(Video) ସତ ହେଲା ପିଲା ଦିନର ଗୀତ “ବାଃ ବାଃ ବାଃ କେମିତି ମଜା, ଭାଲୁ ନାଚ କରେ ବଜାଇ ବାଜା”….
ଓଡ଼ିଶା ଭାସ୍କର: ପଶୁମାନଙ୍କ ମଧ୍ୟରେ ସବୁଠୁ ଚତୁର ହେଉଛି ଭାଲୁ । ବୈଜ୍ଞାନିକମାନେ ଭାଲୁର ବୁଦ୍ଧିକୁ ଆଠ ବର୍ଷର ମଣିଷ ପିଲା ସହ ତୁଳନା କରନ୍ତି । ମନେ ପଡ଼େ ପିଲା ଦିନର ଗୀତ “ବାଃ ବାଃ ବାଃ କେମିତି ମଜା, ଭାଲୁ ନାଚ କରେ ବଜାଇ ବାଜା”, ଯେଉଁ ଗୀତରେ ଗୋଟିଏ ଭାଲୁ ବାଜା ବଜାଉ ଥିବାର ଛବି ଥିଲା । ଆଉ ସେଇ ଛବି ଦେଖି ଆମେ ଭାଲୁ ନାଚିଲେ କିପରି ଦେଖାଯିବ, ସେକଥା ମନେ ମନେ ଭାବି ଖୁସି ହେଉ । ଏଥର ଏପରି ଦୃଶ୍ୟକୁ ଏବେ କ୍ୟାମେରାରେ ରେକର୍ଡ କରାଯାଇଛି, ହେଲେ ଏଠି ଭାଲୁ ବାଜା ବଜାଉନି କେବଳ ନାଚ କରୁଛି । ଏହି ଭିଡିଓ ବିଭିନ୍ନ ସୋସିଆଲ ମିଡିଆ ପ୍ଲାଟଫର୍ମରେ ବହୁତ ଲୋକପ୍ରିୟତା ହାସଲ କରିଛି ।
@Yoda4ever ନାମକ ଟ୍ୱିଟର ଆକାଉଣ୍ଟରେ ସେୟାର କରାଯାଇଛି। ଯାହାକୁ ଦେଖି ଭିଡିଓରେ ଭାଲୁ ନାଚେ ବୋଲି ପ୍ରମାଣିତ ହୋଇଛି । ଭଲୁଟି ତା’ର ଖୁସି ଦେଖାଇବା ପାଇଁ ଏପରି ନାଚ କରୁଥିବା ଦେଖିବାକୁ ମିଳୁଛି। କ୍ୟାମେରାରେ କଏଦ ହୋଇଥିବା ଏହି କ୍ଲିପ୍ ଦର୍ଶକଙ୍କୁ ପିଲା ଦିନର ଗୀତ “ବାଃ ବାଃ ବାଃ କେମିତି ମଜା, ଭାଲୁ ନାଚ କରେ ବଜାଇ ବାଜା”କୁ ମନେ ପକାଇ ଦେଇଛି। ଏହି ଭିଡିଓକୁ 2.2 ମିଲିୟନରୁ ଅଧିକ ଲୋକ ଦେଖି ଭାଇରାଲ ହେବା ସହ ଏହି ଗୀତ ସ୍ମୃତିକୁ ମନେ ପକାଇଛନ୍ତି ।
Dance like nobody's watching..🐻🕺😅 pic.twitter.com/mdp54Jx7Uv
— 𝕐o̴g̴ (@Yoda4ever) January 5, 2024