ଶରୀର ଭଳି ମସ୍ତିଷ୍କ ସଫା କରିବା ହୋଇଥାଏ ଜରୁରୀ; ଏହି ୫ଟି ଉପାୟରେ କରନ୍ତୁ ମସ୍ତିଷ୍କ ସଫା

ଆମ ଶରୀର କ୍ରମାଗତ ଭାବରେ ଆମେ ଯାହା ଖାଇଥାଉ କିମ୍ବା ପିଇ ଥାଉ ତାକୁ ହଜମ କରିଥାଏ । ସେହିପରି ଆମ ମସ୍ତିଷ୍କ ଚିନ୍ତା ଏବଂ ଭାବନାକୁ ପ୍ରୋସେସ୍ କରିବା ପାଇଁ ସବୁବେଳେ କାର୍ଯ୍ୟ କରିଥାଏ । ସମୟ ସହିତ, ଏହି ପ୍ରୋସେସ ଖରାପ ଜିନିଷ ଗଠନ କରିବା ଆରମ୍ଭ କରିପାରେ । ଏହା ଉଭୟ ଶରୀର ଏବଂ ମସ୍ତିଷ୍କକୁ ଧୀର କରିପାରେ । ଆମ ରୋଷେଇ ଘର କିମ୍ବା ବାଥରୁମରେ ଥିବା ପାଇପଗୁଡ଼ିକ ଆରମ୍ଭରେ ପରିଷ୍କାର ଥାଏ କିନ୍ତୁ ସବୁବେଳେ ବ୍ୟବହାର କରିବା ଦ୍ୱାରା ଏହା ଭିତରେ ମଇଳା ଜମା ହେବା ଆରମ୍ଭ କରେ । କିଛି ସମୟ ପରେ ଏହି ପାଇପ୍ ବନ୍ଦ ହୋଇଯାଏ । ଠିକ ସେହିପରି ଆମ ଶରୀରରେ ବାରମ୍ବାର କାର୍ଯ୍ୟ କରି ନିସ୍ତେଜ ହୋଇଯାଏ । ତେଣୁ ଏହାକୁ ସଫା କରିବା ଜରୁରୀ ହୋଇଥାଏ ।

ରୋଷେଇ ଘର ଏବଂ ବାଥରୁମ୍ ପାଇପ୍ ପରି, ଆପଣଙ୍କ ଶରୀର ଏବଂ ମସ୍ତିଷ୍କ ନିୟମିତ ସଫା ହେବା ଆବଶ୍ୟକ । ଏହା ସଫା ହେବା ଦ୍ୱାରା ପୂର୍ବ ଅପେକ୍ଷା ଅଧିକ ଶକ୍ତିଶାଳୀ ହୋଇ କାର୍ଯ୍ୟ କରିବାରେ ସାହାଯ୍ୟ କରେ । କିପରି ନିଜ ମସ୍ତିଷ୍କକୁ ସଫା କରିବେ ତାହା ଜାଣି ରଖନ୍ତୁ ।

୧. ଏପରି ଲୋକଙ୍କ ଠାରୁ ଦୂରେଇ ଯାଆନ୍ତୁ ଯେଉଁମାନେ ଆପଣଙ୍କୁ ସକାରାତ୍ମକ ପ୍ରଭାବ ଦେଉ ନାହାନ୍ତି ।
୨. ଆପଣଙ୍କ ମନରେ ଯାହା ଚାଲିଥାଏ ବେଳେବେଳେ ତାକୁ ବାହାରକୁ ବାହାର କରିଦିଅନ୍ତୁ । ୩୦ ମିନିଟ୍ ପାଇଁ ସମୟ ନିର୍ଦ୍ଧାରିତ କରିବାକୁ ଚେଷ୍ଟା କରନ୍ତୁ ଏବଂ ଆପଣ ସାମ୍ନା କରୁଥିବା ପ୍ରତ୍ୟେକ ସମସ୍ୟାକୁ ମନେ ପକାନ୍ତୁ । ଯେଉଁ କଥା କଷ୍ଟ ଦେଉଛି ସେପରି କଥାକୁ ଭୁଲି ଯାଇ ମସ୍ତିଷ୍କ କୁ ଚିନ୍ତାରେ ପକାଉଥିବା ଭାବନା ଠାରୁ ଦୂରେଇ ରୁହନ୍ତୁ ।

୩. ନିଜକୁ ପ୍ରଶ୍ନ ପଚାରନ୍ତୁ । ନିଜ ଜୀବନରେ ଯେଉଁ ସମ୍ପର୍କ ସମାପ୍ତ ହୋଇଛି, ତାକୁ କାହିଁକି ଧରି ରଖିଛ? ଏପରି ପ୍ରଶ୍ନ ନିଜ ମସ୍ତିଷ୍କକୁ ପଚାରନ୍ତୁ । ନିଜ ଜୀବନର କେଉଁ ଦିଗଗୁଡିକ କାର୍ଯ୍ୟକୁ ନୁହେଁ ତାହା ଜାଣିବାକୁ ଚେଷ୍ଟା କରନ୍ତୁ ।
୪. ଧ୍ୟାନ ସମୟରେ, ଆପଣ ଅନିୟନ୍ତ୍ରିତ ଚିନ୍ତାଧାରାକୁ ଦୂର କରନ୍ତୁ । ଯାହା ଆପଣଙ୍କ ଚାପ ସୃଷ୍ଟି କରିଥାଏ । ଏହି ପ୍ରକ୍ରିୟା ଦ୍ୱାରା ଭାବପ୍ରବଣ, ବୌଦ୍ଧିକ, ଶାରୀରିକ ଏବଂ ଆଧ୍ୟାତ୍ମିକ କଲ୍ୟାଣ ବୃଦ୍ଧି ହୋଇପାରେ ।
୫. ଆପଣ ଯେତେ ଚିନ୍ତା କରନ୍ତୁ ନା କାହିଁକି, ଆପଣଙ୍କର ଭବିଷ୍ୟତ ବଦଳିବ ନାହିଁ କିମ୍ବା ଆପଣଙ୍କ ଅତୀତ ବଦଳିବ ନାହିଁ । ଏହାକୁ ସ୍ୱୀକାର କରିବାରେ ହିଁ ଶାନ୍ତି ରହିଛି । ତେଣୁ ଅଧିକ ଚିନ୍ତା କରନ୍ତୁ ନାହିଁ ।