ଇଂଲଣ୍ଡ ପାଇଁ ଖେଳିଥିଲେ ୧୦୦ଟି ଟେଷ୍ଟ ମ୍ୟାଚ୍, ୫୫ ବର୍ଷ ବୟସରେ Graham Thorpeଙ୍କ ନିଧନ
ନୂଆଦିଲ୍ଲୀ: ଇଂଲଣ୍ଡର ପୂର୍ବତନ କ୍ରିକେଟର ଗ୍ରାହାମ ଥୋର୍ପ(Graham Thorpe)ଙ୍କ ପରଲୋକ । ମୃତ୍ୟୁ ବେଳକୁ ତାଙ୍କୁ ୫୫ ବର୍ଷ ବୟସ ହୋଇଥିଲା । ଏନେଇ ଇଂଲଣ୍ଡ ଏବଂ ୱେଲ୍ସ କ୍ରିକେଟ ବୋର୍ଡ଼(ECB) ପକ୍ଷରୁ ସୂଚନା ଦିଆଯାଇଛି । ୨୦୨୨ରେ ଗ୍ରାହାମ ଥୋର୍ପ ଗୁରୁତର ଭାବେ ଅସୁସ୍ଥ ହୋଇଯାଇଥିଲେ । କିନ୍ତୁ ତାଙ୍କୁ ଚିକିତ୍ସା ସମ୍ପର୍କିତ କୌଣସି ବିିବରଣୀ ECB ତରଫରୁ ପ୍ରଦାନ କରାଯାଇନାହିଁ ।
ଇଂଲଣ୍ଡ ଏବଂ ୱେଲ୍ସ କ୍ରିକେଟ ବୋର୍ଡ଼ ‘ଏକ୍ସ’ରେ ଏକ ପୋଷ୍ଟ ଶେୟାର କରି ଲେଖିଛି, ‘ଅତ୍ୟନ୍ତ ଦୁଖଃର ସହ ECB ଏହି ଖବର ଶୁଣାଉଛି କି ଗ୍ରାହାମ ଥୋର୍ପଙ୍କ ନିଧନ ହୋଇଯାଇଛି । ତାଙ୍କ ମୃତ୍ୟୁରେ ଆମେ ଗଭୀର ଆହତ ଏବଂ ଏହାକୁ ଶବ୍ଦରେ ବର୍ଣ୍ଣନା କରିହେବ ନାହିଁ । ବର୍ତ୍ତମାନ ପର୍ଯ୍ୟନ୍ତ ସେ ଇଂଲଣ୍ଡର ସର୍ବଶ୍ରେଷ୍ଠ ବ୍ୟାଟ୍ସମ୍ୟାନଙ୍କ ମଧ୍ୟରୁ ଜଣେ ଥିଲେ । ବିଶ୍ୱରେ ସମସ୍ତ ପ୍ରଶଂସକ ତାଙ୍କର ସମ୍ମାନ କରୁଥିଲେ । ତାଙ୍କ ଦକ୍ଷତା ଉପରେ କୌଣସି ପ୍ରଶ୍ନ ନଥିଲା । ୧୩ ବର୍ଷର ଆନ୍ତର୍ଜାତୀୟ କ୍ୟାରିୟରରେ ତାଙ୍କ ଯୋଗ୍ୟତା ଏବଂ ଉପଲବ୍ଧୀ ତାଙ୍କ ସାଥୀ, ଇଂଲଣ୍ଡ ଏବଂ ସମସ୍ତ ସମର୍ଥକଙ୍କୁ ବହୁତ ଖୁସି ପ୍ରଦାନ କରିଥିଲା ।’
It is with great sadness that we share the news that Graham Thorpe, MBE, has passed away.
There seem to be no appropriate words to describe the deep shock we feel at Graham's death. pic.twitter.com/VMXqxVJJCh
— England and Wales Cricket Board (@ECB_cricket) August 5, 2024
୧୯୯୩ରୁ ୨୦୦୫ ମସିହା ପର୍ଯ୍ୟନ୍ତ ଇଂଲଣ୍ଡ ପାଇଁ ୧୦୦ଟି ଟେଷ୍ଟ ମ୍ୟାଚ୍ ଖେଳିଥିଲେ ଥୋର୍ପ । ସେ ୧୦୦ଟି ଟେଷ୍ଟ ମ୍ୟାଚରେ ୪୪.୬୬ ଆଭରେଜରେ ୬୭୪୪ ଟେଷ୍ଟ ରନ୍ ସଂଗ୍ରହ କରିଥିଲେ । ଏଥିମଧ୍ୟରୁ ୧୬ଟି ଶତକ ଏବଂ ୩୯ଟି ଅର୍ଦ୍ଧଶତକ ରହିଛି । କେବଳ ଏତିକି ନୁହେଁ ଥୋର୍ପ ଇଂଲଣ୍ଡ ପାଇଁ ୮୨ ଦିନିକିଆ ଆନ୍ତର୍ଜାତୀୟ ମ୍ୟାଚ୍ ମଧ୍ୟ ଖେଳିଛନ୍ତି । ଏହି ସମୟରେ ସେ ୩୭.୧୮ ଆଭରେଜରେ ୨୩୮୦ ରନ୍ ସଂଗ୍ରହ କରିଥିଲେ । ଦିନିକିଆ ଆନ୍ତର୍ଜାତୀୟ ମ୍ୟାଚରେ ସେ ୨୧ଟି ଅର୍ଦ୍ଧଶତକ କରିଥିଲେ । ସେ କାଉଁଟି କ୍ରିକେଟ ଖେଳି ଦଳ ପାଇଁ ମୋଟ୍ ୨୦ ହଜାର ରନ୍ ସଂଗ୍ରହ କରିଥିଲେ ।
