(Video) ଦାମୀ ସ୍କୁଲକୁ ପିଲାଙ୍କୁ ପଠାଉଛନ୍ତି କି, ଏଥିପ୍ରତି ଥାଆନ୍ତୁ ସାବଧାନ
ନୂଆଦିଲ୍ଲୀ: ଆମେ ଅନେକ ଥର ଦେଖିଥିବା, ରାସ୍ତା ଉପରେ, ପୁରୁଷ ବା ବାଳକଙ୍କ ଭିତରେ ମାଡଗୋଳ, ଧସ୍ତାଧସ୍ତି ପରି ଦୃଶ୍ୟ । ହେଲେ ସ୍କୁଲର ଛାତ୍ରୀ ଏମିତି ବିଚ ରାସ୍ତାରେ ଗଡାତଡା,ଚୁଟି ଟଣା ଓଟରା କରିବା କେବେ ଦେଖିଛନ୍ତି । ଏବେ ଏମିତି ଏକ ଦୃଶ୍ୟ ସୋସିଆଲ ମିଡିଆରେ ଭାଇରାଲ ହେଉଛି । ଗୋଟିଏ ସ୍କୁଲର ଛାତ୍ରୀଙ୍କ ଭିତରେ ହେଉଛି ଝଗଡା, ଟଣାଓଟରା ।
ୟୁପିର ନୋଏଡାରେ ଥିବା ଏକ ନାମୀଦାମୀ ସ୍କୁଲର ଛାତ୍ରୀଙ୍କ ଭିତରେ ରାସ୍ତା ଉପରେ ହେଉଛି ଯୁଦ୍ଧ । କିଏ କାହାର ଚୁଟି ଟାଣୁଛି ତ କିଏ କାହା ପିଠିରେ ଖୁନ୍ଦା ଦେଉଛି । ଯାହାକୁ ସୁଟ କରି ସାମାଜିକ ମିଡିଆରେ ଛଡା ଯାଇଛି । ଏହାକୁ ଦେଖି ଲୋକେ ନାନା ମତ ଦେଉଛନ୍ତି । ତେବେ ଏମିତି ଛାତ୍ରୀଙ୍କ ମଧ୍ୟରେ ହେଉଥିବା ମାଡଗୋଳିର କାରଣ ହେଉଛି ଗୋଷ୍ଠି ବିବାଦ । ସ୍କୁଲର ଦୁଇ ଛାତ୍ରୀଙ୍କ ଲିଡରସିପ ଭିତରେ ଶୀତଳ ଯୁଦ୍ଧ । ଯାହା ବିସ୍ଫୋରକ ରୂପ ନେଇଥିଲା ରାସ୍ତା ମଝିରେ ।
ଭିଡିଓରେ ସ୍କୁଲ ବାହାରେ ଗୋଟିଏ ଛାତ୍ରୀକୁ ଅନ୍ୟଛାତ୍ରୀମାନେ ପିଟୁଛନ୍ତି । ବିଧା, ଗୋଇଠା ନାଦି ଦେଉଛନ୍ତି । ତାର ଚୁଟି ଝିଙ୍କି ପିଟୁଛନ୍ତି ଅନ୍ୟମାନେ । ଏହି ସଂଘବଦ୍ଧ ଆକ୍ରମଣରେ ଛାତ୍ରୀ ଗୁରୁତର ହୋଇଛି । କିଛି ସମୟର ସଂଘବଦ୍ଧ ଆକ୍ରମଣ ପରେ ଯେତେବେଳେ ହାଲିଆ ହୋଇପଡିଲେ ଛାତ୍ରୀ, ଏଥିରୁ ନିବୃତ୍ତ ହେଲେ । ହେଲେ ଯୁଦ୍ଧରେ ପଡିଲାନି ବିରାମ ।ତଳେ ପଡିଥିବା ଛାତ୍ରୀ ଉଠି ପ୍ରତିପକ୍ଷ ଉପରେ ପ୍ରତି ଆକ୍ରମଣ କରିବାକୁ ପଛାଇ ନ ଥିଲା ।
ଲୋକେ ଏମିତି ଛାତ୍ରୀଙ୍କ ପାଟିତୁଣ୍ଡକୁ ଦେଖିଥିଲେ ମଧ୍ୟ କିଛି ବୁଝିପାରି ନ ଥିଲେ । କେହି ଭାବିନଥିଲେ କି, ଝିଅମାନେ ମଧ୍ୟ ମାଡପିଟରେ ପୁଅଙ୍କଠାରୁ କୌଣସି ଗୁଣରେ କମ ନୁହଁନ୍ତି । ଏହି ଭାଇରାଲ ଭିଡିଓ ଉପରେ କୁହାଯାଉଛି, ଦାମୀ ସ୍କୁଲରେ ଏସବୁ ହୋଇଥାଏ ।
UP: नोएडा बीच सड़क पर मॉडर्न पब्लिक स्कूल की छात्राओं के बीच देखने को मिली रेसलिंग ,आपसी विवाद में दो छात्राओं के बीच सरेराह हुई जमकर मारपीट ,साथी छात्राओं ने बीच बचाव कराने का किया भरसक प्रयास ,दोनों छात्राओं ने एक दूसरे को सड़क पर गिरा कर जमकर चलाये लात-घूँसे,छात्राओं की मारपीट… pic.twitter.com/iEg9EYMuzG
— निशान्त शर्मा (भारद्वाज) (@Nishantjournali) October 20, 2024
