ଦିଲ୍ଲୀ ସମେତ ଉତ୍ତର ଭାରତରେ ଖୁବଶିଘ୍ର ଆସିବ ଶୀତ,ଅନେକ ଅଞ୍ଚଳରେ ବର୍ଷା ଏବଂ ପର୍ବତରେ ତୁଷାରପାତ ହେବାର ସମ୍ଭାବନା ରହିଛି
ନୂଆଦିଲ୍ଲୀ: ଅକ୍ଟୋବର ମାସର ଅଧା ସମୟ ସରି ଯାଇଛି । ଏହା ସହିତ ଉତ୍ତର ଭାରତର ରାଜଧାନୀ ଦିଲ୍ଲୀରେ ଶୀତ ଅନୁଭୂତ ହେଉଛି । ସକାଳ ଓ ସନ୍ଧ୍ୟାରେ ତାପମାତ୍ରା ହ୍ରାସ ପାଇବା ରେକର୍ଡ କରାଯାଇଛି | ରାତିରେ ହାଲୁକା କୁହୁଡି ମଧ୍ୟ ଦେଖାଯାଉଛି | ବର୍ତ୍ତମାନ ଆସନ୍ତା ଚାରି ଦିନ ମଧ୍ୟରେ ବର୍ଷା ହେବାର ପୂର୍ବାନୁମାନ କରିଛି ଭାରତୀୟ ପାଣିପାଗ ବିଭାଗ। IMD ରୁ ମିଳିଥିବା ସୂଚନା ଅନୁଯାୟୀ, ଅକ୍ଟୋବର ୧୫ ରୁ ବର୍ଷା ହେବାର ସମ୍ଭାବନା ଅଛି |
IMD, ଦିଲ୍ଲୀ, ଉତ୍ତରପ୍ରଦେଶ, ପଞ୍ଜାବ ଏବଂ ହରିୟାଣା ଉପରେ ପ୍ରବଳ ବର୍ଷା ହେବା ସହିତ ଜାମ୍ମୁ କାଶ୍ମୀର ଏବଂ ହିମାଚଳ ପ୍ରଦେଶର କିଛି ଅଂଶରେ ପ୍ରବଳ ବର୍ଷା କିମ୍ବା ତୁଷାରପାତ ହେବାର ଆଶଙ୍କା ରହିଛି। ଆଇଏମଡି କହିଛି ଯେ ଆସନ୍ତା ଚାରି ଦିନ ମଧ୍ୟରେ ଉତ୍ତର ପଶ୍ଚିମ ତଥା ମଧ୍ୟ ଭାରତର କିଛି ଅଂଶରେ ବର୍ଷା ହେବାର ସମ୍ଭାବନା ରହିଛି।
ଅକ୍ଟୋବର ୧୫ ରେ ପାଣିପାଗରେ ପରିବର୍ତ୍ତନ ହେବାରୁ ଏହି ବ୍ୟବସ୍ଥା ଆହୁରି ତୀବ୍ର ହେବାର ସମ୍ଭାବନା ରହିଛି ବୋଲି ଆଇଏମଡି କହିଛି। ଶୁକ୍ରବାର ରାତିରୁ ଅକ୍ଟୋବର ୧୭ପର୍ଯ୍ୟନ୍ତ ଉତ୍ତର ପଶ୍ଚିମ ଏବଂ କେନ୍ଦ୍ରୀୟ ଭାରତ ଉପରେ ଏହି ଜଳବାୟୁ ପ୍ରଭାବ ପକାଇବ | ଫଳସ୍ୱରୂପ, ସମାନ ସମୟରେ ଉତ୍ତର-ପଶ୍ଚିମ ଭାରତରେ ବର୍ଷା ହେବାର ସମ୍ଭାବନା ରହିଛି |
