ସାବଧାନ୍! ୧୩ ବର୍ଷରୁ PORN ଦେଖୁଛନ୍ତି ଭାରତର ପିଲାମାନେ: ଛୋଟ ଛୁଆଙ୍କ ଅଭ୍ୟାସକୁ ନେଇ ଚେତାବନୀ ଦେଲେ ଏକ୍ସପର୍ଟ
ନୂଆଦିଲ୍ଲୀ: କମ୍ ବର୍ଷ ବୟସରେ ଭାରତର ପିଲାମାନଙ୍କ ମଧ୍ୟରେ ପର୍ଣ୍ଣ ପ୍ରତି ଆକର୍ଷଣ ବୃଦ୍ଧି ପାଉଛି । ତେବେ ଦେଶରେ ଛୋଟ ପିଲାଙ୍କର ପର୍ଣ୍ଣ ପ୍ରତି ଆକୃଷ୍ଟ ହେବାର ହାରାହାରି ବୟସ ହେଉଛି ମାତ୍ର ୧୩ ବର୍ଷ । ଅନେକ ପ୍ରକାରର ଅଶ୍ଳୀଳ ବା ପର୍ଣ୍ଣ ୱେବସାଇଟ ବନ୍ଦ କରିବା ପରେ ମଧ୍ୟ ଏହି ସଂଖ୍ୟା ବୃଦ୍ଧି ପାଇବାରେ ଲାଗିଛି । ତେବେ ଏହି ପ୍ରତିବନ୍ଧକ ଏକ ପ୍ରକାରର କୌତୁହଳ ସୃଷ୍ଟି କରିଛି । କିନ୍ତୁ ପର୍ଣ୍ଣ ଦେଖିବା ନିଶା ପିଲାମାନଙ୍କ ପାଇଁ ଖୁବ ଭୟଙ୍କର ହୋଇପାରେ । ସେମାନଙ୍କ ମାନସିକ ସହିତ ଶାରୀରିକ କ୍ଷେତ୍ରରେ ମଧ୍ୟ ଅନେକ ସମସ୍ୟା ସୃଷ୍ଟି କରିପାରେ ବୋଲି ଚେତାବନୀ ଜାରି କରିଛନ୍ତି ଏକ୍ସପର୍ଟ ।
ବିଶେଷ କରି ପିତା-ମାତାଙ୍କ ସହ ରହିବାରେ ନିଜକୁ ଅସୁରକ୍ଷିତ ମନେ କରିବା କିମ୍ବା ଅସହଜ ମନେ କରୁଥିବା ପିଲାମାନେ ପର୍ଣ୍ଣ ପ୍ରତି ବେଶୀ ଆକୃଷ୍ଟ ହେବାର ଆଶଙ୍କା ରହିଛି । ସେହିପରି ପରିବାରରେ ଖରାପ ପରିବେଶ ପିଲାମାନଙ୍କୁ ପର୍ଣ୍ଣ ଦେଖିବାର ନିଶାକୁ ବଢାଇପାରେ । ବେଙ୍ଗଲୁରୁର ଜଣେ ୭ ବର୍ଷର ପିଲା ଏଭଳି ମାମଲାର ଜ୍ୱଳନ୍ତ ଉଦାହରଣ ପାଲଟିଛି । ତେବେ ନିଜ ଭାବାତ୍ମକ ଆବଶ୍ୟକତାକୁ ପୂରଣ କରିବା ପାଇଁ ପିଲାଟି କିପରି ଭୁଲ ରାସ୍ତାରେ ପାଦ ଥାପିଲା, ସେ ନେଇ ସୂଚନା ଦେଇଛନ୍ତି କ୍ଲିନିକାଲ ସାଇକୋଲୋଜି ପ୍ରଫେସର ତଥା ନିମହାନ୍ସ(NIMHANS)ର SHUT(Service for Healthy Use of Technology) ସଂଯୋଜକ ଡା. ମନୋଜ କୁମାର ଶର୍ମା ।
କ୍ଲିନିକାଲ ସାଇକୋଲୋଜି ଉପରେ ହେଉଥିବା ଏକ କନଫରେନ୍ସରେ ପର୍ଣ୍ଣ ନିଶାର ପ୍ରଭାବ ଉପରେ ଆଲୋଚନା କରିଛନ୍ତି ଏକ୍ସପର୍ଟ । SHUTର କନସଲଟାଣ୍ଟ ତଥା କ୍ଲିନିକାଲ ସାଇକୋଲୋଜିର ଅତିରିକ୍ତ ପ୍ରଫେସର ଡା. ନିତୀନ ଆନନ୍ଦ ମସ୍ତିଷ୍କର ଡୋପାମାଇନ୍ ପୁରସ୍କାର ପ୍ରଣାଳୀ ଉପରେ ଏହାର ପ୍ରଭାବ ବିଷୟରେ ପ୍ରକାଶ କରିଛନ୍ତି । ଅଧିକ ଡୋପାମାଇନ୍ ଉତ୍ପାଦନ କେନ୍ଦ୍ରକୁ କେବଳ ଉଚ୍ଚ ଉତ୍ସାହର ଅନୁଭୂତିରୁ ଆନନ୍ଦ ଆଣିପାରେ, ସମାନ ଉତ୍ସାହରୁ ପରିପୂର୍ଣ୍ଣତା ହେତୁ ବ୍ୟକ୍ତିବିଶେଷଙ୍କୁ ନୂତନତା ଖୋଜିବାକୁ ପ୍ରେରିତ କରିଥାଏ ।
ତେବେ ସହଜରେ ଇଣ୍ଟରନେଟ ମିଳିବା ସହ ଉଚିତ୍ ସମୟରେ ସେକ୍ସ ଏଜୁକେସନ(Sex Education) ର ଅଭାବ ଯୋଗୁଁ ପର୍ଣ୍ଣ ଦେଖିବା ପ୍ରତି ପିଲାମାନଙ୍କର ଦୁର୍ବଳତା ବୃଦ୍ଧି ପାଉଛି । ତେଣୁ ପିଲାମାନଙ୍କ ମଧ୍ୟରେ ସେକ୍ସ ଏଜୁକେସନ ପହଞ୍ଚାଇବା ପାଇଁ ପାଠ୍ୟକ୍ରମରେ ଏହାକୁ ସାମିଲ କରିବା ପାଇଁ ଏକ୍ସପର୍ଟ ଗୁରୁତ୍ୱ ଦେଇଛନ୍ତି । ଏହା ସହିତ, ସେମାନେ ସପ୍ତାହ ଶେଷ ପ୍ରଭାବ ଉପରେ ଆଲୋକପାତ କରିଛନ୍ତି, ଯେଉଁଠାରେ ସପ୍ତାହ ଶେଷରେ ପ୍ରାୟ ୮୦ ପ୍ରତିଶତ ଇଣ୍ଟରନେଟ୍ ଟ୍ରାଫିକ୍ ଅଶ୍ଳୀଳତା ସହିତ ଜଡିତ, ବ୍ୟକ୍ତିବିଶେଷଙ୍କ ଦ୍ୱାରା ଆରାମ ଏବଂ ଆନନ୍ଦ ପାଇଁ ବ୍ୟବହୃତ ହୁଏ । ତେବେ ପର୍ଣ୍ଣ ନିଶା ସମ୍ପର୍କ ଉପରେ ମଧ୍ୟ ପ୍ରଭାବ ପକାଇପାରେ ବୋଲି ଏକ୍ସପର୍ଟ ରାୟ ଦେଇଛନ୍ତି ।