ରାୟପୁରରେ ପୋଲିସ ଟିମ୍, ଶାହରୁଖଙ୍କୁ ୱାଇ ପ୍ଲସ ସୁରକ୍ଷା

ମୁମ୍ବାଇ: ବଲିଉଡ୍ ଅଭିନେତା ସଲମାନଙ୍କ ପରେ ଏବେ କିଙ୍ଗ ଖାନ୍ ଶାହରୁଖଙ୍କ ପାଳି । ଶାହାରୁଖଙ୍କୁ ଫୋନ୍ ଜରିଆରେ ହତ୍ୟା ଧମକ ମିଳିଛି । ଏ ନେଇ ଶାହରୁଖ ବାନ୍ଦ୍ରା ପୋଲିସ ଷ୍ଟେଶନରେ ଅଭିଯୋଗ କରିଛନ୍ତି । ଛତିଶଗଡ଼ ରାୟପୁରରେ ରହୁଥିବା ଫୈଜାନ୍ ନାମକ ବ୍ୟକ୍ତି ଏହି କଲ୍ କରିଥିବା ବିଶେଷ ସୂତ୍ରରୁ ପ୍ରକାଶ ପାଇଛି । ଘଟଣାର ଯାଞ୍ଚ ପାଇଁ ମୁମ୍ବାଇ ପୋଲିସର ଏକ ସ୍ୱତନ୍ତ୍ର ଟିମ୍ ରାୟପୁର ଯାଇଛି । ହତ୍ୟା ଧମକ ପରେ ଶାହରୁଖଙ୍କ ସୁରକ୍ଷା ବ୍ୟବସ୍ଥା ବଢ଼ାଇ ଦିଆଯାଇଛି । ଶାହରୁଖଙ୍କ ଅଭିନୀତ ଫିଲ୍ମ ‘ପଠାନ’ ଓ ‘ଜୱାନ’ର ସଫଳତା ପରେ ୨୦୨୩ ବେଳକୁ ତାଙ୍କୁ ଶେଷଥର ପାଇଁ ଏକ ହତ୍ୟା ଧମକ ମିଳିଥିଲା । ଏହାପରେ ଶାହରୁଖଙ୍କୁ ୱାଇ ପ୍ଲସ୍ ସୁରକ୍ଷା ବ୍ୟବସ୍ଥା ଯୋଗାଇଦିଆଯାଇଥିଲା ।