ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପାଇବେ କି ନୋବେଲ ଶାନ୍ତି ପୁରସ୍କାର ? ବଡ଼ ମନ୍ତବ୍ୟ ଦେଲେ ନୋବେଲ ପୁରସ୍କାର କମିଟି ସଦସ୍ୟ
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ନେଇ ବଡ଼ ମନ୍ତବ୍ୟ ଦେଇଛନ୍ତି ନୋବେଲ ପୁରସ୍କାର ସମିତିର ଉପନେତା ଅସଲ ତୋଜେ। ପ୍ରଧାନମନ୍ତ୍ରୀଙ୍କୁ ନୋବେଲ ଶାନ୍ତି ପୁରସ୍କାର ପାଇଁ ସବୁଠାରୁ ବଡ଼ ଦାବିଦାର ବୋଲି କହିଛନ୍ତି। ସେ କହିଛନ୍ତି ଯେ, ପ୍ରଧାନମନ୍ତ୍ରୀ ମୋଦୀ ଆଜି ବିଶ୍ୱରେ ଶାନ୍ତିର ସବୁଠାରୁ ବିଶ୍ୱସନୀୟ ଚେହେରା। ଏପରିକି ସେ ମୋଦୀଙ୍କର ଜଣେ ବଡ଼ ପ୍ରଶଂସକ ଅଟନ୍ତି।
ବିଶ୍ୱରେ ଯୁଦ୍ଧ ବନ୍ଦ କରିବା ପାଇଁ ପ୍ରଧାନମନ୍ତ୍ରୀ ମୋଦୀ ହେଉଛନ୍ତି ସବୁଠାରୁ ବିଶ୍ୱସ୍ତ ନେତା ଏବଂ ସେ ହିଁ କେବଳ ଶାନ୍ତି ପ୍ରତିଷ୍ଠା କରିପାରିବେ। ସେହିପରି ପ୍ରଧାନମନ୍ତ୍ରୀ ମୋଦୀଙ୍କ ନୀତି ଯୋଗୁଁ ଭାରତ ଏକ ଧନୀ ଶକ୍ତିଶାଳୀ ଦେଶରେ ପରିଣତ ହେଉଛି ବୋଲି ସେ କହିଛନ୍ତି। ତେବେ ଏହା ଏକ ଐତିହାସିକ ମୁହୁର୍ତ୍ତ ହେବ ଯଦି ସବୁଠାରୁ ଯୋଗ୍ୟ ନେତା ପ୍ରଧାନମନ୍ତ୍ରୀ ମୋଦୀ ନୋବେଲ ଶାନ୍ତି ପୁରସ୍କାର ଜିତନ୍ତି। ଏଭଳି ପରିସ୍ଥିତିରେ ଖୁବ ଶୀଘ୍ର ଭାରତୀୟମାନେ ନୋବେଲ ପୁରସ୍କାର ସହ ଜଡିତ କିଛି ବଡ ଖବର ଶୁଣିବାକୁ ପାଇପାରନ୍ତି ବୋଲି ଅନୁମାନ କରାଯାଉଛି।
PM Narendra Modi is the biggest contender for the Nobel Peace Prize. He is continuously working for World peace and also has the ability to restore the World-Peace order. : Deputy leader of Nobel Prize Comittee pic.twitter.com/qlAShMscaP
— Megh Updates 🚨™ (@MeghUpdates) March 15, 2023
ନୋବେଲ ଶାନ୍ତି ପୁରସ୍କାର ବିଜେତା ଘୋଷଣା କରିବାକୁ ଭାରତ ଆସି ନରୱେର ନୋବେଲ ପୁରସ୍କାର କମିଟିର ଡେପୁଟି ନେତା ଆସଲେ ଟୋଜେ ଏହି ମତ ରଖିଛନ୍ତି। ସେ କହିଛନ୍ତି ଯେ, “ନୋବେଲ ଶାନ୍ତି ପୁରସ୍କାର ପାଇଁ ଆମେ ବହୁ ସଂଖ୍ୟାରେ ଭାରତୀୟ ନାମାଙ୍କନ ପାଇବାକୁ ଯାଉଛୁ।” ମୁଁ ଆଶା କରୁଛି ଯେ ବିଶ୍ୱର ପ୍ରତ୍ୟେକ ନେତା ନୋବେଲ ଶାନ୍ତି ପୁରସ୍କାର ପାଇଁ ଆବଶ୍ୟକ କାର୍ଯ୍ୟ କରିବେ। ଏହା ସହିତ ସେ କହିଥିଲେ ବିଶ୍ୱରେ ଶାନ୍ତି ବଜାୟ ରଖିବାରେ ପିଏମ ମୋଦୀଙ୍କ ଭୂମିକା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଉଭୟ ଋଷ ଏବଂ ୟୁକ୍ରେନ ଭାରତକୁ ସମ୍ମାନ କରନ୍ତି। ଯଦି ଏହି ଯୁଦ୍ଧକୁ ବନ୍ଦ କରିବାକୁ ପଡିବ, ତେବେ ଭାରତର ଭୂମିକା ଅତ୍ୟନ୍ତ ଗୁରୁତ୍ୱପୂର୍ଣ୍ଣ।
