Video: ଅମ୍ପାୟାର ନିତିନ ମେନନଙ୍କୁ ଟ୍ରୋଲ୍ କଲେ ବିରାଟ କୋହଲି, ଭାଇରଲ ହେଲା ଭିଡିଓ
ନୂଆଦିଲ୍ଲୀ: ଆଜି ଅହମ୍ମଦାବାଦରେ ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ବର୍ଡ଼ର ଗାଭାସ୍କର ଟ୍ରଫି ଶେଷ ହୋଇଛି। ଏହି ମ୍ୟାଚରେ ବିରାଟ କୋହଲି ପ୍ରଥମେ ଶତକ କରି ଦର୍ଶକଙ୍କୁ ମନୋରଞ୍ଜନ କରିଥିବାବେଳେ ପରେ ଫିଲ୍ଡିଂ ସମୟରେ ମଧ୍ୟ ସେ ଏକ ମଜାଳିଆ ଆନ୍ଦାଜରେ ନଜର ଆସି, ଲୋକଙ୍କୁ ବହୁତ ହସାଇଥିଲେ। ସୋସିଆଲ ମିଡିଆରେ ବିରାଟ ମଜା କରିବାର ଏକ ଭିଡିଓ ଭାଇରାଲ ହେବାରେ ଲାଗିଛି।
ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଖେଳାଯାଉଥିବା ବର୍ଡର ଗାଭାସ୍କର ସିରିଜରେ ନିଜର ନିଷ୍ପତ୍ତି ପାଇଁ ଅମ୍ପାୟାର ନିତିନ ମେନନ ଚର୍ଚ୍ଚାରେ ରହିଛନ୍ତି। ବିଶେଷକରି ତାଙ୍କ ନିଷ୍ପତି କୋହଲିଙ୍କ ପ୍ରତି ଅତ୍ୟନ୍ତ କଠୋର ହୋଇଛି। ଏଭଳି ପରିସ୍ଥିତିରେ ଯେତେବେଳେ ସେ ଟ୍ରାଭିସ୍ ହେଡଙ୍କୁ ଆଉଟ ଦେଇନଥିଲେ, କୋହଲି ତାଙ୍କୁ ଟ୍ରୋଲ କରିଥିଲେ।
ମଧ୍ୟାହ୍ନ ଭୋଜନ ବିରତିର କିଛି ସମୟ ପୂର୍ବରୁ ଏହା ଅଷ୍ଟ୍ରେଲିଆର ଦ୍ୱିତୀୟ ଇନିଂସର ୩୫ ତମ ଓଭର ଥିଲା ଏବଂ ଆର ଅଶ୍ୱିନ ବୋଲିଂ କରୁଥିଲେ। ଚତୁର୍ଥ ବଲରେ ଭାରତ ଏକ ରିଭ୍ୟୁ ନେଇଥିଲା, ଅମ୍ପାୟାର ନିତିନ ମେନନଙ୍କ ଦ୍ୱାରା ଟ୍ରାଭିସ୍ ହେଡଙ୍କୁ ଦିଆଯାଇ ନଥିଲା। ଏହି ନିଷ୍ପତି ବହୁତ କଠିନ ଥିଲା। ତେବେ ରିପ୍ଲେ ଦେଖିବା ପରେ ତୃତୀୟ ଅମ୍ପାୟାର କଲ ନିଷ୍ପତ୍ତି ନେଇଥିଲେ। ବିରାଟ କୋହଲି ଏହାକୁ ଉପଭୋଗ କରୁଥିବା ଦେଖିବାକୁ ମିଳିଥିଲା। ବିରାଟ କୋହଲି ପ୍ରଥମେ କହିଥିଲେ, ‘ମୁଁ ଆଉଟ ହୋଇଥାନ୍ତି …’ ବିରାଟ ଏତିକିରେ ଅଟକି ନଥିଲେ ଏବଂ ପରେ କହିଥିଲେ, ‘ମୁଁ ନିଶ୍ଚିତ ଭାବରେ ଆଉଟ ହୋଇଥାନ୍ତି …’ ଏହା ଉପରେ ନିତିନ ମେନନ୍ ମଧ୍ୟ ହସିବା ସହିତ ନିଜର ଥମ୍ବ ଦେଖାଇଥିଲେ।
