ବେଳେ ବେଳେ ଏହି କଥା ଯୋଗୁଁ ଭାଙ୍ଗିଯାଏ ସମ୍ପର୍କ! ଅଲଗା ହୋଇଯାଆନ୍ତି ପ୍ରେମୀଯୁଗଳ
ଦୁଇ ମନର ଉତ୍ତମ ବୁଝାମଣାକୁ ପ୍ରେମ କୁହାଯାଏ । ବିଶ୍ୱାସ ,ଭରସା ଓ ଉତ୍ତମ ବୁଝାମଣା ଉପରେ ନିର୍ଭର କରେ ଏହି ସମ୍ପର୍କର ସମୟସୀମା। ପ୍ରେମରେ ମନୋମାଳିନ୍ୟ ଓ ଛୋଟ ଛୋଟ ଝଗଡ଼ା ଅତି ସାଧାରଣ କଥା। ହେଲେ ଅନେକ ସମୟରେ ଏହି ଭୁଲ ବୁଝାମଣା ହିଁ ସମ୍ପର୍କ ଭାଙ୍ଗିବାର କାରଣ ପାଲଟିଥାଏ । ସାମାନ୍ୟ କଥାରେ ଅଲଗା ହୋଇଯାଆନ୍ତି ପ୍ରେମୀଯୁଗଳ।
ତେବେ ବେଳେ ବେଳେ ବୁଝା ପଡୁନଥିବା ଅନେକ କଥା ସମ୍ପର୍କ ଭାଙ୍ଗିବାର କାରଣ ସାଜିଥାଏ । ଆସନ୍ତୁ ଜାଣିବା କ’ଣ ସେସବୁ…
ବ୍ୟସ୍ତତା:
ନିଜ କାମକୁ ନେଇ ବ୍ୟସ୍ତ ରହିବା କିଛି ଅସ୍ବାଭାବିକ କଥା ନୁହେଁ। ନିଜ କାମକୁ ପ୍ରାଥମିକତା ଦେବା ଜରୁରୀ ହୋଇଥାଏ। ମାତ୍ର ବେଳେବେଳେ ଆବଶ୍ୟକତାଠାରୁ ଅଧିକ ବ୍ୟସ୍ତତା ଆପଣଙ୍କ ସମ୍ପର୍କ ଭାଙ୍ଗିବାର କାରଣ ସାଜିଥାଏ । ଏହାଦ୍ୱାରା ସମ୍ପର୍କରେ ମନୋମାଳିନ୍ୟ ସୃଷ୍ଟି କରିଥାଏ ଯାହାପରେ ବହୁତ ବଡ଼ ରୂପ ନେଇଥାଏ ।
ଆଭଏଡ଼ କରିବା:
ଆଜିକାଲିର ଇଣ୍ଟରନେଟ୍ ଯୁଗରେ ଅନ୍ଲାଇନ୍ ଥାଇ ମଧ୍ୟ ପାର୍ଟନରଙ୍କ ମେସେଜ୍କୁ ଦେଖି ଅଣଦେଖା କରିବା ଅଥବା କୌଣସି ମେସେଜ ନ ଦେବା ସମ୍ପର୍କରେ ତିକ୍ତତା ଆସିବାର ଅନ୍ୟତମ ପ୍ରମୁଖ କାରଣ ପାଲଟି ଗଲାଣି। ଯଦି ଆପଣ ମଧ୍ୟ ନିଜ ପାର୍ଟନର ସହ ଏଭକି କରୁଛନ୍ତି ତେବେ ନିହାତି ଭାବେ ସତର୍କ ରୁହନ୍ତୁ ।
ପାର୍ଟନର ର କଥାକୁ ଗୁରୁତ୍ୱ ଦେଉନଥିଲେ:
ଏପରି କେତେଜଣ ଅଛନ୍ତି ଯେଉଁମାନେ ପାର୍ଟନରଙ୍କ କଥାକୁ ଗୁରୁତ୍ୱ ଦେଇ ନଥାନ୍ତି । ସେହିଭଳି ପରିସ୍ଥିତିରେ ଅନେକ ସମ୍ପର୍କରେ ତିକ୍ତତା ଆସିବା ସହ ଭାଙ୍ଗିଯିବାର ନଜିର ରହିଛି। ତେବେ ଆପଣ ଯଦି ଏହିସବୁ ଭୁଲ ନିଜ ସମ୍ପର୍କରେ କରୁଛନ୍ତି ତେବେ ବେଳ ଥାଉଥାଉ ସଜାଗ ହୋଇ ଯାଆନ୍ତୁ।
