ଗର୍ଭବତୀ ସ୍ତ୍ରୀକୁ ହତ୍ୟା ମାମଲା: ହତ୍ୟାକାରୀ ସ୍ୱାମୀଙ୍କ ସହ ଜଣେ ASI ଗିରଫ

ବଣାଇ: ଗର୍ଭବତୀଙ୍କୁ ଗୁଳି କରି ହତ୍ୟା ଘଟଣାରେ ନୂଆ ମୋଡ଼ । ପରକୀୟା ପ୍ରୀତି ପାଇଁ ସ୍ତ୍ରୀକୁ ଗୁଳି କରି ହତ୍ୟା କରିଥିବା ଅଭିଯୁକ୍ତ ସ୍ୱାମୀକୁ ଗିରଫ କରିଛି ପୋଲିସ । ଏହି ହତ୍ୟ ଘଟଣାରେ ସମ୍ପୃକ୍ତ ଥିବା ଜଣେ ଏଏସଆଇଙ୍କୁ ମଧ୍ୟ ପୋଲିସ ଗିରଫ କରିଥିବା ଜଣାପଡ଼ିଛି ।

ସୂଚନାରୁ ପ୍ରକାଶ ଡିସେମ୍ବର ୧୨ ତାରିଖ ଦିନ ସୁନ୍ଦରଗଡ଼ ଟିକାୟତପାଲି ଥାନା ଅନ୍ତର୍ଗତ ଝିରଡାପାଲି ଗାଁରେ ଏକ ଅଭାବନୀୟ ଘଟଣା ଘଟିଥିଲା । ଲୁଟ୍ ବାହାନରେ ଆସି ଦୁଇ ଜଣ ଦୁର୍ବୃତ୍ତ ଜଣେ ଗର୍ଭବତୀ ମହିଳାଙ୍କୁ ଗୁଳି କରି ହତ୍ୟା କରିଥିଲେ । ବର୍ତ୍ତମାନ ଏହି ଘଟଣାର ପର୍ଦ୍ଦାଫାଶ ହୋଇଛି । ପରକୀୟା ପ୍ରୀତି ପାଇଁ ସ୍ତ୍ରୀକୁ ହତ୍ୟା କରି ଲୁଟର ନାଟକ ରଚିଥିଲେ ସ୍ୱାମୀ । ପୋଲିସ ଘରେ ଥିବା ଭାତ ହାଣ୍ଡିରୁ ପିସ୍ତଲ ସହ ୩ଟି ଗୁଳି ଏବଂ ସ୍କର୍ପିଓ ଜବତ କରିଛି । କିଛି ସମୟ ପରେ ପ୍ରେସ୍ ମିଟ୍ ହେବା ନେଇ ପୋଲିସ ସୂତ୍ରରୁ ପ୍ରକାଶ ।