IMDB List: ଶାହରୁଖ-ଦୀପିକା-ପ୍ରଭାସ ସବୁ ପଛରେ, ଏହି ଅଭିନେତ୍ରୀ ହାସଲ କଲେ ପ୍ରଥମ ନମ୍ବର
ନୂଆଦିଲ୍ଲୀ: ପ୍ରତିବର୍ଷ IMDb(The Internet Movie Database) ସବୁଠାରୁ ଲୋକପ୍ରିୟ ତାରକାଙ୍କ ତାଲିକା ପ୍ରକାଶ କରିଥାଏ । ଏହି କ୍ରମରେ ଚଳିତ ବର୍ଷର ସବୁଠାରୁ ଲୋକପ୍ରିୟ ତାରକାଙ୍କ ତାଲିକା ମଧ୍ୟ ବାହାରିଛି । କିନ୍ତୁ ଏଥର ଶାହାରୁଖ ଖାନ, ଦୀପିକା ପାଦୁକୋନ କିମ୍ବା ଆଲିଆ ଭଟ୍ଟଙ୍କ ଭଳି ତାରକାଙ୍କ ନାମ ତାଲିକାର ଶୀର୍ଷରେ ନାହିଁ । ଯାହାଙ୍କ ନାମ କେବେ ଫ୍ୟାନ୍ସ ଭାବିନଥିବେ ସେ ବର୍ତ୍ତମାନ ନମ୍ବର ଓ୍ବାନରେ ରହିଛନ୍ତି । କହିରଖୁଛୁ କି, ରଣବୀର କପୁରଙ୍କ ଫିଲ୍ମ ଆନିମଲ ମାଧ୍ୟମରେ ଲାଇମଲାଇଟକୁ ଆସିଥିବା ଅଭିନେତ୍ରୀ ତୃପ୍ତୀ ଡିମରୀ ଏକ ନମ୍ବରରେ ରହିଛନ୍ତି ।
ଇଣ୍ଟରନେଟ୍ ଚଳଚ୍ଚିତ୍ର ଡାଟାବେସ୍ ଦ୍ବାରା ପ୍ରକାଶିତ ତାଲିକା ଅନୁଯାୟୀ ଅଭିନେତ୍ରୀ ତୃପ୍ତି ଡିମରୀ ବଲିଉଡର କିଛି ବଡ ନାମକୁ ପଛକୁ କରି 2024 ର ସବୁଠାରୁ ଲୋକପ୍ରିୟ ଭାରତୀୟ ଅଭିନେତ୍ରୀ ହୋଇପାରିଛନ୍ତି । ଏହି ରାଙ୍କିଂରେ ତୃପ୍ତି ଶୀର୍ଷ ସ୍ଥାନ ଅଧିକାର କରିପାରିଛନ୍ତି । ଏଥିପାଇଁ ସେ ପ୍ରଶଂସକଙ୍କୁ ଶ୍ରେୟ ପ୍ରଦାନ କରିଛନ୍ତି । IMDb ଗୁରୁବାର ଶ୍ରେଷ୍ଠ ୧୦ଟି ଲୋକପ୍ରିୟ ତାରକାଙ୍କ ତାଲିକା ପ୍ରକାଶ କରିଛି । ଏହି ତାଲିକା IMDb ରେ ପ୍ରତି ମାସରେ 250 ମିଲିୟନରୁ ଅଧିକ ପେଜ ଭ୍ୟୁ ଏବଂ ଭିଡିଟର୍ସଙ୍କ ଉପରେ ଆଧାରିତ ଥିଲା ।
ଆଇଏମଡିବି ତାଲିକାରେ ତୃପ୍ତୀ ଡିମରୀ ଏକ ନମ୍ବରରେ, ଦୀପିକା ପାଦୁକୋନ ଦ୍ୱିତୀୟରେ, ଇଶାନ ଖତର ତୃତୀୟରେ, ଶାହାରୁଖ ଖାନ ଚତୁର୍ଥରେ, ପଞ୍ଚମରେ ଶୋଭିତା ଧୁଲିପାଲା, ଷଷ୍ଠରେ ଶାରଭାରୀ ୱାଗ, ସପ୍ତମ ସ୍ଥାନରେ ଐଶ୍ୱର୍ଯ୍ୟା ରାୟ, ଅଷ୍ଟମ ସ୍ଥାନରେ ସାମନ୍ତା ରୁଥ ପ୍ରଭୁ, ଆଲିଆ ଭଟ୍ଟ ନବମରେ ଏବଂ ପ୍ରଭାସଙ୍କ ସ୍ଥାନ ଦଶମରେ ରହିଛି ।
