ଏଫଡି ରେ ଅଧିକ ଲାଭ ପାଇବାର ଶେଷ ସୁଯୋଗ ! ଆଉ ମାତ୍ର ୫ ଦିନ ବାକି… ଏହି ୨ଟି ସ୍ୱତନ୍ତ୍ର ଏଫଡି ସ୍କିମ୍ ବନ୍ଦ ହେବାକୁ ଯାଉଛି
ନୂଆଦିଲ୍ଲୀ : ଭାରତରେ ନିରାପଦ ପୁଞ୍ଜି ବିନିଯୋଗ ପାଇଁ ବ୍ୟାଙ୍କ ଏଫଡି ସର୍ବଦା ଲୋକଙ୍କ ପସନ୍ଦ ହୋଇଆସୁଛି। ଗତ ଏକ ବର୍ଷ ମଧ୍ୟରେ ସୁଧ ହାରରେ କ୍ରମାଗତ ବୃଦ୍ଧି ହେତୁ ବ୍ୟାଙ୍କଗୁଡ଼ିକ ମଧ୍ୟ ଏଫଡି ଉପରେ ସୁଧ ହାର ବୃଦ୍ଧି କରିଛନ୍ତି। ଏହି ପର୍ଯ୍ୟାୟରେ ଦେଶର ବୃହତ୍ତମ ସରକାରୀ ଏବଂ ବେସରକାରୀ ବ୍ୟାଙ୍କଗୁଡିକ ଏହି ସ୍ୱତନ୍ତ୍ର ଏଫଡି ଯୋଜନା ବନ୍ଦ କରିବାକୁ ଯାଉଛନ୍ତି ଯାହା ଅଧିକ ସୁଧ ଦେଇଥାଏ । ଆଉ ମାତ୍ର ୫ ଦିନ ବାକି ଅଛି ।
ଷ୍ଟେଟ୍ ବ୍ୟାଙ୍କ ଅଫ୍ ଇଣ୍ଡିଆ ଏବଂ ଏଚଡିଏଫଡି ବ୍ୟାଙ୍କ ସେମାନଙ୍କର ଦୁଇଟି ସ୍ୱତନ୍ତ୍ର ଏଫଡି ଯୋଜନା ବନ୍ଦ କରିବାକୁ ଯାଉଛନ୍ତି। ଏହି ସ୍ୱତନ୍ତ୍ର ଏଫଡି ରେ ବିନିଯୋଗ କରିବାର ଶେଷ ତାରିଖ ହେଉଛି ମାର୍ଚ୍ଚ ୩୧ ।
ଷ୍ଟେଟ ବ୍ୟାଙ୍କ ଅଫ ଇଣ୍ଡିଆ ଫେବୃଆରୀ ୧୫, ୨୦୨୩ ରେ ‘ଅମୃତ କାଲଶ’ ନାମରେ ୪୦୦ ଦିନ ପାଇଁ ଏକ ସ୍ୱତନ୍ତ୍ର ଏଫଡି ଆରମ୍ଭ କରିଥିଲା। ଏଥିରେ ବରିଷ୍ଠ ନାଗରିକମାନଙ୍କୁ ୭.୬୦ ପ୍ରତିଶତ ଏବଂ ସାଧାରଣ ଗ୍ରାହକମାନଙ୍କୁ ୭.୧୦ ପ୍ରତିଶତ ସୁଧ ଦିଆଯାଉଥିଲା ।
ଧରାଯାଉ ଯଦି ଆପଣ ଏସବିଆଇର ଏହି ସ୍ୱତନ୍ତ୍ର ସ୍କିମ୍ ଅଧୀନରେ ୧ ଲକ୍ଷ ଟଙ୍କା ଏଫଡି କରନ୍ତି, ତେବେ ୪୦୦ ଦିନ ଶେଷ ହେବା ପରେ ଆପଣ ସାଧାରଣ ନିବେଶକଙ୍କ ପାଇଁ ମୋଟ ୮,୦୧୭ ଟଙ୍କା ସୁଧ ପାଇବେ, ଯେତେବେଳେ ବରିଷ୍ଠ ନାଗରିକମାନେ ୮,୬୦୦ ଟଙ୍କା ସୁଧ ପାଇବେ ।
ଷ୍ଟେଟ ବ୍ୟାଙ୍କ ଅଫ୍ ଇଣ୍ଡିଆର ଯେକୌଣସି ଶାଖା ପରିଦର୍ଶନ କରି ଆପଣ ଏଫ୍ଡି ପାଇଁ ଆବେଦନ କରିପାରିବେ । ଏହା ବ୍ୟତୀତ ଘରେ ବସି ଏସବିଆଇ ୟୋନୋ ଆପ୍ ମାଧ୍ୟମରେ ବିନିଯୋଗ କରିପାରିବେ ।
ଦେଶର ସର୍ବବୃହତ ଘରୋଇ ବ୍ୟାଙ୍କ ଏଚଡିଏଫସି ବ୍ୟାଙ୍କର ‘ସିନିୟର ସିଟିଜେନ କେୟାର ଏଫଡି’ ୭.୭୫ ପ୍ରତିଶତ ସୁଧ ଦେଉଛି । ଏହି ସ୍ୱତନ୍ତ୍ର ସ୍ଥିର ଜମା ଯୋଜନାରେ ବିନିଯୋଗ କରିବାର ଶେଷ ତାରିଖ ମଧ୍ୟ ମାର୍ଚ୍ଚ ୩୧ ।
ସୂଚନାଯୋଗ୍ୟ, ଗତ ଏକ ବର୍ଷ ମଧ୍ୟରେ ଭାରତୀୟ ରିଜର୍ଭ ବ୍ୟାଙ୍କ ଦ୍ୱାରା ସୁଧ ହାରରେ କ୍ରମାଗତ ବୃଦ୍ଧି ହେତୁ ବ୍ୟାଙ୍କଗୁଡ଼ିକ ମଧ୍ୟ ଏଫଡି ଉପରେ ସୁଧ ହାର ବୃଦ୍ଧି କରିଛନ୍ତି। ଅନେକ ବ୍ୟାଙ୍କୟଗୁଡିକ ଏଫଡି ଉପରେ ଅଧିକ ସୁଧ ପ୍ରଦାନ କରୁଛନ୍ତି ।
