ଅଯୋଧ୍ୟାରେ କିଏ ତିଆରି କରୁଛନ୍ତି ରାମ ମନ୍ଦିିର, କିପରି ଭାବେ ହେବ ପୂଜାର୍ଚ୍ଚନା: ସାମ୍ନାକୁ ଆସିଲା ବଡ଼ ଖବର

ଅଯୋଧ୍ୟା: ଅଯୋଧ୍ୟାରେ ଶ୍ରୀରାମ ମନ୍ଦିରର ପ୍ରାଣ ପ୍ରତିଷ୍ଠା ପାଇଁ ପ୍ରସ୍ତୁତି ଶେଷ ପର୍ୟ୍ୟାୟରେ ପହଞ୍ଚିଛି । ତେବେ ଜାନୁଆରୀ ମାସ ୨୨ ତାରିଖରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମନ୍ଦିରରେ ଗର୍ଭଗୃହରେ ପ୍ରଭୁ ଶ୍ରୀରାମଙ୍କର ପ୍ରାଣ ପ୍ରତିଷ୍ଠା କରିବେ। ମନ୍ଦିରରେ ତାଙ୍କର ପାଞ୍ଚ ବର୍ଷର ବାଳକ ରୂପରେ ଏକ ପ୍ରତିମୂର୍ତ୍ତି ସ୍ଥାପନ କରାଯିବ। ଅଯୋଧ୍ୟାରେ ଏହି ପ୍ରତିମୂର୍ତ୍ତିର ନିର୍ମାଣ କାର୍ୟ୍ୟ ଚାଲିଛି। ଶ୍ରୀରାମ ଜନ୍ମଭୂମି ତୀର୍ଥ କ୍ଷେତ୍ର ଟ୍ରଷ୍ଟର ସାଧାରଣ ସମ୍ପାଦକ କହିଛନ୍ତି ଯେ ତିନି ଜଣ ଲୋକ ରାମଲାଲାଙ୍କ ପ୍ରତିମୂର୍ତ୍ତି ତିଆରି କରୁଛନ୍ତି । ସମୟ ଆସିଲେ ସେ ବିଷୟରେ ସମସ୍ତଙ୍କୁ ଅବଗତ କରାଯିବ ।

ଚମ୍ପତ ରାୟ ଆହୁରି କହିଛନ୍ତି, “ରାମଲଲ୍ଲାଙ୍କର ଏକ ନୂତନ ପ୍ରତିମୂର୍ତ୍ତି ନିର୍ମାଣ କରାଯାଉଛି ଅଯୋଧ୍ୟାରେ, ଏହା ଯଥେଷ୍ଟ। ତିନି ଜଣ ଏହାକୁ ତିଆରି କରୁଛନ୍ତି ବୋଲି ମୁଁ ଏହା ପୂର୍ବରୁ ଅନେକ ଥର କହିଛି । ତେବେ ସେହି କାରିଗରମାନେ ଆଗରୁ ଅନେକ ମୂର୍ତ୍ତି ତିଆରି କରିଛନ୍ତି । ତଥାପି ଲୋକମାନେ ସମାଜରେ ନୂତନ ପ୍ରକାରର ଭୁଲ ଧାରଣାର ପ୍ରସାର ପ୍ରଚାର କରିବାକୁ ପସନ୍ଦ କରିଥାନ୍ତି। ସେମାନଙ୍କୁ କହିବାକୁ ମୋର ବିଶେଷ କିଛି ନାହିଁ । କିନ୍ତୁ ବର୍ତ୍ତମାନ ମୁଁ କେବଳ କହିବି କି ମୂର୍ତ୍ତି କାରିମାନଙ୍କର ଫଟୋ ମଧ୍ୟ ସାମ୍ନାକୁ ଆସିବ ।”

ଚମ୍ପତ ରାୟ ମନ୍ଦିରରେ ପୂଜା କରିବା ପାଇଁ ପଣ୍ଡିତମାନଙ୍କ ଚୟନ ଏବଂ ରାମ ମନ୍ଦିରରେ ପୂଜା ପଦ୍ଧତି ବିଷୟରେ ସୂଚନା ଦେଇଛନ୍ତି । ସେ କହିଛନ୍ତି ଯେ- “ରାମ ମନ୍ଦିର ପାଇଁ କେଉଁ ପ୍ରକ୍ରିୟାରେ ପଣ୍ଡିତମାନଙ୍କୁ ଚୟନ କରାଯାଉଛି ତାହା କୁହାଯାଇପାରିବ ନାହିଁ। ଯେଉଁମାନେ ଏପରି ପ୍ରଶ୍ନ ପଚାରୁଛନ୍ତି ସେମାନେ ହୁଏତ ଏହି ପଣ୍ଡିତମାନଙ୍କୁ ମଧ୍ୟ ଜାଣି ନଥିବେ । ତେବେ ପଣ୍ଡିତମାନେ ଆସିବା ପରେ ସେମାନଙ୍କ ନାମ ମଧ୍ୟ ପ୍ରକାଶ କରାଯିବ ।”