ଏମଆରଏଫକୁ ଟପିଲା ଏଲସିଡ୍ ଇନଭେଷ୍ଟମେଣ୍ଟ୍; ୩ ଟଙ୍କାରୁ ଆରମ୍ଭ କରି ୨ ଲକ୍ଷ ୩୬ ହଜାର ଟଙ୍କା! 

ମୁମ୍ୱାଇ: ଏମଆରଏଫକୁ ଟପିଲା କ୍ଷୁଦ୍ର ଫାଇନାନ୍ସ କମ୍ପାନୀ ଏଲସିଡ୍ ଇନଭେଷ୍ଟମେଣ୍ଟ୍। ଏଲସିଡ୍ ଇନଭେଷ୍ଟମେଣ୍ଟର ଷ୍ଟକ୍ ଏବେ ଦେଶର ସବୁଠାରୁ ମହଙ୍ଗା ଷ୍ଟକ ରେ ପରିଣତ ହୋଇଛି । ଯାହାର ମୂଲ୍ୟ ୨.୩୬ ଲକ୍ଷ ଟଙ୍କାରୁ ଅଧିକ ରହିଛି। ଖାସ୍ କଥା ହେଉଛି, ଗତ ଏକ ବର୍ଷ ମଧ୍ୟରେ ଏହି ସେୟାରର ମୂଲ୍ୟରେ ୬୭ ଲକ୍ଷ ପ୍ରତିଶତ ବୃଦ୍ଧି ଘଟିଛି। ଅର୍ଥାତ୍ ଯଦି କେହି ଏହି ଷ୍ଟକରେ ୧ ଲକ୍ଷ ଟଙ୍କା ନିବେଶ କରିଥାନ୍ତେ ତେବେ ଏହାର ମୂଲ୍ୟ ୬୭୦ କୋଟି ଟଙ୍କା ହୋଇଥାନ୍ତା। ଏଲସିଡ ଇନଭେଷ୍ଟମେଣ୍ଟ ସେୟାରରେ ଜବରଦସ୍ତ ବୃଦ୍ଧି ଦେଖିବାକୁ ମିଳିଛି। କିନ୍ତୁ ଏହି ବୃଦ୍ଧି କେମିତି ହେଲା? ଏହାକୁ ବୁଝିବା ମଧ୍ୟ ଅତ୍ୟନ୍ତ ଜରୁରୀ।

ବାସ୍ତବରେ ସେୟାର ମୂଲ୍ୟ ଆବିଷ୍କାର ପାଇଁ କମ୍ପାନୀ ଏକ ସ୍ୱତନ୍ତ୍ର ନିଲାମ ଆୟୋଜନ କରିଥିଲା। କଂପାନିର ବହି ମୂଲ୍ୟ ଅଧିକ ଥିବାରୁ କମ୍ପାନିର ସେୟାର ମୂଲ୍ୟ ୩.୫୩ ଟଙ୍କାରୁ ୨,୩୬,୨୫୦ ଟଙ୍କାକୁ ବୃଦ୍ଧି ପାଇଛି। ଯାହା ପରେ ଆଲସିଡର ଷ୍ଟକ ଦେଶର ସବୁଠାରୁ ମହଙ୍ଗା ଷ୍ଟକ ରେ ପରିଣତ ହୋଇଥିଲା। ବର୍ତ୍ତମାନ ସୁଦ୍ଧା ଏମଆରଏଫ ଦେଶର ସବୁଠାରୁ ମହଙ୍ଗା ଷ୍ଟକ ଥିଲା। ବିଏସଇରେ ଏହାର ବର୍ତ୍ତମାନର ମୂଲ୍ୟ ୧,୨୨,୫୭୬.୫୦ ଟଙ୍କା ରହିଛି। ଅର୍ଥାତ୍ ଏମଆରଏଫର ଷ୍ଟକ ତୁଳନାରେ ଆଲସିଡର ଷ୍ଟକ ଦ୍ୱିଗୁଣିତ ହୋଇଛି। କ୍ରିପ୍ଟୋ ମାର୍କେଟରେ ଏଭଳି ଉନ୍ନତି ଦେଖିବାକୁ ମିଳିଛି।

ଯେତେବେଳେ କ୍ରିପ୍ଟୋକରେନ୍ସିର ମୂଲ୍ୟ ଗୋଟିଏ କିମ୍ବା ଦୁଇ ସପ୍ତାହ ମଧ୍ୟରେ ହଜାର ହଜାର କିମ୍ବା ଥର ବୃଦ୍ଧି ପାଇଥାଏ । କିନ୍ତୁ ଷ୍ଟକ ବଜାରରେ ଏଭଳି ବୃଦ୍ଧି କେବେ ଦେଖିବାକୁ ମିଳେ ନାହିଁ। ଗୋଟିଏ ଦିନରେ କଂପାନିର ଷ୍ଟକ ୬୬,୯୨,୫୩୫ ପ୍ରତିଶତ ବୃଦ୍ଧି ପାଇ ଦେଶର ସବୁଠାରୁ ମହଙ୍ଗା ଷ୍ଟକ ରେ ପରିଣତ ହୋଇଛି। ମଙ୍ଗଳବାର ବିଏସଇରେ ଏହି ଷ୍ଟକ ୨.୨୫ ଲକ୍ଷ ଟଙ୍କାରେ ଖୋଲି ୨,୩୬,୨୫୦ ଟଙ୍କାର ସର୍ବୋଚ୍ଚ ସ୍ତରରେ ପହଞ୍ଚିଥିଲା। ଜୁନ୍ ୨୧ରେ ଶେଷ ଥର ପାଇଁ କଂପାନିର ସେୟାର କାରବାର ଦେଖିବାକୁ ମିଳିଥିଲା। ସେତେବେଳେ କଂପାନିର ଷ୍ଟକ୍ ୩.୫୩ ଟଙ୍କା ବୃଦ୍ଧି ପାଇଥିଲା। କଂପାନିର ଏହି ଷ୍ଟକ୍ ର ୫୨ ସପ୍ତାହର ସର୍ବନିମ୍ନ ସ୍ତର ୩.୨୧ ଟଙ୍କା ରହିଛି, ଯାହା ୪ ଜୁଲାଇ ୨୦୨୩ରେ ଦେଖିବାକୁ ମିଳିଥିଲା।