ବିଦାୟ ନେଲେ ଜିମ୍ବାୱେ କ୍ରିକେଟ୍ ଟିମ୍ର ପୂର୍ବତନ ଅଧିନାୟକ : ଫେସ୍ବୁକ ଜରିଆରେ ଖବର ନିଶ୍ଚିତ କଲେ ପତ୍ନୀ
ନୂଆଦିଲ୍ଲୀ : ଜିମ୍ବାୱେ କ୍ରିକେଟ୍ ଟିମ୍ର ପୂର୍ବତନ ଅଧିନାୟକ ହିଥ୍ ଷ୍ଟ୍ରିକ୍ ଦୁନିଆରୁ ବିଦାୟ ନେଲେ । ମାତ୍ର 49 ବର୍ଷ ବୟସରେ ସେ କ୍ରିକେଟ ସହ ସାରା ଦୁନିଆକୁ ଅଲବିଦା କହିଛନ୍ତି । ଏନେଇ ତାଙ୍କ ପରିବାର ପକ୍ଷରୁ ଖବରକୁ ନିଶ୍ଚିତ କରାଯାଇଛି । ‘ଫ୍ରି ଫେସ ଜର୍ନାଲ’ ଙ୍କ କହିବା ଅନୁସାରେ ଜିମ୍ବାୱେର ମହାନ କ୍ରିକେଟର ହିଥଙ୍କ ପତ୍ନୀ ନାଦିନ ନିଜେ ଫେସବୁକ ଜରିଆରେ ସ୍ୱାମୀଙ୍କ ନିଧନର ଖବର କହି ଖବରକୁ ନିଶ୍ଚିତ କରିଛନ୍ତି ।
ସୂଚନା ଅନୁସାରେ, ହିଥ୍ ଷ୍ଟ୍ରିକ୍ ରବିବାର ସକାଳେ ଶେଷ ନିଃଶ୍ୱାସ ତ୍ୟାଗ କରିଛନ୍ତି । ଦୀର୍ଘ ଦିନରୁ କର୍କଟ ରୋଗରେ ଆକ୍ରାନ୍ତ ହୋଇ ସେ ଚିକିତ୍ସିତ ହେଉଥିଲେ। ଷ୍ଟ୍ରିକଙ୍କୁ କୋଲନ୍ ଏବଂ ଲିଭର କ୍ୟାନସର ଥିଲା। ଆଜି ତାଙ୍କର ମୃତ୍ୟୁ ଖବର ଫ୍ୟାନ୍ମାନଙ୍କୁ ଆଶ୍ଚର୍ଯ୍ୟ କରିଦେଇଛି।
ହିଥ୍ ଷ୍ଟ୍ରିକ୍ ଜିମ୍ବାୱେ ଟିମ୍କୁ ଅନେକ ମ୍ୟାଚ୍ ଜିତାଇଥିଲେ । ସେ ଜିମ୍ବାୱେ ପାଇଁ ୬୫ଟି ଟେଷ୍ଟ୍ ମ୍ୟାଚ୍ରେ ୧୯୯୦ ରନ୍ ଏବଂ ୨୧୬ଟି ଓ୍ଵିକେଟ୍ ହାସଲ କରିଥିଲେ । ସେହିପରି ୧୮୯ଟି ଦିନିକିଆ ମ୍ୟାଚ୍ ଖେଳି ହିଥ୍ ଷ୍ଟ୍ରିକ୍ ୨୯୪୩ ରନ୍ ସହ ୨୩୯ ଓ୍ଵିକେଟ୍ ହାସଲ କରିଥିଲେ। ସେ ବୋଲିଂରେ ମାହିର ଥିଲେ। ୨୦୦୦ରୁ ୨୦୦୪ ମଧ୍ୟରେ ହିଥ୍ ଷ୍ଟ୍ରିକ୍ ଜିମ୍ବାୱେ ଟିମ୍ର ଅଧିନାୟକ ରହିଥିଲେ।
A heart touching post by Heath Streak's wife.
Condolences to Heath Streak's family and friends. pic.twitter.com/HAk9AezeN8
— Mufaddal Vohra (@mufaddal_vohra) September 3, 2023
