(Video) ଆଇପିଏଲ ମ୍ୟାଚ ବେଳେ ଲଜ୍ଜାଜନକ ଘଟଣା: ବଲ ଚୋରି କରି ପଳାଉଥିବା ବେଳେ ଧରାପଡ଼ିଲେ ଜଣେ ଦର୍ଶକ
ନୂଆଦିଲ୍ଲୀ: ଚଳିତ ଇଣ୍ଡିଆନ ପ୍ରିମିୟର ଲିଗ୍ (ଆଇପିଏଲ) ୨୦୨୪ ପାଖପାଖି ଶେଷ ପର୍ଯ୍ୟାୟରେ ପହଞ୍ଚିଛି । ଆଉ ୪ଟି ମ୍ୟାଚ ପରେ ପ୍ଲେ-ଅଫ୍ ପର୍ଯ୍ୟାୟ ଖେଳାଯିବ । ତେବେ ଏହା ମଧ୍ୟରେ ସାମ୍ନାକୁ ଆସିଛି ଏକ ବଡ଼ ଖବର । ସାଧାରଣ ଭାବେ କ୍ରୀଡ଼ା ଏକ ମନୋରଞ୍ଜନର ମାଧ୍ୟମ ହୋଇଥିବା ବେଳେ ଏହା ମାଧ୍ୟମରେ କୋଟି କୋଟି ଲୋକ ଖୁସି ଅନୁଭବ କରିଥାନ୍ତି । ତେବେ ଆଇପିଏଲ ମ୍ୟାଚ ଚାଲିଥିବା ବେଳେ ଦେଖିବାକୁ ମିଳିଛି ଏକ ଲଜ୍ଜାଜନକ ଘଟଣା ।
ଖବର ମୁତାବକ, ଗତ ୧୧ ତାରିଖରେ ଖେଳାଇଥିବା କୋଲକତା ଓ ମୁମ୍ବାଇ ମଧ୍ୟରେ ଖେଳାଯାଇଥିବା ମ୍ୟାଚ ଅବସରରେ ଏଭଳି ଏକ ଅଘଟଣ ଘଟିଯାଇଥିଲା । ଆଇପିଏଲ ମ୍ୟାଚ ସମୟରେ ଜଣେ ଦର୍ଶକ ବଲକୁ ନିଜ ପ୍ୟାଣ୍ଟ ଭିତରେ ଲୁଚାଇ ପଳାଉଥିବା ସମୟରେ ପୋଲିସ ହାତରେ ଧରାପଡ଼ିଥିଲେ । ଏହି ଘଟଣାର ଏକ ଭିଡିଓ ସାମ୍ନାକୁ ଆସିଛି । ଉକ୍ତ ମ୍ୟାଚରେ କୋଲକତା ୧୮୯ ରନରେ ଜିତିବା ସହିତ ପଏଣ୍ଟ ଟେବୁଲରେ ଟପ ସହିତ ପ୍ଲେ-ଅଫ୍ ଖେଳିବା ସୁନିଶ୍ଚିତ କରିଛି । ତେବେ ଖେଳ ସମୟରେ ଘଟିଥିବା ଏହି ଅସ୍ୱାଭାବିକ ଘଟଣାକୁ ନେଇ ଏବେ ସୋସିଆଲ ମିଡ଼ିଆରେ ବେଶ୍ ଚର୍ଚ୍ଚା ହେଉଥିବା ଦେଖିବାକୁ ମିଳିଛି ।
Ball pent me 🤣 pic.twitter.com/2gG8EtBizf
— Professor Sahab (@ProfesorSahab) May 13, 2024
