ପାଗଳ ମାଙ୍କଡ କାମୁଡ଼ାରେ ୩ ଗୁରୁତର , ମାଙ୍କଡକୁ କାବୁ କରିବା ପାଇଁ ଗାଁରେ ଡେରା ପକେଇଛି ବନ ବିଭାଗ

ବାଲିପାଟଣା: ବାଲିପାଟଣାରେ ପାଗଳ ମାଙ୍କଡ଼ ଆତଙ୍କ । ମାଙ୍କଡ଼ କାମୁଡ଼ାରେ ୩ ଜଣ ଗୁରୁତର ହୋଇପଡ଼ିଛନ୍ତି । ୨ ଦିନ ଧରି ସ୍ଥାନୀୟ ଅଞ୍ଚଳରେ ମାଙ୍କଡ଼ ଆତଙ୍କ ଦେଖିବାକୁ ମିଳିଛି । ମାଙ୍କଡ଼ ଆକ୍ରମଣରେ ମୋଟ ୪ ଜଣ ଆହତ ହୋଇଛନ୍ତି । ସୂଚନା ପରେ ମାଙ୍କଡକୁ ଧରିବା ପାଇଁ ଗିରିଙ୍ଗ ଗାଁରେ ବନବିଭାଗ ଜଗି ବସିଛି ।୨ ଦିନ ତଳେ ମାଙ୍କଡ଼ କାମୁଡ଼ାରେ ବାଲିପାଟଣା ସରସ୍ୱତୀ ଶିଶୁ ମନ୍ଦିରର ଗୁରୁଜୀ ମନୋଜ କୁମାର ସାହୁ(୫୨) ଗୁରୁତର ହୋଇଥିଲେ ।  ଚିକିତ୍ସା ପାଇଁ ତାଙ୍କୁ ଗୁରୁତର ଅବସ୍ଥାରେ ସ୍ଥାନୀୟ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଓ କ୍ୟାପିଟାଲ ହସ୍ପିଟାଲକୁ ନିଆଯାଇଥିଲା । ଏ ସମ୍ପର୍କରେ ବାଲିପାଟଣା ବନଖଣ୍ଡ ଅଧିକାରୀ ମାଙ୍କଡ଼କୁ ଯଥାଶୀଘ୍ର ନିସ୍ତେଜକ ଦେଇ କାବୁ କରିବେ ବୋଲି ପ୍ରତିଶ୍ରୁତି ଦେଇଛନ୍ତି ।