ତେବେ ଋଷ ଏବଂ ୟୁକ୍ରେନ ମଧ୍ୟରେ ଯୁଦ୍ଧ ଆରମ୍ଭ ହେବ ପରଠାରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଲଗାତାର ଶାନ୍ତି ପ୍ରତିଷ୍ଠା ପାଇଁ ଅପିଲ କରି ଆସୁଛନ୍ତି। ଆଲୋଚନା ମାଧ୍ୟମରେ ବିବାଦ ସମାଧାନ କରିବାକୁ ଆହ୍ୱାନ ଦେଇଛନ୍ତି। ଏପରିକି ପ୍ରଧାନମନ୍ତ୍ରୀ ସିଧା ସଳଖ ଋଷ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କୁ କହିଥିଲେ ଯେ, ଆଜିର ଦୁନିଆ ଯୁଦ୍ଧର ଦୁନିଆ ନୁହେଁ। ଗତବର୍ଷ ପ୍ରଧାନମନ୍ତ୍ରୀଙ୍କ ଏହି ଉଦ୍ୟମ ପାଇଁ ତାଙ୍କୁ ମିଳିତ ଜାତିସଂଘ ପକ୍ଷରୁ ପ୍ରଶଂସା କରାଯାଇଥିଲା।
ସେହିପରି ଜାତିସଂଘର ସାଧାରଣ ସଭାରେ ଋଷ-ୟୁକ୍ରେନ ଯୁଦ୍ଧ ସମ୍ପର୍କରେ ତାଙ୍କ ସମ୍ବୋଧନରେ ସେ କହିଛନ୍ତି ଯେ ‘ପ୍ରଧାନମନ୍ତ୍ରୀ ମୋଦୀ ଠିକ୍ କହିଥିଲେ ଯେ ଏହା ଯୁଦ୍ଧର ସମୟ ନୁହେଁ, ପାଶ୍ଚାତ୍ୟର ପ୍ରତିଶୋଧ ନେବା କିମ୍ବା ପାଶ୍ଚାତ୍ୟକୁ ପୂର୍ବ ବିରୁଦ୍ଧରେ ବିରୋଧ କରିବା।’ ଇମାନୁଏଲ୍ ମାକ୍ରନ୍ କହିଥିଲେ ଯେ ଆମ ଭଳି ସାର୍ବଭୌମ ଦେଶଗୁଡିକ ସମ୍ମୁଖୀନ ହେଉଥିବା ଆହ୍ୱାନର ସାମ୍ନା କରିବାର ସମୟ ଆସିଛି ବୋଲି ଭାରତର ପ୍ରଧାନମନ୍ତ୍ରୀ କହିଛନ୍ତି।
ପଡୋଶୀ ଦେଶ ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନ ଭାରତ ଏବଂ ପ୍ରଧାନମନ୍ତ୍ରୀ ମୋଦୀଙ୍କ ନୀତିକୁ ବିଶ୍ୱସ୍ତରରୁ ଦେଶର ମଞ୍ଚ ପର୍ଯ୍ୟନ୍ତ ଅନେକ ଥର ପ୍ରଶଂସା କରିଛନ୍ତି। ଅଗଷ୍ଟ ୨୦୨୨ ମସିହାରେ ସେ କହିଥିଲେ ଯେ ‘ପ୍ରଧାନମନ୍ତ୍ରୀ ମୋଦୀଙ୍କ ନେତୃତ୍ୱରେ ଭାରତର ନୀତି ସମ୍ପୂର୍ଣ୍ଣ ସ୍ୱାଧୀନ ଦେଶ ପରି।’
ସେହିଭଳି କରୋନା ମହାମାରୀ ସମୟରେ, ଯେତେବେଳେ ସାରା ବିଶ୍ୱ ଟିକା ପାଇଁ ଚିନ୍ତିତ ଥିଲା। ଏହି ସମୟରେ ଭାରତ କେବଳ ଏହାର ଜନତାଙ୍କୁ ସଫଳତାର ସହ କୋଟି କୋଟି ଲୋକଙ୍କ ଟୀକାକରଣ କରିନାହିଁ। ବରଂ ନିଜର ପଡୋଶୀ ଦେଶକୁ ମଧ୍ୟ ସାହାଯ୍ୟ କରିଥିଲା। ଆମେରିକାର ରାଷ୍ଟ୍ରପତି ଜୋ ବିଡେନ ମଧ୍ୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ପ୍ରଶଂସା କରି କହିଛନ୍ତି ଯେ ଭାରତରେ ଜନସଂଖ୍ୟା ବହୁତ ହୋଇଥିଲେ ମଧ୍ୟ ଭାରତ ଗଣତାନ୍ତ୍ରିକ ଭାବରେ କରୋନାକୁ ନିୟନ୍ତ୍ରଣ କରିଛି।
