ସରକାର ୧୦୦୦ ଟଙ୍କିଆ ନୋଟ୍ ପୁଣି ଫେରାଇ ଆଣିଲେ ଏଥିରେ ଆଶ୍ଚର୍ଯ୍ୟ ହେବାର ନାହିଁ: ପି. ଚିଦାମ୍ବରମ
ନୂଆଦିଲ୍ଲୀ: ପୁଣି ଭାରତୀୟ ବଜାରକୁ ଫେରିପାରେ ଏକ ହଜାର ଟଙ୍କିଆ ନୋଟ୍। ଏପରି ପୁର୍ବାନୁମାନ କରିଛନ୍ତି ଭାରତର ପୁର୍ବତ୍ତନ ଅର୍ଥମନ୍ତ୍ରୀ ପି. ଚିଦାମ୍ବରମ। ଶୁକ୍ରବାର ଲୋକମାନେ ପୁଣି ଥରେ ନଭେମ୍ବର ୮, ୨୦୧୬ ର ସେହି ଦିନକୁ ମନେ ପକାଇଛନ୍ତି। ଯେଉଁଦିନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଭାରତରେ ୫୦୦ ଏବଂ ୧୦୦୦ ନୋଟ୍ ବନ୍ଦ କରିବାକୁ ଘୋଷଣା କରିଥିଲେ । ୨୦୧୬ ପରେ, ପୁଣିଥରେ ୨୦୨୩ ରେ ପୁଣି ଥରେ ବିମୁଦ୍ରାକାରଣ ହୋଇଛି ।
ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ (ଆରବିଆଇ) ଆଜି ବଜାରରୁ ସମସ୍ତ ୨,୦୦୦ ଟଙ୍କା ନୋଟ ପ୍ରତ୍ୟାହାର କରିବାକୁ ନିଷ୍ପତ୍ତି ନେଇଛି । ଲୋକମାନେ ୨୩ ମେରୁ ୩୦ ସେପ୍ଟେମ୍ବର ପର୍ଯ୍ୟନ୍ତ ବ୍ୟାଙ୍କରେ ୨୦୦୦ ନୋଟ୍ ପରିବର୍ତ୍ତନ କରିପାରିବେ । ଆରବିଆଇର ଏହି ନିଷ୍ପତ୍ତି ସମ୍ପର୍କରେ ଏବେ ବିରୋଧୀ ମୋଦୀ ସରକାରଙ୍କ ଉପରେ ଆକ୍ରମଣ କରିଛନ୍ତି ।
ପୂର୍ବତନ ଅର୍ଥମନ୍ତ୍ରୀ ତଥା ଭେଟେରାନ୍ କଂଗ୍ରେସ ନେତା ପି. ଚିଦାମ୍ବରମ୍ ଟ୍ୱିଟ୍ କରି କହିଛନ୍ତି ଯେ ନଭେମ୍ବର ୨୦୧୬ ରେ ଆମେ ଯାହା କହିଥିଲୁ ତାହା ସତ୍ୟ ବୋଲି ପ୍ରମାଣିତ ହୋଇଛି । ୫୦୦ ଏବଂ ୧୦୦୦ ର ନୋଟ୍ ବନ୍ଦ କରି ସରକାର ୨୦୦୦ ଟଙ୍କିଆ ନୋଟ୍ ଆଣିଥିଲେ, ଯାହା ଏକ ଭୁଲ୍ ନିଷ୍ପତ୍ତି ଥିଲା । ଯଦି ସରକାର ଆଗାମୀ ସମୟରେ ପୁନର୍ବାର ୧୦୦୦ ଟଙ୍କିଆ ନୋଟ୍ ବଜାରକୁ ଆଣନ୍ତି ତେବେ ମୁଁ ଆଶ୍ଚର୍ଯ୍ୟ ହେବି ନାହିଁ । ୨୦୦୦ ଟଙ୍କିଆ ନୋଟ୍ କଦାପି ସ୍ୱଚ୍ଛ ନୋଟ୍ ନୁହେଁ । ଅଧିକାଂଶ ଲୋକ ଏହି ନୋଟ୍ ବ୍ୟବହାର କରୁନଥିଲେ । ଲୋକମାନେ ଏହି ନୋଟ୍କୁ କେବଳ କଳା ଟଙ୍କା ପାଇଁ ବ୍ୟବହାର କରୁଥିଲେ ।
As expected, the government/RBI have withdrawn the Rs 2000 note and given time until September 30 to exchange the notes
The Rs 2000 note is hardly a popular medium of exchange. We said this in November 2016 and we have been proved correct
