ଆସିଲା ରାଘବ ଚଡ୍ଡା-ପରିଣୀତି ଚୋପ୍ରାଙ୍କ ନିର୍ବନ୍ଧର ପ୍ରଥମ ଫଟୋ, ପୁରା ପରିବାର ଉତ୍ସବର ମାହୋଲ
ନୂଆଦିଲ୍ଲୀ: ସବୁ ଅପେକ୍ଷାର ଅନ୍ତ ଘଟାଇ ସେହି ଶୁଭ ସମୟ ଆସିଛି ଆଉ ରାଘବ ଚଡ୍ଡା ଏବଂ ପରିଣୀତି ଚୋପ୍ରାଙ୍କ ନିର୍ବନ୍ଧର ଶେଷ ହୋଇଛି। ଆଗକୁ ସେମାନେ ଆନୁଷ୍ଠାନିକ ଭାବରେ ବିବାହ ବନ୍ଧନରେ ବାନ୍ଧି ହେବେ। ପରିବାର ଏବଂ ସାଙ୍ଗମାନଙ୍କ ଉପସ୍ଥିତିରେ ରାଘବ-ପରିଣୀତି ଉଭୟଙ୍କୁ ମୁଦି ପିନ୍ଧାଇଥିଲେ। ଏହି ଖୁସିର ମୁହୂର୍ତ୍ତରେ ପାରିନୀତି ଏବଂ ରାଘବଙ୍କ ଯୋଡି ବହୁତ ସୁନ୍ଦର ଦେଖାଯାଉଥିଲା।
ରାଘବ ଚଡ୍ଡା-ପରିଣୀତି ଚୋପ୍ରାଙ୍କ ନିର୍ବନ୍ଧ ପ୍ରଥମ ଫଟୋ ସାମ୍ନାକୁ ଆସିଛି। ପରିଣୀତି ତାଙ୍କର ନିର୍ବନ୍ଧରେ ଏକ କ୍ରିମ୍ ରଙ୍ଗର ସୁଟ୍ ପିନ୍ଧିଥିଲେ। ଅନ୍ୟ ପଟେ, ରାଘବ ଚଡ୍ଡା ଧଳା କୁର୍ତ୍ତା ପାଇଜାମାରେ ପରିଣୀତିଙ୍କ ଲୁକକୁ ମ୍ୟାଚ କରୁଥିବା ଦେଖାଯାଇଥିଲା। ପରିଣୀତି ଏବଂ ରାଘବଙ୍କ ନିର୍ବନ୍ଧରେ, ଉଭୟଙ୍କ ପରିବାର ସଦସ୍ୟ ଏବଂ ପ୍ରିୟଙ୍କା ଚୋପ୍ରା ମଧ୍ୟ ଏହି ଉତ୍ସବରେ ସାମିଲ ହୋଇଥିଲେ। ରାଘବ-ପରିଣୀତିଙ୍କ ନିର୍ବନ୍ଧ ପାଇଁ ଏକ ବଡ଼ କାର୍ଯ୍ୟକ୍ରମର ଆୟୋଜନ କରାଯାଇଥିବା ବେଳେ ବଲିଉଡ କଳାକାରଙ୍କଠାରୁ ଆରମ୍ଭ କରି ବଡ଼ ବଡ଼ ରାଜନେତା ଦିଲ୍ଲୀରେ ପହଞ୍ଚି ଏହି କାର୍ଯ୍ୟକ୍ରମରେ ସାମିଲ ହୋଇଛନ୍ତି।
AAP MP Raghav Chadha gets engaged to actress Parineeti Chopra
(Pics source: Raghav Chadha's Twitter handle) pic.twitter.com/5L0ecxeI80
— ANI (@ANI) May 13, 2023
ନୂଆଦିଲ୍ଲୀର କପୁରତାଲା ହାଉସରେ ଅନୁଷ୍ଠିତ ଏହି ନିର୍ବନ୍ଧ ଉତ୍ସବରେ ବହୁ ଭିଆଇପି ଅତିଥି ଯୋଗ ଦେଇଛନ୍ତି । ଏହି ଦମ୍ପତିଙ୍କ ନିର୍ବନ୍ଧରେ ପଞ୍ଜାବର ମୁଖ୍ୟମନ୍ତ୍ରୀ ଭଗୱନ୍ତ ମାନ୍, ବରିଷ୍ଠ କଂଗ୍ରେସ ନେତା ପି ଚିଦାମ୍ବରମ, ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ, ତାଙ୍କ ପତ୍ନୀ ସୁନୀତା କେଜ୍ରିୱାଲ ଏବଂ ଆଦିତ୍ୟ ଠାକରେ କପୁରତାଲା ହାଉସରେ ପହଞ୍ଚିଛନ୍ତି। ଅନ୍ୟପକ୍ଷରେ ପରିଣୀତିଙ୍କ ଭଉଣୀ ତଥା ବଲିଉଡ-ହଲିଉଡ ଅଭିନେତ୍ରୀ ପ୍ରିୟଙ୍କା ଚୋପ୍ରା ମଧ୍ୟ ଏହି ଉତ୍ସବରେ ସାମିଲ ହୋଇଛନ୍ତି ।
