ଗର୍ଭବତୀ ନୀନାଙ୍କୁ ବିବାହ ପାଇଁ ରାଜି ଥିଲେ ସତୀଶ କୌଶିକ୍ – ଏକ ସାକ୍ଷାତକାରରେ ନିଜେ କହିଥିଲେ
ନୂଆଦିଲ୍ଲୀ : ହୋଲିର ପରଦିନ ଦୁଃଖଦ ଖବରରୁ ଦିନ ଆରମ୍ଭ ହୋଇଥିଲା । ଜଣେ କିମ୍ବଦନ୍ତୀ ଅଭିନେତାଙ୍କୁ ଦେଶ ହରାଇଥିଲା । ସତୀଶ କୌଶିକ ଯିଏ ଅନ୍ୟକୁ ହସାଉଥିଲେ ଏବଂ ନିଜ ମଧ୍ୟ ହସଖୁସିରେ ଜୀବନଯାପନ କରୁଥିଲେ, ସେ ଯିବା ସମୟରେ ସମସ୍ତଙ୍କୁ କାନ୍ଦଇଛନ୍ତି । ସେ ପ୍ରଯୋଜକ ଏବଂ ନିର୍ଦ୍ଦେଶନା କ୍ଷେତ୍ରରେ ଯେତିକି ସୁନାମ ଅର୍ଜନ କରି ନାହାନ୍ତି ବରଂ ହାସ୍ୟ ଅଭିନୟ ଏବଂ ଲେଖା ଦକ୍ଷତା ସହିତ ଦର୍ଶକଙ୍କୁ ଆକର୍ଷିତ କରିଥିଲେ । କେବଳ ଏତିକି ନୁହେଁ, ସେ ହୃଦୟରେ ମଧ୍ୟ ବହୁତ ଧନୀ ଥିଲେ, ନୀନା ଗୁପ୍ତାଙ୍କୁ ସେ ଭଲ ପାଉଥିଲେ ଏବଂ ତାଙ୍କୁ ଭଲ ଭାବରେ ବୁଝୁଥିଲେ ମଧ୍ୟ । ନୀନା ଗୁପ୍ତ୍ରା ତାଙ୍କର ଉତ୍ତମ ବାନ୍ଧବୀ ଥିଲେ । ସର୍ବଦା ତାଙ୍କ ସାଙ୍ଗରେ ରହିଥିଲେ । ଏମିତି କି ଯେତେବେଳେ ନୀନା ଗୁପ୍ତା କୁମାରୀ ଗର୍ଭବତୀ ଥିଲେ ସେତେବେଳେ ସତୀଶ ତାଙ୍କୁ ବିବାହ କରିବାକୁ ରାଜି ଥିଲେ । ସେତେବେଳେ ସେ ନୀନା ଗୁପ୍ତାଙ୍କୁ ବଦନାମରୁ ବଞ୍ଚାଇବାକୁ ଚାହୁଁଥିଲେ । ତାଙ୍କୁ ଆଶ୍ୱସନା ଦେଇ କହିଥିଲେ ଶିଶୁଟି ଜନ୍ମ ହେଲା ପରେ ଯଦି କଳା ରଙ୍ଗର ହୁଲ ତେବେ ମୋ ପରି ହେଇଛି ବୋଲି କହିବୁ । ତାଙ୍କୁ ସମାଜର ଅପମାନରୁ ରକ୍ଷା କରିବା ପାଇଁ ସେ ଏଭଳି କହିଥିଲେ ।
ସତୀଶ କହିଥିଲେ, “ବ୍ୟସ୍ତ ହୁଅ ନାହିଁ, ଯଦି ପିଲାଟି ଡାର୍କ ରଙ୍ଗରେ ଜନ୍ମ ହୁଏ, କହିପାରିବ ଯେ ଏହା ମୋର ଏବଂ ଆମେ ବିବାହ କରିବୁ । ଏଥିରେ କେହି ସନ୍ଦେହ କରିବେ ନାହିଁ। ଏକ ସାକ୍ଷାତକାରରେ ଅଭିନେତା ନିଜେ ଏହା ଉଲ୍ଲେଖ କରିଛନ୍ତି। ସେ କହିଥିଲେ ଯେ- ‘୧୯୭୫ ପରଠାରୁ ଆମେ ବନ୍ଧୁ, ଏବଂ ସେବେଠାରୁ ବର୍ତ୍ତମାନ ପର୍ୟ୍ୟନ୍ତ ଆମର ବନ୍ଧୁତା ଦୃଢ ରହିଛି । ଆମେ ପରସ୍ପରକୁ ନାନସୀ ଏବଂ କୌଶିକାନ୍ ବୋଲି କହିଥାଉ । ମୁଁ ତାଙ୍କ ପରିବାରକୁ ମଧ୍ୟ ଜାଣେ । ଆମେ ଦୁହେଁ କରୋଲ ବାଗରେ ରହୁଥିଲୁ, ଦିଲ୍ଲୀ ବିଶ୍ୱବିଦ୍ୟାଳୟରେ ଏକାଠି ଥିଲୁ ଏବଂ ଥିଏଟରରେ ମଧ୍ୟ ସକ୍ରିୟ ଥିଲୁ ।
ସୂଚନାଯୋଗ୍ୟ, କୌଶିକ ୧୯୮୩ ଚଳଚ୍ଚିତ୍ର ‘ଜାନେ ଭୀ ଦ ୟାରୋନ୍’ର ସଂଳାପ ଲେଖିଥିଲେ ଏବଂ ପଙ୍କଜ ତ୍ରିପାଠୀଙ୍କ ଅଭିନୀତ’ କାଗାଜ ‘(୨୦୨୧) ର କାହାଣୀ ମଧ୍ୟ ଲେଖିଥିଲେ। କୌଶିକ ଜଣେ ହାସ୍ୟ ଅଭିନେତା ଭାବରେ ବିପୁଳ ଲୋକପ୍ରିୟତା ହାସଲ କରିଥିଲେ । ସେ ଜଣେ ଚଳଚ୍ଚିତ୍ର ନିର୍ଦ୍ଦେଶକ ମଧ୍ୟ ଥିଲେ। ସେ ରୁପ କି ରାନୀ ଚୋରନ୍ କା ରାଜାଙ୍କ ସହ ତାଙ୍କର ନିର୍ଦ୍ଦେଶନା ଦେଇଥିଲେ। କୌଶିକ ହମ୍ ଆପକେ ଦିଲ୍ ମେନ୍ ରେହେତେ ହେଁ, ହାମାରା ଦିଲ୍ ଆପକେ ପାସ୍ ହେଁ, ବଧାଇ ହୋ ବଧାଇ, ତେରେ ନାମ ଏବଂ ମୁଜେ କୁଚ କେହନା ହେଁ ଭଳି ଅନେକ ଚଳଚ୍ଚିତ୍ରର ନିର୍ଦ୍ଦେଶନା ଦେଇଥିଲେ। ‘କିସି କା ଭାଇ କିସି କି ଜାନ’ ଏବଂ ‘ଏମରଜେନ୍ସି’ ତାଙ୍କର ଆଗାମୀ ଚଳଚ୍ଚିତ୍ର ।