ବୃଦ୍ଧି ପାଇଲା ପି.ଏମ୍ କିଷାନ ସ୍ୱତନ୍ତ୍ର ଅଭିଯାନର ଅବଧି, ଜାଣନ୍ତୁ ଡିଟେଲ୍ସ

ଭୁବନେଶ୍ୱର: ପି.ଏମ୍ କିଷାନ ସ୍ୱତନ୍ତ୍ର ଅଭିଯାନର ଅବଧି ବର୍ତ୍ତମାନ ବୃଦ୍ଧି ପାଇଛି । ଏନେଇ କୃଷି ବିଭାଗ ଓଡ଼ିଶା ପକ୍ଷରୁ ସୂଚନା ଜାରି କରାଯାଇଛି । ସୂଚନା ଅନୁଯାୟୀ, ଏହି ପି.ଏମ୍ କିଷାନ ସ୍ୱତନ୍ତ୍ର ଅଭିଯାନର ଅବଧି ୩୧.୧୨.୨୦୨୪ ପର୍ଯ୍ୟନ୍ତ ବୃଦ୍ଧି କରାଯାଇଛି । ତେବେ ଯେଉଁ ଯୋଗ୍ୟ ଚାଷୀ କୃଷକମାନେ ଏପର୍ଯ୍ୟନ୍ତ ଏହି ଅଭିଯାନ ପାଇଁ ପଞ୍ଜିକୃତ କରି ନାହାନ୍ତି ସେମାନଙ୍କ ପାଇଁ ଏହା ଏକ ବିଶେଷ ଖବର ।

ସୂଚନା ଜାରି କରାଯାଇ କୁହାଯାଇଛି ଯେ, ଯେଉଁ ଭାଇଭଉଣୀମାନେ ଏପର୍ଯ୍ୟନ୍ତ ପଞ୍ଜିକୃତ କରି ନାହାନ୍ତି; ସେମାନେ cmkisan.odisha.gov.in ଲିଙ୍କ୍ ରେ ପଞ୍ଜିକରଣ କରନ୍ତୁ କିମ୍ବା ନିକଟସ୍ଥ ଜନସେବା କେନ୍ଦ୍ର ସହ ଯୋଗାଯୋଗ କରିବାକୁ ପରାମର୍ଶ ଦିଆଯାଇଛି ।