(Video) ମହିଳା ଓ ଶିଶୁଙ୍କ ବିରୋଧରେ ଅପରାଧ କରୁଥିବା ଦୋଷୀଙ୍କ ଦଣ୍ଡକୁ ଆହୁରି କଠୋର କରାଯାଇଛି: ଅମିତ ଶାହ
ନୂଆଦିଲ୍ଲୀ: କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଆଜି ଲୋକସଭାରେ ଭାରତୀୟ ନ୍ୟାୟ ସଂହିତା ବିଲ, ଭାରତୀୟ ନାଗରିକ ସୁରକ୍ଷା ସଂହିତା ବିଲ ଓ ଭାରତୀୟ ସାକ୍ଷ୍ୟ ବିଲ ଆଗତ କରିଛନ୍ତି । ଏହି ବିଲ ଭାରତୀୟ ଦଣ୍ଡ ସଂହିତା, ଅପରାଧିକ ପ୍ରକ୍ରିୟା ଅଧିନିୟମ ଓ ଭାରତୀୟ ସାକ୍ଷ୍ୟ ଅଧିନିୟମର ସ୍ଥାନ ନେବ । ଏହି ବିଲ ଆମର ଅପରାଧିକ ନ୍ୟାୟ ପ୍ରଣାଳୀକୁ ବଦଳାଇ ଦେବ । ଦଣ୍ଡ ପ୍ରଦାନ କରିବା ନୁହେଁ, ନ୍ୟାୟ ପ୍ରଦାନ କରିବା ଆମର ଉଦ୍ଦେଶ୍ୟ ବୋଲି ଶାହ ଗୃହରେ କହିଛନ୍ତି ।
କେନ୍ଦ୍ର ଗୃହମନ୍ତ୍ରୀ କହିଛନ୍ତି, ଆଜି ଭାରତୀୟ ଭାରତୀୟ ନ୍ୟାୟ ସଂହିତା ବିଲ, ଭାରତୀୟ ନାଗରିକ ସୁରକ୍ଷା ସଂହିତା ବିଲ ଓ ଭାରତୀୟ ସାକ୍ଷ୍ୟ ବିଲ ଲୋକସଭାର ଆଗତ ହୋଇଛି । ଏହି ତିନୋଟି ବିଲ ଭାରତୀୟ ଦଣ୍ଡ ସଂହିତା (ଆଇପିସି)-୧୮୬୦, ଅପରାଧିକ ପ୍ରକ୍ରିୟା ଅଧିନିୟମ- ୧୮୯୮ ଓ ଭାରତୀୟ ସାକ୍ଷ୍ୟ ଅଧିନିୟମ-୧୮୭୨ର ସ୍ଥାନ ନେବ । ଇଂରେଜଙ୍କ ଦ୍ୱାରା ଲାଗୁ କରାଯାଇଥିବା ଆଇନକୁ ଆମେ ସମାପ୍ତ କରିଦେବା । ମହିଳା ଓ ଶିଶୁଙ୍କ ବିରୋଧରେ ଅପରାଧ କରୁଥିବା ଦୋଷୀଙ୍କୁ ଆହୁରି ଅଧିକ କଠୋର ଦଣ୍ଡ ପ୍ରଦାନ ନେଇ ଏହି ବିଲରେ ବ୍ୟବସ୍ଥା କରାଯାଇଛି ।
ଭାରତୀୟ ଦଣ୍ଡ ସଂହିତା (ଆଇପିସି)ରେ ୧୩ଟି ବଡ଼ ପରିବର୍ତ୍ତନ କରାଯାଇଛି ।
୧- ଦୁଷ୍କର୍ମ ମାମଲାରେ ନୂଆ ବିଲରେ ସଜ୍ଜା ବଢ଼ାଯାଇଛି । ପୂର୍ବରୁ ସର୍ବନିମ୍ନ ସଜ୍ଜା ୭ ବର୍ଷ ଥିବା ବେଳେ ଏବେ ୧୦ ବର୍ଷ କରି ଦିଆଯାଇଛି ।
୨- ନାବାଳିକାଙ୍କୁ ଦୁଷ୍କର୍ମ ମାମଲାରେ ନୂଆ ଆଇନ ଅଣାଯାଇ ସଜ୍ଜାକୁ ବଢ଼ାଯାଇ ୨୦ ବର୍ଷ କରାଯାଇଛି । ମିଥ୍ୟା ପରିଚୟ ଦେଇ ଯୌନ ସମ୍ବନ୍ଧ କରୁଥିବା ବ୍ୟକ୍ତିଙ୍କୁ ଅପରାଧ ଶ୍ରେଣୀରେ ରଖାଯାଇଛି ।
