ଫ୍ୟାନ୍ସଙ୍କୁ ଠକିଦେଲେ ‘ଦିଲ୍ କି ଧଡ଼କନ୍’… ବିବାହ କରିବେ ସାଉଥ ସୁନ୍ଦରୀ କିର୍ତ୍ତୀ ସୁରେଶ୍: କିଏ ସେ ଭାଗ୍ୟବାନ୍?

ଓଡ଼ିଶା ଭାସ୍କର: ସାଉଥ ଫିଲ୍ମ ଦୁନିଆର ଏକ୍ସପ୍ରେସନ୍ କୁଇନ୍ କିର୍ତ୍ତୀ ସୁରେଶ । ସୌନ୍ଦର୍ଯ୍ୟତା, ଅଭିନୟ ଏବଂ ଷ୍ଟାଇଲରେ ଲକ୍ଷ ଲକ୍ଷ ଯୁବପିଢୀଙ୍କୁ ଦିୱାନା ବନାଇଛନ୍ତି କିର୍ତ୍ତୀ । ହଜାର ହଜାର ଫ୍ୟାନ୍ସମାନଙ୍କ ପାଇଁ ସେ ସାଜିଛନ୍ତି ‘ନେସନାଲ କ୍ରଶ୍’ । ତାଙ୍କୁ ଏବଂ ତାଙ୍କ ଝଲକ ଦେଖିବା ପାଇଁ ଅନେକ ଯୁବପିଢୀ ପାଗଳ । କିନ୍ତୁ ଏବେ ସମସ୍ତଙ୍କ ହୃଦୟ ଭାଙ୍ଗିବାକୁ ଯାଉଛନ୍ତି ସୁନ୍ଦରୀ ସୁରେଶ । ଖୁବଶୀଘ୍ର ସିଙ୍ଗଲରୁ କପଲ୍ ହେବାକୁ ଯାଉଛନ୍ତି କିର୍ତ୍ତୀ ସୁରେଶ । ସୁନ୍ଦରୀ ସୁରେଶଙ୍କ ଘରେ ବହୁ ଶୀଘ୍ର ସାହାନାଇ ବାଜିବାକୁ ଯାଉଛି । ଏହା ଜାଣିବା ପରେ ସମସ୍ତଙ୍କ ମନରେ ପ୍ରଶ୍ନ କିଏ ସେ ଭାଗ୍ୟବାନ୍?

ଅଭିନୟ ସହିତ ନିଜ ଲାଇଫଷ୍ଟାଇଲକୁ ନେଇ ଚର୍ଚ୍ଚାରେ ରହିଥାନ୍ତି ସାଉଥ ସୁନ୍ଦରୀ କୀର୍ତ୍ତି ସୁରେଶ । ରାଷ୍ଟ୍ରୀୟ ପୁରସ୍କାର ପ୍ରାପ୍ତ କୀର୍ତ୍ତି ଆସନ୍ତା ମାସ(ଡିସେମ୍ବର)ରେ ବିବାହ କରିବେ ବୋଲି ଜାଣିବାକୁ ମିଳିଛି । ଡିସେମ୍ବର ୧୧-୧୨ ତାରିଖରେ ଗୋଆରେ ସେ ଇଣ୍ଟିମେଟ ମ୍ୟାରେଜ୍ କରିପାରନ୍ତି ବୋଲି ଚର୍ଚ୍ଚା ହେଉଛି । ଦୀର୍ଘ ଦିନର ବନ୍ଧୁ ଏଣ୍ଟନୀ ଥେଟଲୀଙ୍କୁ ସେ ନିଜ ଜୀବନସାଥୀ ରୂପରେ ବାଛି ନେଇଛନ୍ତି । ୧୫ ବର୍ଷରୁ ଉଭୟ ଯୋଡ଼ି ପ୍ରେ ସମ୍ପର୍କରେ ରହିଥିଲେ । ଏବେ ସେ ବିବାହ କରିବାକୁ ଯାଉଛନ୍ତି । କଲେଜ ବେଳରୁ ଉଭୟଙ୍କ ମଧ୍ୟରେ ଏକ ସମ୍ପର୍କ ଗଢି ଉଠିଥିଲା । ତେବେ ଏ ସମ୍ପର୍କକୁ ସେ ଖୁବ ଗୋପନ ରଖିଥିଲେ । କିନ୍ତୁ ଏବେ ଏହା ଭାଇରାଲ ହେବାରେ ଲାଗିଛି ।

ଏହାପୂର୍ବରୁ ମ୍ୟୁଜିକ କମ୍ପୋଜର ଅନିରୁଦ୍ଧ ରବିଚନ୍ଦରଙ୍କ ସହ କୀର୍ତ୍ତିଙ୍କ ପ୍ରେମ ସମ୍ପର୍କକୁ ନେଇ ଖୁବ ଚର୍ଚ୍ଚା ହେଉଥିଲା । ଉଭୟ ବିବାହ କରିବେ ବୋଲି ମଧ୍ୟ କୁହାଯାଉଥିଲା । କିନ୍ତୁ କୀର୍ତ୍ତି ଏବଂ ତାଙ୍କ ପିତା ଏହାକୁ ସ୍ପଷ୍ଟ ଖାରଜ କରିଥିଲେ । ସାଉଥ ଇଣ୍ଡଷ୍ଟ୍ରୀରେ ଦମଦାର ସଫଳତା ହାସଲ କରିବା ପରେ ଏବେ ବଲିଉଡରେ ଡେବ୍ୟୁ କରିବାକୁ ଯାଉଛନ୍ତି କୀର୍ତ୍ତି । ବରୁନ ଧୱନଙ୍କ ଅପକମିଙ୍ଗ ଫିଲ୍ମ ‘ବେବି ଜନ୍’ରେ କୀର୍ତ୍ତି ବଲିଉଡ ଡେବ୍ୟୁ କରିଛନ୍ତି । ତେବେ ଏହାପୂର୍ବରୁ ସେ ସୁପରହିଟ ମୋଭି ‘କଳକୀ-୨୮୯୮ ଏଡି’ରେ ରୋବୋଟ ବୁଜ୍ଜୀ ପାଇଁ ନିଜ ସ୍ୱରରେ ଡବିଙ୍ଗ କରିଥିଲେ ।