ଭାରସାମ୍ୟ ହରାଇ ହ୍ରଦକୁ ଖସିଲା କାର; ୫ ମୃତ, ଜଣେ ଗୁରୁତର

ତେଲେଙ୍ଗାନା: ତେଲେଙ୍ଗାନା: ଭୁବନଗିରୀ ଜିଲ୍ଳା ଜଲାଲପୁର ଗାଁ ପୋଚାମପଲ୍ଲୀ ଥାନା ଅଞ୍ଚଳରେ ଏକ କାର ଦୁର୍ଘଟଣାର ଶିକାର ହୋଇଛି । ହ୍ରଦକୁ କାର ଖସିଯିବା କାରଣରୁ ୫ ଜଣଙ୍କ ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ଥିବା ଜଣାପଡ଼ିଛି । କୋଠାଗୁଡେମରୁ ଆସୁଥିବା ସମୟରେ ଜଲାଲପୁର ଗାଁ ନିକଟରେ ଭାରସାମ୍ୟ ହରାଇ କାରଟି ହ୍ରଦରେ ଖସିପଡ଼ିଥିବା ସୂଚନାରୁ ପ୍ରକାଶ ।

ପୋଲିସ ସୂତ୍ରରୁ ପ୍ରକାଶ ଶନିବାର ସକାଳ ପ୍ରାୟ ୫ଟା ୩୦ ପାଖାପାଖି ଜଲାଲପୁର ଗାଁ ନିକଟରେ ଡ୍ରାଇଭର ଭାରସାମ୍ୟ ହରାଇବାରୁ କାରଟି ଦୁର୍ଘଟଣାଗ୍ରସ୍ତ ହୋଇଥିଲା । କାରରେ ମୋଟ୍ ୬ ଜଣ ଯାତ୍ରୀ ଥିଲେ । ସମସ୍ତ ଯାତ୍ରୀ ଏଲବି ନଗର ଆରଟିସି କଲୋନୀର ବୋଲି ଜଣାପଡ଼ିଛି । ଏହି ଦୁର୍ଘଟଣାରେ ୫ ଜଣଙ୍କ ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ହୋଇଥିଲେ । ଖବର ପାଇ ତେଲେଙ୍ଗାନା ପୋଲିସ ଘଟଣାସ୍ଥଳରେ ପହଞ୍ଚିଥିଲା । ସମସ୍ତ ମୃତ ଦେହ ଉଦ୍ଧାର କରି ପୋଲିସ ପୋଷ୍ଟମର୍ଟମ ପାଇଁ ନିକଟସ୍ଥ ହସ୍ପିଟାଲକୁ ପଠାଇଥିଲା । ଏହା ସହ ସେଠରେ ଗୁୁରୁତର ବ୍ୟକ୍ତିଙ୍କୁ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା । ମୃତକମାନେ ହେଲେ ଭାମସି(୨୩), ଦିଗନେଶ(୨୧), ହର୍ଷ(୨୧), ବଲୁ(୧୯) ଏବଂ ବିନୟ(୨୧) । ସେହିପରି ଗୁରୁତର ଆହତ ବ୍ୟକ୍ତି ହେଉଛନ୍ତି ମନିକାନ୍ଥ(୨୧) । ସମସ୍ତେ ହାଇଦ୍ରାବାଦ ବାସିନ୍ଦା ବୋଲି ଜଣାପଡ଼ିଛି । ବରିଷ୍ଠ ପୋଲିସ ଅଧିକାରୀଙ୍କ କହିବାନୁଯାୟୀ ଏନେଇ ଏକ ମାମଲା ରୁଜୁ କରାଯାଇଛି ଏବଂ ପୋଷ୍ଟମର୍ଟସ ସରିଲା ପରେ ମୃତ ଦେହ ପରିବାର ବର୍ଗଙ୍କୁ ହସ୍ତାନ୍ତର କରାଯିବ ।