ନଜାଣିପାରି ଛୁଆର ପରିସ୍ରା ମିଶା ଖାଦ୍ୟ ଖାଇଲେ ପରିବାର, ସୋସିଆଲ ମିଡିଆରେ Video କରି ଏଭଳି କହିଲା ମାଆ..

ନୂଆଦିଲ୍ଲୀ: ବର୍ତ୍ତମାନ ସମୟରେ ସୋସିଆଲ ମିଡିଆ ଏଭଳି ଏକ ମାଧ୍ୟମ ସାଜିଛି, ଯେଉଁଠାରେ ଲୋକେ ସବୁ କିଛି ସେୟାର କରୁଛନ୍ତି । ଖରାପ ପୋଷ୍ଟ କରିବାକୁ ମଧ୍ୟ ପଛାଉ ନାହାନ୍ତି । ରାତାରାତି ଫେମସ୍ ହେବାର ସ୍ବପ୍ନ ବର୍ତ୍ତମାନ ସମସ୍ତଙ୍କୁ ଘାରିଛି । ଭିଡିଓ ଫଟୋ ଲାଇକ୍, ସେୟାର ପୋଷ୍ଟ କରି ଟଙ୍କା ରୋଜଗାର ସହିତ ଭାଇରାଲ ହେବା ସମସ୍ତେ ଚାହୁଛନ୍ତି । ତେବେ ଏହାରି ଭିତରେ ଚୀନର ଏକ ମହିଳା ଏଭଳି ଏକ ଭିଡିଓ ପୋଷ୍ଟ କରିଛନ୍ତି, ତାଙ୍କ ଛୁଆ ଖାଦ୍ୟରେ ପରିସ୍ରା କରିଦେଇଥିବା ବେଳେ ପରିବାର ଲୋକେ ମଧ୍ୟ ଏହାକୁ ଖାଇଦେଇଛନ୍ତି ।

ଏହି ଘଟଣା ବେଜିଂର ବୋଲି ଜଣାପଡିଛି । ଜେଜେ ମା ସହିତ ଛୁଆ ବସିଥିବା ବେଳେ ହଠାତ୍ ପରିସ୍ରା କରିଦେଇଥିଲା । ତେବେ ଛୁଆର ପରିସ୍ରା ଖାଇବାରେ ପଡିବା ସମୟର ଭିଡିଓ ମାଆ ଉତ୍ତୋଳନ କରିଥିଲା । ଡାଇନିଂ ଉପରେ ରଖାଯାଇଥିବା ଖାଦ୍ୟରେ ଏହି ପରିସ୍ରା ପଡିଥିଲା । ତେବେ ଏନେଇ ସେ ସୋସିଆଲ ମିଡିଆରେ ପୋଷ୍ଟ କରିବା ପରେ ସଙ୍ଗେସଙ୍ଗେ ଭାଇରାଲ ହୋଇଯାଇଥିଲା । ଅନେକ ଲୋକ ଅବିଶ୍ବାସ କରିବା ସହିତ ଚିନ୍ତା ପ୍ରକଟ କରିଥିଲେ । ତେବେ ଜାଣିଶୁଣି ମହିଳାଜଣକ ଏଭଳି କରିଥିବାରୁ ଅନେକ ନିନ୍ଦା ମଧ୍ୟ କରିଛନ୍ତି । ତେବେ ଏନେଇ କୌଣସି କାର୍ଯ୍ୟାନୁଷ୍ଠାନ ନେଇ ପ୍ରତିକ୍ରିୟା ମିଳିପାରି ନାହିଁ ।