(video)ବୋରିଂରୁ ପାଣି ପରିବର୍ତ୍ତେ ବାହାରୁଛି ନିଆଁ , ଗ୍ରାମବାସୀ ଆତଙ୍କିତ
ମିର୍ଜାପୁର: ଉତ୍ତରପ୍ରଦେଶ ମିର୍ଜାପୁର ଜିଲ୍ଲାର ଏକ ଗ୍ରାମରୁ ଏପରି କିଛ ଘଟଣା ସାମ୍ନାକୁ ଆସିଛି ଯାହା ସମଗ୍ର ଅଞ୍ଚଳରେ ଭୟର ବାତାବରଣ ସୃଷ୍ଟି କରିଛିି । ହଠାତ୍ ଗ୍ରାମବାସୀଙ୍କ ନଜର ଏକ ବୋରିଂ ଉପରେ ପଡିଥିଲା ଯେଉଁଥିରୁ ବହୁ ଜୋରରେ ନିଆଁ ଉପରକୁ ଲମ୍ପ ମାରୁଥିବାର ଦେଖାଯାଇଥିଲା । ଏହି ଦୃଶ୍ୟ ଦେଖିବା ପରେ ସମସ୍ତେ ଭୟରେ ଏଣେ ତେଣେ ଧାଇଁଥିଲେ । ସମସ୍ତଙ୍କ ମନରେ ପ୍ରଶ୍ନ ଉଠିଥିଲା ବୋରିଂରୁ ପାଣି ପରିବର୍ତ୍ତେ ନିଆଁ କିପରି ବାହାରୁଛି । ତେବେ କିଛି ସମୟ ପରେ ଏହି ଘଟଣା ଉପରୁ ପର୍ଦ୍ଦାଫାଶ ହୋଇଥିଲା । ଏହି ଘଟଣାର ଭିଡିଓ ଏବେ ସୋସିଆଲ ମିଡିଆରେ ଜୋରଦାର ଭାଇରାଲ୍ ହେବାରେ ଲାଗିଛି ।
#Watch: यूपी के मिर्जापुर जिले के मड़िहान तहसील के लालगंज थाना क्षेत्र के बहुती गांव की एक बोरिंग से पानी की जगह आग निकलने लगी। कहा जा रहा है कि बोरिंग में पेट्रोलियम पदार्थ होने के चलते उसके ज्वलनशील गैस बन गई। जिस कारण आग की लपटें निकल रही हैं। #UttarPradesh #Mirzapur pic.twitter.com/g4sOo9nieR
— Hindustan (@Live_Hindustan) September 30, 2023
ଘଟଣାଟି ମିର୍ଜାପୁର ଜିଲ୍ଲା ମାଡିହାନ ତହସିଲର ଲାଲଗଞ୍ଜ ଥାନା କ୍ଷେତ୍ର ବହୁତୀ ଗ୍ରାମର । ଏଠାରେ ଏକ ବୋରିଂରୁ ପାଣି ପରିବର୍ତ୍ତେ ନିଆଁ ବାହାରିବାରେ ଲାଗିଛି । ଏହି ଘଟଣାର ଅନୁସନ୍ଧାନ ପରେ ବୋରିଂରୁ ପେଟ୍ରୋଲ ଗନ୍ଧ ଆସୁଥିବାର ଜଣାପଡିଥିଲା । ଏହି କାରଣରୁ ବୋରିଂ ମଧ୍ୟରେ ଜ୍ୱଳନଶୀଳ ଗ୍ୟାସ ସୃଷ୍ଟି ହୋଇଛି । ଏହି ଗ୍ରାମର ଜଣେ ବ୍ୟକ୍ତି ପାଣି ପାଇଁ ଏହି ବୋରିଂ ଖୋଳାଇଥିଲେ । ବୋରିଂ ଖୋଳାଯିବା ସମୟରେ ଏଥିରୁ ପାଣି ବାହାରିବା ପରିବର୍ତ୍ତେ ଗ୍ୟାସ ବାହାରିଥିଲା ।
ଏହି ସୂଚନା ଗ୍ରାମବାସୀ ଏସଡିଏମଙ୍କୁ ଦେଇଥିଲେ । ଏସଡିଏମ୍ ଘଟଣାସ୍ଥଳରେ ପହଞ୍ଚିବା ପରେ ପରୀକ୍ଷଣ ଲାଗି ବୋରିଂ ମୁହଁରେ ମ୍ୟାଚ୍ ଲଗାଇବାକୁ କହିଥିଲେ । ଏହାପରେ ସେଠାରେ ନିଆଁ ଜଳି ଉଠିଥିଲା । କୌଣସି ଅଘଟଣ ଯେପରି ନ ଘଟେ ଏହାକୁ ଦୃଷ୍ଟିରେ ରଖି ଏବେ ଏସଡିଏମ୍ ଏହି ବୋରିଂକୁ ବନ୍ଦ କରିଦେବାକୁ ନିର୍ଦ୍ଦେଶ ଦେଇଛନ୍ତି । ଏ ବିଷୟରେ ଉଚ୍ଚ ଅଧିକାରୀଙ୍କୁ ଅବଗତ କରାଯିବା ପରେ ଯାହା କିଛି କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ସଂପୃକ୍ତ ଏସଡିଏମ୍ କହିଛନ୍ତି ।
