ଏହିସବୁ ରୋଗ ଥିଲେ ପିଅନ୍ତୁ ନାହିଁ ବ୍ଲାକ୍ କଫି: ଫାଇଦା ବଦଳରେ ହୋଇଯିବ କ୍ଷତି
କିଛି ଲୋକ ବ୍ଲାକ୍ କଫି ପିଇବାକୁ ବହୁତ ପସନ୍ଦ କରନ୍ତି । ସେଥିପାଇଁ ଦିନକୁ ଅନେକ ଥର ବ୍ଲାକ୍ କଫି ପିଇଥାନ୍ତି । କିନ୍ତୁ ଯଦି ଆପଣ ଆବଶ୍ୟକତାଠାରୁ ଅଧିକ କଳା କଫି ପିଉଛନ୍ତି, ତେବେ ଆପଣ ନିଶ୍ଚୟ ଭାବରେ ସତର୍କ ହେବା ଉଚିତ୍, ନଚେତ୍ ଆପଣଙ୍କ ସ୍ୱାସ୍ଥ୍ୟର ଅନେକ କ୍ଷତି ହୋଇପାରେ । ବ୍ଲାକ୍ କଫି ସବୁବେଳେ ଏକ ଲିମିଟରେ ପିଇବା ଉଚିତ୍ ।
ଅତ୍ୟଧିକ ପରିମାଣର ବ୍ଲାକ୍ କଫି ପିଇବା ଆପଣଙ୍କ ସ୍ୱାସ୍ଥ୍ୟ ପାଇଁ ଅତ୍ୟନ୍ତ ବିପଜ୍ଜନକ ହୋଇପାରେ ଏବେ ଏହାର ଅନେକ ସାଇଡ୍ ଇଫେକ୍ଟସ୍ ମଧ୍ୟ ଦେଖାଦେଇଥାଏ । ତେବେ ଆସନ୍ତୁ ବ୍ଲାକ୍ କଫିର କିଛି ସାଇଡ୍ ଇଫେକ୍ଟସ୍ ବିଷୟରେ ଜାଣିବା ।
ବ୍ଲାକ୍ କଫି ଯୋଗୁଁ ଆପଣଙ୍କୁ ପେଟ ସମ୍ବନ୍ଧୀୟ ସମସ୍ୟାର ସମ୍ମୁଖୀନ ହେବାକୁ ପଡିପାରେ । ଯଦି ଆପଣ ଗୋଟିଏ ଦିନରେ ଅଧିକ ଥର ବ୍ଲାକ୍ କଫି ପିଉଛନ୍ତି, ତେବେ ଆପଣ ଡାଇରିଆରେ ମଧ୍ୟ ପୀଡିତ ହୋଇପାରନ୍ତି । ବ୍ଲାକ୍ କଫିରେ ମିଳୁଥିବା ଅଧିକ ପରିମାଣର କଫିନ୍ ପିଇବା ହେତୁ ଆପଣଙ୍କୁ ଷ୍ଟ୍ରେସର ସମ୍ମୁଖୀନ ମଧ୍ୟ ହେବାକୁ ପଡିପାରେ । ଯଦି ଆପଣ ଅଳ୍ପ ପରିମାଣରେ ଅର୍ଥାତ ଦିନକୁ ଥରେ କିମ୍ବା ଦୁଇଥର ବ୍ଲାକ୍ କଫି ପିଉଛନ୍ତି, ତେବେ ଆପଣ ଆରାମ ଅନୁଭବ କରିବେ । କିନ୍ତୁ ଯଦି ଆପଣ ଆବଶ୍ୟକତାଠାରୁ ଅଧିକ କଫି ପିଅନ୍ତି, ତେବେ ଆପଣ ଅନିଦ୍ରା ଭଳି ସମସ୍ୟାରେ ପୀଡିତ ହୋଇପାରନ୍ତି ।
ରିପୋର୍ଟ ଅନୁଯାୟୀ, ଦିନରେ ୫୦୦ ମିଲିଗ୍ରାମରୁ ଅଧିକ କଫିନ୍ ପିଇବା ଦ୍ୱାରା ଆପଣଙ୍କୁ ଅସ୍ଥିରତା ଏବଂ ବାନ୍ତି ହୋଇପାରେ । ଅତ୍ୟଧିକ ବ୍ଲାକ୍ କଫି ପିଇବା ଦ୍ୱାରା ଆପଣଙ୍କୁ ମୁଣ୍ଡ ବିନ୍ଧା ମଧ୍ୟ ହୋଇପାରେ । ଯଦି ଆପଣ ଗୋଟିଏ ଦିନରେ ୫୦୦ ମିଲିଗ୍ରାମରୁ ଅଧିକ କଫିନ୍ ପିଅନ୍ତି, ତେବେ ତୁରନ୍ତ ଆପଣଙ୍କର ଏହି ଖରାପ ଅଭ୍ୟାସକୁ ସଂଶୋଧନ କରନ୍ତୁ । ଏହା ବ୍ୟତୀତ ମାନସିକ, କିଡନୀ ଏବଂ ଥାଇରଏଡ୍ ରୋଗୀମାନେ ବ୍ଲାକ୍ କଫି ପିଇବା ପୂର୍ବରୁ ନିଶ୍ଚିତ ଭାବରେ ଡାକ୍ତରଙ୍କ ସହିତ ପରାମର୍ଶ କରିବା ଉଚିତ୍ ।