ଝଟକା ଦେଲେ ରୁଷି ସୁନକ! ଭାରତର ୪ ହଜାର ନର୍ସଙ୍କୁ ଛାଡିବାକୁ ହେବ ବ୍ରିଟେନ, ଜାଣନ୍ତୁ ଡିଟେଲ୍ସ

ନୂଆଦିଲ୍ଲୀ: ବହୁ ସଂଖ୍ୟାରେ ଭିଜା ସ୍ପନ୍ସର କରିଥିବା ଅନେକ କମ୍ପାନୀମାନ ନକଲି ବୋଲି ଜଣାପଡିଛି । ଯେଉଁ କାରଣରୁ ବ୍ରିଟେନରେ ହଜାର ହଜାର ଭାରତୀୟ ନର୍ସଙ୍କ ଉପରେ ବିପଦ ଦେଖାଦେଇଛି । କାରଣ ରୁଷି ସୁନକ ସରକାର ସେହି ଭାରତୀୟ ନର୍ସଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି, ଯେଉଁମାନେ ଏହି କମ୍ପାନୀମାନଙ୍କ ଜରିଆରେ ରହିଥିଲେ । ସରକାର ଏହି ନିଷ୍ପତ୍ତିର ପ୍ରଭାବ ୭ ହଜାରରୁ ଅଧିକ ନର୍ସଙ୍କ ଉପରେ ପଡିବ । ଏଥିରେ ସବୁଠାରୁ ଅଧିକ ଭାରତର ୪ ହଜାର ନର୍ସ ଅଛନ୍ତି । ଏହି ନର୍ସଙ୍କ ମଧ୍ୟରେ ୯୪ ପ୍ରତିଶତ ମାମଲାର କମ୍ପାନୀଗୁଡିକର ରେଜିଷ୍ଟ୍ରେସନ ପ୍ରତିବନ୍ଧକ ଲଗାଯିବାର କାରଣ ସାମ୍ନାକୁ ଆସିଛି ।

ରିପୋର୍ଟ ମୁତାବକ ଏଥିପାଇଁ ସରକାରଙ୍କୁ ମଧ୍ୟ ଦାୟୀ ବୋଲି କୁହାଯାଉଛି । କାରଣ ଫେକ କମ୍ପାନୀଗୁଡିକ କାରଣରୁ ଏହି ସମସ୍ୟା ଉପୁଜିଛି, ଯାହାକୁ ସୁନକ ସରକାର ବିନା ତଦନ୍ତରେ ନର୍ସମାନଙ୍କୁ ଚାକିରିରେ ରଖିଥିଲେ । କାରଣ ବ୍ରିଟେନରେ ବିଦେଶୀମାନଙ୍କୁ କାମରେ ରଖିବା ଲାଗି ସ୍ପନ୍ସର ଲାଇସେନ୍ସର ଆବଶ୍ୟକତା ରହିଥାଏ । ସୁନକ ସରକାରଙ୍କ ଉପରେ ବିନା ଯାଞ୍ଚର ଶତାଧିକ କମ୍ପାନୀଗୁଡିକୁ ଲାଇସେନ୍ସ ଦେବାର ଅଭିଯୋଗ ରହିଛି । ସରକାର ୨୬୮ କମ୍ପାନୀଗୁଡିକୁ ଲାଇସେନ୍ସ ଦେଇଛନ୍ତି, ଯେଉଁମାନେ କେବେବି ଇନକମ ଟ୍ୟାକ୍ସ ରିଟର୍ଣ୍ଣ ମଧ୍ୟ ଦାଖଲ କରିନାହାନ୍ତି । ଏଥିରେ ଲାଇସେନ୍ସ ହାସଲ କରିଥିବା ଅନେକ କମ୍ପାନୀମାନ ମଧ୍ୟ ନକଲି ରହିଛନ୍ତି ।