୩- ନୂଆ ଆଇନ ଅନୁସାରେ ନାବାଳିକା ଗ୍ୟାଙ୍ଗରେପ ପାଇଁ ମୃତ୍ୟୁଦଣ୍ଡ ବ୍ୟବସ୍ଥା କରାଯାଇଛି ।
୪- ଅପ୍ରାକୃତିକ ଯୌନ ଅପରାଧ ଧାରା ୩୭୭କୁ ଏବେ ସମ୍ପୂର୍ଣ୍ଣ ଭାବେ ସମାପ୍ତ କରିଦିଆଯାଇଛି । ପୁରୁଷଙ୍କ ପ୍ରତି ଅପ୍ରାକୃତିକ ଯୌନ ଅପରାଧ ପାଇଁ ଦଣ୍ଡର କୌଣସି ବ୍ୟବସ୍ଥା ନାହିଁ ।
୫- ଦୁଷ୍କର୍ମ ପୀଡ଼ିତାଙ୍କ ପରିଚୟ ଲୁଚାଇବା ପାଇଁ ନୂଆ ଆଇନ ଅଣାଯାଇଛି ।
୬- ଶିଶୁ ବିରୋଧୀ ଅପରାଧ ପାଇଁ ନୂଆ ଚାପ୍ଟର ସାମିଲ କରାଯାଇଛି । ସେଥିରେ ପରିତ୍ୟାଗ, ଶିଶୁଙ୍କର ଶରୀରକୁ ନଷ୍ଟ କରିବା, ଶିଶୁ ତସ୍କରୀ ଆଦି ସାମିଲ ରହିଛି ।
୭- ଦାୟିତ୍ୱହୀନ କାରଣରୁ ମୃତ୍ୟୁର ସଜ୍ଜା ୨ ବର୍ଷକୁ ବଢ଼ାଇ ୭ ବର୍ଷ କରାଯାଇଛି ।
୮- ସଂଗଠିତ ଅପରାଧ ପାଇଁ ନୂଆ ଆଇନ ଅଣାଯାଇଛି । କୌଣସି ବ୍ୟକ୍ତି ଏପରି ମୃତ୍ୟୁବରଣ କଲେ ମୃତ୍ୟୁଦଣ୍ଡ ଦିଆଯିବ ।
୯- ଆତଙ୍କବାଦ ବିରୋଧରେ ନୂଆ ଆଇନ ବା ମୃତ୍ୟୁଦଣ୍ଡ ବ୍ୟବସ୍ଥା କରାଯାଇଛି ।
୧୦- ରାଜଦ୍ରୋହ ଆଇନର ଦଣ୍ଡକୁ ୩ବର୍ଷକୁ ବଢ଼ାଇ ୭ ବର୍ଷ କରାଯାଇଛି ।
୧୧- ଦେଶରେ ଦଣ୍ଡର ନୂଆ ରୂପ ଭାବେ ସାମୁଦାୟିକ ସେବା ଆରମ୍ଭ କରାଯାଇଛି । ଏହାଦ୍ୱାରା ନିର୍ବାଚନରେ ମତଦାତାଙ୍କୁ ଲାଞ୍ଚ ଦେଲେ ଏକ ବର୍ଷର ଜେଲଦଣ୍ଡ ହେବ ।
୧୨- ମହିଳା ଓ ଶିଶୁ ବିରୋଧୀ ଅପରାଧରେ ନୂଆ ଚାପ୍ଟର ସାମିଲ କରାଯାଇଛି ।
୧୩- ଭାରତରେ ବୈବାହିକ ଦୁଷ୍କର୍ମ ବର୍ତ୍ତମାନେ ଏକ ଅପରାଧ ନୁହେଁ ।
भारतीय न्याय संहिता बिल, भारतीय साक्ष्य बिल और भारतीय नागरिक सुरक्षा बिल में महिलाओं और बच्चियों के खिलाफ अपराध करने वालों के लिए दंड को और अधिक कठोर करने के प्रावधान किए गए हैं। pic.twitter.com/KS17DBymoS
— Amit Shah (@AmitShah) August 11, 2023
