(Video) ରାହୁଲ ଗାନ୍ଧୀଙ୍କୁ ଉପହାର ଦେଲେ ମୋଚି, ଫୋନ ଲଗାଇ କହିଲେ ‘ବାଃ ଭାଇ ବାଃ’
ନୂଆଦିଲ୍ଲୀ: ଉତ୍ତରପ୍ରଦେଶ ସୁଲତାନପୁରର ଜଣେ ମୋଚି କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ଉପହାର ପଠାଇଛନ୍ତି । ରାୟବରେଲୀ ସାଂସଦଙ୍କୁ ଉପହାରରେ ମିଳିଥିବା ଜୋତା ଏତେ ପସନ୍ଦ ଆସିଛି ଯେ, ସେ ସଙ୍ଗେ ସଙ୍ଗେ ସେହି ଜୋତାକୁ ପିନ୍ଧି ବୁଲିଛନ୍ତି ଏବଂ ଫୋନ ଲଗାଇ ମୋଚିଙ୍କ ପ୍ରଶଂସା କରିଛନ୍ତି । ରାହୁଲ ଗାନ୍ଧୀଙ୍କ ସହ ସେ କଥା ହୋଇ ଖୁସି ବ୍ୟକ୍ତ କରିଛନ୍ତି ।
ରାହୁଲ ଗାନ୍ଧୀ ଏକ ମାନହାନି ମାମଲାରେ ସୁଲତାନପୁର କୋର୍ଟରେ ହାଜର ହେବାକୁ ଯାଇଥିଲେ । ସେହି ସମୟରେ ସେଠାରୁ ସେ ଫେରିବା ବେଳେ ରାମଚେତ ମୋଚିଙ୍କ ଦୋକାନ ପାଖରେ ଅଟକିଥିଲେ ଏବଂ ତାଙ୍କ ପରିସ୍ଥିତି ବିଷୟରେ ପଚାରିଥିଲେ । ଏହି ସମୟରେ ସେ ତାଙ୍କ କାମ ମଧ୍ୟ ଦେଖିଥିଲେ । ଏହାପରେ ମୋଚି ନିଜ ହାତରେ ଏକ ଜୋତା ତିଆରି କରି ସାଂସଦଙ୍କୁ ପଠାଇଛନ୍ତି ।
ମୋଚିଙ୍କ ଦ୍ୱାରା ପଠାଯାଇଥିବା ଜୋତାକୁ ଦେଖି ରାହୁଲଗାନ୍ଧୀ ଏତେ ଖୁସି ହୋଇଛନ୍ତି ଯେ, ସେ ସୋସିଆଲ ମିଡିଆରେ ତାଙ୍କର ପ୍ରଶଂସା କରିଛନ୍ତି । ସାଂସଦ ଲେଖିଛନ୍ତି ଯେ, ଭାରତର ସବୁଠାରୁ ଅଧିକ ପୁଞ୍ଜି ଶ୍ରମିକ ପରିବାରର ‘ପାରମ୍ପରିକ କୌଶଳ’ରେ ଲୁଚି ରହିଛି । ଗତ କିଛି ଦିନ ତଳେ ସୁଲତାନପୁରରୁ ଫେରିବା ବେଳେ ରାସ୍ତାରେ ଜୋତା କାରିଗର ରାମଚେତଙ୍କ ସହ ଭେଟ ପଡିଥିଲା, ସେ ମୋ ପାଇଁ ପ୍ରେମ ଭାବ ସହ ନିଜ ହାତରେ ତିଆରି ଏକ ଆରମଦାୟକ ଏବଂ ସୁନ୍ଦର ଜୋତା ପଠାଇଛନ୍ତି । ଦେଶର କୋଣ ଅନୁକୋଣରେ ବିଭିନ୍ନ ପ୍ରକାରର ଦକ୍ଷତା ଥିବା ଏଭଳି ପ୍ରତିଭା ରହିଛି । ଯଦି ଏମାନଙ୍କୁ ଆବଶ୍ୟକୀୟ ସମର୍ଥନ ମିଳିବ ତେବେ ସେମାନେ ନିଜର ନୁହେଁ ବରଂ ଦେଶର ଭାଗ୍ୟ ମଧ୍ୟ ବଦଳାଇ ପାରିବେ ।
कामगार परिवारों के ‘परंपरागत कौशल’ में भारत की सबसे बड़ी पूंजी छिपी है।
पिछले दिनों सुल्तानपुर से वापस आते वक्त रास्ते में जूतों के कारीगर रामचेत जी से मुलाकात हुई थी, उन्होंने मेरे लिए प्रेम भाव से अपने हाथों से बनाया एक बहुत ही कम्फर्टेबल और बेहतरीन जूता भेजा है।
देश के… pic.twitter.com/4juRQBrXb1
— Rahul Gandhi (@RahulGandhi) August 5, 2024