Virat jokes with umpire Nitin menon on umpires call
Virat : Main hota toh Out deta 😄#INDvAUS pic.twitter.com/kMbi3UhRfT
— Samant (@samyend) March 13, 2023
ଭାରତ ଓ ଅଷ୍ଟ୍ରେଲିଆ ମଧ୍ୟରେ ଚାଲିଥିବା ବର୍ଡର-ଗାଭାସ୍କର ଟେଷ୍ଟ୍ ସିରିଜର ଶେଷ ମ୍ୟାଚ୍ ଡ୍ର’ରେ ଶେଷ ହୋଇଛି। ସିରିଜର ଶେଷ ମ୍ୟାଚ୍ ଅହମଦାବାଦର ନରେନ୍ଦ୍ର ମୋଦୀ ଷ୍ଟାଡିୟମରେ ଖେଳାଯାଉଥିଲା। ୪ ଟେଷ୍ଟ୍ ମ୍ୟାଚ୍ର ଏହି ସିରିଜରେ ଭାରତ ୨-୧ରେ ସିରିଜରେ ବିଜୟ ଲାଭ କରିଛି। ପ୍ରଥମ ଏବଂ ଦ୍ୱିତୀୟ ମ୍ୟାଚ୍ ଭାରତ ଜିତିଥିଲା। ତୃତୀୟ ମ୍ୟାଚ୍ରେ ଅଷ୍ଟ୍ରେଲିଆ ବିଜୟ ପଥକୁ ଫେରିଥିଲା। ଚତୁର୍ଥ ମ୍ୟାଚ୍ରେ ଅଷ୍ଟ୍ରେଲିଆ ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତି ନେଇଥିଲା। ପ୍ରଥମ ପାଳିରେ ଅଷ୍ଟ୍ରେଲିଆ ୪୮୦ ରନ୍ ସଂଗ୍ରହ କରିଥିଲା। ଏହାର ଜବାବରେ ଭାରତ ଏହାର ପ୍ରଥମ ପାଳିରେ ୫୭୧ ରନ୍ ସ୍କୋର କରିଥିଲା। ଏହିପରି ଭାବେ ଭାରତକୁ ୯୧ ରନ୍ର ଅଗ୍ରଣୀ ମିଳିଥିଲା।
ପଞ୍ଚମ ଦିନରେ ଅଷ୍ଟ୍ରେଲିଆକୁ ପ୍ରଥମେ ଝଟକା କୁହେମାନ ଭାବରେ ହରାଇଥିଲା। ଏହାପରେ ଟ୍ରାଭିସ୍ ହେଡ୍ ତାଙ୍କର ଅର୍ଦ୍ଧଶତକ ପୁରଣ କରିଥିଲେ। ମାର୍ନୁସ୍ ଲାବୁଶେନ୍ ଏହି ସିରିଜରେ ୧୫୦ ବଲରେ ନିଜର ପ୍ରଥମ ଅର୍ଦ୍ଧଶତକ ପୂରଣ କରିଥିଲେ। ହେଡ୍ ୯୦ ରନ୍ ସ୍କୋର କରି ଆଉଟ୍ ହୋଇଥିଲେ। ତେବେ ମ୍ୟାଚ୍ ଶେଷ ବେଳକୁ ଲାବୁଶେନ୍ ୬୩ ଏବଂ ସ୍ମିଥ୍ ୧୦ ରନ୍ ସ୍କୋର କରିବା ପରେ ଅପରାଜିତ ରହିଥିଲେ। ଅଷ୍ଟ୍ରେଲିଆ ୨ ୱିକେଟ୍ ହରାଇ ୧୭୫ ରନ୍ ସଂଗ୍ରହ କରିଥିଲେ।