ତୃତୀୟ ପର୍ଯ୍ୟାୟ ପ୍ରାର୍ଥୀ ତାଲିକା ଜାରି କଲା କଂଗ୍ରେସ: ୭ ରାଜ୍ୟ ପାଇଁ ପ୍ରାର୍ଥୀଙ୍କ ନାମ ଘୋଷଣା
ନୂଆଦିଲ୍ଲୀ: ଆସନ୍ତା ମାସ ୧୯ ତାରିଖ ଠାରୁ ଦେଶରେ ସାତଟି ପର୍ଯ୍ୟାୟରେ ଲୋକସଭା ନିର୍ବାଚନ ପାଇଁ ମତଦାନ ଆରମ୍ଭ ହେବ । ଏନେଇ ବିଜେପି ତା’ର ତୃତୀୟ ପର୍ଯ୍ୟାୟ ପ୍ରାର୍ଥୀ ତାଲିକା ଜାରି କରି ସାରିଥିବା ବେଳେ ଏହା ମଧ୍ୟରେ କଂଗ୍ରେସ ମଧ୍ୟ ତୃତୀୟ ପର୍ଯ୍ୟାୟ ପ୍ରାର୍ଥୀଙ୍କ ଲିଷ୍ଟ ଜାରି କରିଛି । ଦଳ ପ୍ରଥମ ପର୍ଯ୍ୟାୟରେ ୩୯ ଜଣ ଓ ଦ୍ୱିତୀୟ ପର୍ଯ୍ୟାୟରେ ୪୩ ଜଣ ଏପରି ଭାବେ ୮୨ ଜଣ ପ୍ରାର୍ଥୀଙ୍କ ଲିଷ୍ଟ ଜାରି କରିଥିଲା । ଏବେ ତୃତୀୟ ପର୍ଯ୍ୟାୟରେ ଦଳ ୫୭ ଜଣ ପ୍ରାର୍ଥୀଙ୍କ ନାମ ଘୋଷଣା କରିଛି ।
ତେବେ ଦଳ ପକ୍ଷରୁ ୭ଟି ରାଜ୍ୟ ଓ ଗୋଟିଏ କେନ୍ଦ୍ରଶାସିତ ଅଞ୍ଚଳ ପାଇଁ ପ୍ରାର୍ଥୀଙ୍କ ନାମ ଘୋଷଣା କରାଯାଇଛି । ସେଥିମଧ୍ୟରେ ଅରୁଣାଚଳ ପ୍ରଦେଶର ୨ ଜଣ, ଗୁଜରାଟର ୧୧ ଜଣ, କର୍ଣ୍ଣାଟକର ୧୭ ଜଣ, ମହାରାଷ୍ଟ୍ରର ୭ ଜଣ, ରାଜସ୍ଥାନର ୬ ଜଣ, ତେଲେଙ୍ଗାନାର ୫ ଜଣ, ପଶ୍ଚିମବଙ୍ଗର ୮ ଜଣ ଓ ପୁଡ଼ୁଚେରୀର ୧ ଜଣ ପ୍ରାର୍ଥୀଙ୍କ ନାମ ରହିଛି । ଏପ୍ରିଲ ୧୯ ଓ ୨୬, ମେ ୬, ୧୩, ୨୦ ଓ ୨୫, ଜୁନ ୧ ତାରିଖରେ ମତଦାନ ଗ୍ରହଣ କରାଯିବ । ଜୁନ ୪ରେ ୫୪୩ଟି ଆସନର ଫଳାଫଳ ଘୋଷଣା କରାଯିବ ।
कांग्रेस अध्यक्ष श्री @kharge की अध्यक्षता में आयोजित 'केंद्रीय चुनाव समिति' की बैठक में लोकसभा चुनाव, 2024 के लिए 57 लोकसभा सीटों पर कांग्रेस उम्मीदवारों के नाम की तीसरी लिस्ट जारी की गई। pic.twitter.com/7TMkx4faZ4
— Congress (@INCIndia) March 21, 2024