(Video) ଅଲିମ୍ପିକ୍ସରେ ଭାରତୀୟ ହକି ଟିମର ବିଜୟକୁ ନେଇ ଭାବବିହ୍ୱଳ ହେଲେ ନବୀନ ପଟ୍ଟନାୟକ, ଜାଣନ୍ତୁ କ’ଣ କହିଲେ
ଭୁବନେଶ୍ୱର: ଭାରତୀୟ ହକି ଟିମ ଲଗାତାର ଦ୍ୱିତୀୟଥର ଅଲିମ୍ପିକ ଖେଳରେ କାଂସ୍ୟ ପଦକ ହାସଲ କରିଛି। ଶୁକ୍ରବାର ଦିନ ପ୍ୟାରିସ ଅଲିମ୍ପିକ ୨୦୨୪ରେ ବ୍ରୋଞ୍ଜ ମେଡାଲ ପାଇଁ ହୋଇଥିବା ମ୍ୟାଚରେ ଭାରତୀୟ ହକି ଟିମ ସ୍ପେନର ଟିମକୁ ୨ରୁ ୧ ଗୋଲରେ ପରାସ୍ତ କରି ପଦକ ଜିତିଛି। ଭାରତୀୟ ଟିମର ଜିତିବାକୁ ନେଇ ପିଏମ ମୋଦୀ ସମେତ ସମସ୍ତେ ଅଭିନନ୍ଦନ ଜଣାଇଛନ୍ତି। ଏହାରି ମଧ୍ୟରେ ରାଜ୍ୟର ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଧ୍ୟ ଭାବବିହ୍ୱଳ ହୋଇଛନ୍ତି।
ଭାରତୀୟ ହକି ଟିମର ବିଜୟକୁ ନେଇ ନବୀନ ପଟ୍ଟନାୟକ କହିଛନ୍ତି ଯେ, ଭାରତୀୟ ଟିମର ଏହି ଐତିହାସିକ ପଦକ ପ୍ରତ୍ୟେକ ଭାରତୀୟଙ୍କୁ ଗର୍ବିତ କରିଛି। ବ୍ୟକ୍ତିଗତ ଭାବେ ମୋ ପାଇଁ ମଧ୍ୟ ଏହା ଏକ ଅତ୍ୟନ୍ତ ଭାବପ୍ରବଣ ମୁହୂର୍ତ୍ତ। ବିଶ୍ୱାସ ରହିଛି ଯେ, ହକିର ପୁରୁଣା ଦିନ ଫେରିବ ଏବଂ ଦେଶ ପାଇଁ ଆହୁରି ଅଧିକ ଗୌରବ ଆଣିବ।
ନବୀନ ପଟ୍ଟନାୟକ ଭାରତୀୟ ହକି ଟିମଙ୍କ ସହ ଭିଡିଓ କଲରେ ମଧ୍ୟ କଥା ହୋଇଛନ୍ତି। ସେ ଏହି କଥାବର୍ତ୍ତାର ଭିଡିଓ ସେୟାର କରି ଲେଖିଛନ୍ତି ଯେ, ବିଜୟୀ ଭାରତୀୟ ହକି ଟିମଙ୍କ ସହ କଥା ହେବା ଏବଂ ଅଲିମ୍ପିକରେ ଲଗାତାର କାଂସ୍ୟ ପଦକ ସହ ଇତିହାସରେ ଏହାର ନିଜ ନାମ ଲିପିବଦ୍ଧ କରିବା ଲାଗି ଟିମକୁ ଅଭିନନ୍ଦନ ଜଣାଇବା ଅତ୍ୟନ୍ତ ଆନନ୍ଦଦାୟକ ଅଟେ। ଏହି ଐତିହାସିକ ସଫଳତା ପାଇଁ ଓଡ଼ିଶାର ସମସ୍ତେ ଏବଂ ଭାରତର ଲୋକମାନେ ଗର୍ବିତ।
Pleasure speaking to victorious #IndiaHockeyTeam and congratulating the team on etching their name in history with consecutive bronze medals in #Olympics.
Everyone in #Odisha and people across India are proud of this historic feat. #OdishaForHockey#JaiJagannath pic.twitter.com/f4wzGKd0mH
— Naveen Patnaik (@Naveen_Odisha) August 8, 2024
