରାଟରେ ହିଂସା ଘଟାଇ ସାମାଜିକ ବିରୋଧୀ ଉପାଦାନ ବ୍ୟବହାର କରୁଥିଲେ ଏବଂ କଂଗ୍ରେସ ସେମାନଙ୍କୁ ସମର୍ଥନ କରୁଥିଲା। କିନ୍ତୁ ୨୦୦୨ ରେ ‘ଦଙ୍ଗାକାରୀଙ୍କୁ ଶିକ୍ଷା ଦେବା’ ପରେ ଅପରାଧୀମାନେ ଏଭଳି କାର୍ଯ୍ୟକଳାପ ବନ୍ଦ କରିଦେଇଥିଲେ ଏବଂ ଭାରତୀୟ ଜନତା ପାର୍ଟି ରାଜ୍ୟକୁ ‘ସ୍ଥାୟୀ ଶାନ୍ତି’ ଆଣିଥିଲା।
ସୂଚନାଯୋଗ୍ୟ ଗୁଜୁରାଟରେ, ଫେବୃଆରୀ ୨୦୦୨ ରେ, ଗୋଡ୍ରା ରେଳ ଷ୍ଟେସନରେ ଟ୍ରେନ୍ ନିଆଁ ଲାଗିବା ପରେ ରାଜ୍ୟର ବିଭିନ୍ନ ସ୍ଥାନରେ ବ୍ୟାପକ ହିଂସା ଆରମ୍ଭ ହୋଇଥିଲା। ତେବେ ଆସନ୍ତା ମାସରେ ରାଜ୍ୟରେ ହେବାକୁ ଥିବା ବିଧାନସଭା ନିର୍ବାଚନ ପୂର୍ବରୁ ଶାହା ଖେଡା ଜିଲ୍ଲାର ମହୁଡା ଠାରେ ବିଜେପି ପ୍ରାର୍ଥୀଙ୍କ ସପକ୍ଷରେ ଏକ ରାଲି କରିଥିଲେ। ଏହି ସମୟରେ ସେ ଅଭିଯୋଗ କରିଛନ୍ତି, ‘ଗୁଜରାଟରେ କଂଗ୍ରେସ ଶାସନ ସମୟରେ (୧୯୯୫ ପୂର୍ବରୁ) ବାରମ୍ବାର ସାମ୍ପ୍ରଦାୟିକ ଦଙ୍ଗା ହେଉଥିଲା। କଂଗ୍ରେସ ବିଭିନ୍ନ ସମ୍ପ୍ରଦାୟର ସଦସ୍ୟ ଏବଂ ଜାତିର ସଦସ୍ୟଙ୍କୁ ପରସ୍ପର ବିରୁଦ୍ଧରେ ଉତ୍ସାହିତ କରୁଥିଲା। ଏଭଳି ଦଙ୍ଗା ମାଧ୍ୟମରେ କଂଗ୍ରେସ ନିଜର ଭୋଟ୍ ବ୍ୟାଙ୍କକୁ ମଜବୁତ କରିଥିଲା ଏବଂ ସମାଜର ଏକ ବଡ଼ ବିଭାଗ ପ୍ରତି ଅନ୍ୟାୟ କରିଥିଲା।’
ଶାହା ଦାବି କରିଛନ୍ତି ଯେ, ଗୁଜୁରାଟରେ ୨୦୦୨ ଦଙ୍ଗା ଘଟିଥିଲା କାରଣ ଦୀର୍ଘ ଦିନ ଧରି କଂଗ୍ରେସର ସମର୍ଥନ ହେତୁ ଅପରାଧୀମାନେ ହିଂସା କରିବାରେ ଅଭ୍ୟସ୍ତ ହୋଇଯାଇଥିଲେ। ‘କିନ୍ତୁ ୨୦୦୨ ରେ ‘ଦଙ୍ଗାକାରୀଙ୍କୁ ଶିକ୍ଷା ଦେବା ପରେ’ ଏହିପରି ଉପାଦାନଗୁଡିକ ସେହି ହିଂସା ଛାଡିଥିଲେ। ସେମାନେ ୨୦୦୨ ରୁ ୨୦୨୨ ପର୍ଯ୍ୟନ୍ତ ହିଂସା ଠାରୁ ଦୂରେଇ ରହିଥିଲେ। ସାମ୍ପ୍ରଦାୟିକ ହିଂସା ସହ ଜଡିତ ଲୋକଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରି ଗୁଜୁରାଟରେ ବିଜେପି ସରକାର ଚିରସ୍ଥାୟୀ ଶାନ୍ତି ଆଣିଛି।
