(video)Welcome-3 ର ଶୁଟିଂ ସେଟ୍ରୁ ଖିଲାଡି କୁମାର ସେୟାର କଲେ ଭିଡିଓ, ବଢିଗଲା ଫ୍ୟାନ୍ସଙ୍କ ଉତ୍କଣ୍ଠା
ଅକ୍ଷୟ କୁମାରଙ୍କ ‘ୱେଲକମ୍ ୩’ କୁ ନେଇ ଦର୍ଶକଙ୍କ ମଧ୍ୟରେ ବେଶ୍ ଉତ୍ସାହ ଭରି ରହିଛି । ତେବେ ଏହା ମଧ୍ୟରେ ଖବର ମିଳିଛି କି ଅକ୍ଷୟ କୁମାର ‘ୱେଲକମ୍ ୩’ ଶୁଟିଂ ଆରମ୍ଭ କରି ଦେଇଛନ୍ତି । ‘ୱେଲକମ୍ ଟୁ ଜଙ୍ଗଲ’ ୱେଲକମ୍ ଫିଲ୍ମ ଫ୍ରାଞ୍ଚାଇଜର ୩ୟ ଫିଲ୍ମ । ଏହି ଫିଲ୍ମକୁ ନେଇ ଅକ୍ଷୟ କୁମାର ଦୀର୍ଘ ସମୟ ଧରି ପ୍ରଶଂସକଙ୍କ ମଧ୍ୟରେ ଚର୍ଚ୍ଚାରେ ଅଛନ୍ତି । ଏହି କ୍ରମରେ ଏବେ ଅକ୍ଷୟ କୁମାର ୱେଲକମ୍ ୩ ଶୁଟିଂ ସମୟର ଏକ ବିଟିଏସ୍ ଭିଡିଓ ସେୟାର କରିଛନ୍ତି ଯାହାକୁ ଏବେ ସୋସିଆଲ ମିଡିଆରେ ବେଶ୍ ପସନ୍ଦ କରାଯାଉଛି ।
ତେବେ ଫିଲ୍ମର ନିର୍ମାତା ଏବେ ଏହାର ଶୁଟିଂ ଆରମ୍ଭ କରି ଦେଇଛନ୍ତି । ଫିଲ୍ମର ଯେଉଁ ଭିଡିଓ ସେ ସେୟାର କରିଛନ୍ତି ସେଥିରେ ପୁରା ଷ୍ଟାର କାଷ୍ଟ ଶୁଟିଂ ସମୟରେ ମସ୍ତି କରୁଥିବାର ନଜର ଆସୁଛନ୍ତି । ବିଟିଏସ୍ ଭିଡିଓ ସେୟାର କରି ଅକ୍ଷୟ ଲେଖିଛନ୍ତି , ‘#WelcomeToTheJungle ଶୁଟିଂ ଆରମ୍ଭରୁ ହିଁ ମସ୍ତୀ ଓ ପାଗଳାମୀ ଆରମ୍ଭ ହୋଇଯାଇଛି । ପାଗଳାମୀରେ ଭର୍ତ୍ତି ଏହି ରୋଲ୍କାଷ୍ଟର ଲାଗି ଆପଣଙ୍କ ଶୁଭକାମନାର ଆବଶ୍ୟକତା ରହିଛି ।
Absolute madness of masti begins as we start the shoot of #WelcomeToTheJungle. Will need your wishes for this rollercoaster full of all things fun and crazy 🙂#Welcome3 pic.twitter.com/s8hlvSdhNj
— Akshay Kumar (@akshaykumar) December 13, 2023
ଏହି ଭିଡିଓରେ ଖିଲାଡି କୁମାର ଷ୍ଟଣ୍ଟ କରୁଥିବାର ନଜର ଆସୁଛନ୍ତି । ଅକ୍ଷୟ ଓ ଅର୍ସଦ ୱାର୍ସି ଏକ ଅଣଓସାରିଆ ଷ୍ଟାଣ୍ଡ ଉପରେ ଛିଡା ହୋଇଛନ୍ତି ଓ ଲାରା ଦତ୍ତ ଉଭୟଙ୍କୁ ଚାବୁକ ମାଡ କରୁଛନ୍ତି । ଏହାପରେ ଉଭୟ ନିଜ ନିଜ ସ୍ଥାନରୁ ହଲି ଯାଉଛନ୍ତି ଓ ଅକ୍ଷୟ କୁମାର ତଳେ ଖସିପଡୁଛନ୍ତି । ଏବେ ସୋସିଆଲ ମିଡିଆରେ ଏହି ଫନି ଭିଡିଓ ଦ୍ରୁତ ଗତିରେ ଭାଇରାଲ ହେବାରେ ଲାଗିଛି । ୟୁଜର ଲେଖିଛନ୍ତି ଯଦି ଶୁଟିଂ ସମୟର ଭିଡିଓ ଏତେ ମଜାଦାର ତେବେ ଫିଲ୍ମ ନିଶ୍ଚୟ ବହୁତ ମଜାଦାର ହୋଇଥିବ । ଫିଲ୍ମରେ ଅକ୍ଷୟ କୁମାରଙ୍କ ସହିତ ସୁନୀଲ ସେଟ୍ଟୀ, ସଂଜୟ ଦତ୍ତ, ରବୀନା ଟଣ୍ଡନ, ଲାରା ଦତ୍ତ, ଦିଶା ପଟାନୀ, ରାଜପାଳ ଯାଦବ , ପରେଶ ରାୱଲ ପରି ବହୁ ନାମୀ କଳାକାର ଏକ ସଙ୍ଗେ ନଜର ଆସିବେ ।