The Rs 2000 note was a band-aid to…
— P. Chidambaram (@PChidambaram_IN) May 19, 2023
ସେହିପରି ଅଖିଳେଶ ଯାଦବ ମଧ୍ୟ ଟ୍ୱିଟ୍ କରି ଦୁଇ ହଜାର ଟଙ୍କାର ପ୍ରଚଳନକୁ ବନ୍ଦ ହେବା ନେଇ ପ୍ରତିକ୍ରିୟା ଦେଇଛନ୍ତି । ସେ ଲେଖିଛନ୍ତି, ଅନେକ ଲୋକ ସେମାନଙ୍କର ଭୁଲକୁ ବିଳମ୍ବରେ ବୁଝନ୍ତି । ୨୦୦୦ ନୋଟ୍ ସହିତ ସମାନ ଘଟଣା ଘଟିଥିଲା । ଆଜି ଦେଶର ଅର୍ଥନୀତି ଏବଂ ଲୋକମାନେ ସେହି ନିଷ୍ପତ୍ତିର ଦଣ୍ଡ ଭୋଗୁଛନ୍ତି । ଅଖିଳେଶ କହିଛନ୍ତି ଯେ ଶାସନ ସ୍ୱ।।ଧୀନ ଭାବରେ ପରିଚାଳିତ ହୁଏ ନାହିଁ, କିନ୍ତୁ ସଚ୍ଚୋଟତା ଏବଂ ବୁଝାମଣା ସହିତ ହୁଏ ।
कुछ लोगों को अपनी गलती देर से समझ आती है… 2000/- के नोट के मामले में भी ऐसा ही हुआ है लेकिन इसकी सज़ा इस देश की जनता और अर्थव्यवस्था ने भुगती है।
शासन मनमानी से नहीं, समझदारी और ईमानदारी से चलता है।
— Akhilesh Yadav (@yadavakhilesh) May 19, 2023
ସେହିପରି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ମଧ୍ୟ ଏହି ଘଟଣା ଉପରେ ପ୍ରତିକ୍ରିୟା ଦେଇ କହିଛନ୍ତି ଯେ, ଏହା ପୂର୍ବରୁ ସେ କହିଥିଲେ ଯେ ଦୁଇ ହଜାର ଟଙ୍କାର ନୋଟ୍ ଆଣି ଦୁର୍ନୀତି ବନ୍ଦ ହେବ । ଏବେ ସେମାନେ କହୁଛନ୍ତି ଯେ ୨,୦୦୦ ଟଙ୍କା ନୋଟ୍ ବନ୍ଦ କଲେ ଭ୍ରଷ୍ଟାଚାର ଶେଷ ହେବ । ତେଣୁ ଆମେ କହୁଛୁ ପ୍ରଧାନମନ୍ତ୍ରୀ ଶିକ୍ଷିତ ହେବା ଆବଶ୍ୟକ । ଅଶିକ୍ଷିତ ପ୍ରଧାନମନ୍ତ୍ରୀ କିଛି ବି କହିଦିଅନ୍ତି ଏବଂ ଜନସାଧାରଣ ଏହାର ଫଳ ଭୋଗନ୍ତି ।
पहले बोले 2000 का नोट लाने से भ्रष्टाचार बंद होगा। अब बोल रहे हैं 2000 का नोट बंद करने से भ्रष्टाचार ख़त्म होगा
इसीलिए हम कहते हैं, PM पढ़ा लिखा होना चाहिए। एक अनपढ़ पीएम को कोई कुछ भी बोल जाता है। उसे समझ आता नहीं है। भुगतना जनता को पड़ता है।
— Arvind Kejriwal (@ArvindKejriwal) May 19, 2023
