ଦିଲ୍ଲୀ ମେଟ୍ରୋରେ ‘ପାଗଳ’ କହିବାକୁ ନେଇ ଭିଡ଼ିଗଲେ ଦମ୍ପତି ଏବଂ ଆଣ୍ଟି: ସାମ୍ନାକୁ ଆସିଲା ଆଶ୍ଚର୍ଯ୍ୟଜନକ Video
ନୂଆଦିଲ୍ଲୀ: ଦିଲ୍ଲୀ ମେଟ୍ରୋର ଭିଡିଓଗୁଡ଼ିକ ପ୍ରାୟତଃ ଭାଇରାଲ ହୋଇଥାଏ ଏବଂ ପ୍ରତ୍ୟେକ ଭିଡିଓର କିଛି ଅଲଗା କାହାଣୀ ରହିଥାଏ । ବେଳେବେଳେ କିଛି ଲୋକ ନାଚୁଥିବା ବେଳେ କିଛି ଷ୍ଟଣ୍ଟ କରୁଥିବା କିମ୍ବା ମେଟ୍ରୋରେ ଗୀତ ଗାଉଥିବା ଦେଖାଯାଏ । ତେବେ ଏଭଳି ଅନେକ ଭିଡିଓ ମଧ୍ୟ ରହିଛି ଯେଉଁଥିରେ ଯାତ୍ରୀମାନେ ପରସ୍ପର ସହ ସଂଘର୍ଷ କରୁଥିବା ଦେଖିବାକୁ ମିଳିଛି । ସୋସିଆଲ ମିଡିଆରେ ଆଉ ଏକ ଭିଡିଓ ସାମ୍ନାକୁ ଆସିଛି, ଯେଉଁଥିରେ ଜଣେ ମହିଳା ମେଟ୍ରୋ ଭିତରେ ଦମ୍ପତିଙ୍କ ସହ ଝଗଡ଼ା କରିଥିଲେ । ପାଗଳ ବୋଲି କହିବା ପରେ ଝଗଡା ଆରମ୍ଭ ହୋଇଥିଲା । ଆଣ୍ଟି ଜଣକ ଏହା ଶୁଣିବା ପରେ ବହୁତ ରାଗିଯାଇଥିଲେ । ଏହା ପରେ ଆଣ୍ଟି ରାଗରେ ଦମ୍ପତିଙ୍କ ସହ ପାଟିତୁଣ୍ଡ କରିଥିଲେ, ଅନ୍ୟପଟେ ସେହିି ଦମ୍ପତି ମାମଲାକୁ ଶାନ୍ତ କରିବାରେ ଲାଗିଥିଲେ ।
ଦିଲ୍ଲୀ ମେଟ୍ରୋ ଟ୍ରେନରେ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି, ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ଜଣେ ମହିଳା ତାଙ୍କ କଥାରେ ଏକ ଦମ୍ପତିଙ୍କୁ ଚିଡ଼ାଇ ଦେଇଥିଲେ, ଯାହା ପରିବେଶକୁ ଅସହଜ କରିଥିଲା । ଯେତେବେଳେ ଦମ୍ପତି ପରସ୍ପର ସହ କଥାବାର୍ତ୍ତା ହେଉଥିଲେ ସେତେବେଳେ ହି ମହିଳା ସେମାନଙ୍କ ଉପରେ ପାଟି କରିବା ଆରମ୍ଭ କରିଥିଲେ । ଏହି ଦମ୍ପତି ତାଙ୍କ ସାଥୀଙ୍କୁ ‘ପାଗଳ’ ବୋଲି କହିବା ପରେ ମହିଳା ଜଣକ ରାଗିଯାଇଥିଲେ ଓ ଏହି ବିଷୟରେ ଅଭିଯୋଗ କରିବା ଉଚିତ୍ ବୋଲି କହିଥିଲେ । ମହିଳା ଜଣକ ଗର୍ଲଫ୍ରେଣ୍ଡର ସାର୍ଟ ମଧ୍ୟ ଧରିଥିଲେ । ଏହାର ଉତ୍ତରରେ ପ୍ରେମିକ ପଚାରିଥିଲେ କି, ‘ମୁଁ କାହାକୁ ପାଗଳ ବୋଲି କହିଥିଲି?’
ଏହି ସମୟ ମଧ୍ୟରେ ଦମ୍ପତି ଏକାଠି ବସି କଥାବାର୍ତ୍ତା କରିବାକୁ ଲାଗିଥିଲେ । ମହିଳା ଜଣକ ପ୍ରକାଶ କରିଛନ୍ତି ଯେ, ସେ ଗର୍ଭବତୀ ଏବଂ ଏକ ସିଟ୍ ଆବଶ୍ୟକ, ଏହା ପରେ ଭିଡିଓ ଶେଷ ହୋଇଥିଲା । ଏକ ଇନଷ୍ଟାଗ୍ରାମ ଭିଡିଓ ସାମ୍ନାକୁ ଆସିବା ପରେ ଏହି ଘଟଣା ଜନସାଧାରଣଙ୍କ ଦୃଷ୍ଟି ଆକର୍ଷଣ କରିଥିଲା ଯେଉଁଥିରେ ଜଣେ ମହିଳା ଦମ୍ପତିଙ୍କୁ ଗାଳିଗୁଲଜ କରୁଥିବା ଦେଖାଦେଇଥିଲା ।
ଦମ୍ପତିଙ୍କ ନିରବତା ସତ୍ୱେ ମହିଳା ଜଣକ ଅପମାନ ଓ ଅଭିଯୋଗ ଜାରି ରଖିଥିଲେ, ଯାହା ଘଟଣାର ସାକ୍ଷୀ ଥିବା ସମସ୍ତ ଯାତ୍ରୀଙ୍କ ପାଇଁ ଅସୁବିଧା ସୃଷ୍ଟି କରିଥିଲା । ଏହା ସହିତ ମହିଳା ଜଣକ ଯୁବତୀଙ୍କୁ କହିଥିଲେ ଯେ, ‘ପିତାମାତାଙ୍କୁ ନଜଣାଇ ବାହାରେ ପ୍ରେମିକ ସହ ବୁଲୁଛୁ, ମୋତେ କ୍ୟାରେକ୍ଟର ଦେଖାଉଛୁ ।’ ଏହା ସହ ଝଗଡାରେ ସେ ଦମ୍ପତିଙ୍କୁ ତୁ, ତା କରି କଥା ହେବା ସହ ଉଚିତ୍ ଶିକ୍ଷା ଦେବେ ବୋଲି ମହିଳା କହିଥିଲେ ।
View this post on Instagram
