ପ୍ଲେ ସ୍କୁଲ ଟଏଲେଟରେ ମିଳିଲା ‘ସ୍ପାଇ କ୍ୟାମେରା’, ବଲ୍ବ ହୋଲ୍ଡରରେ ଲୁଚିଥିଲା
ନୂଆଦିଲ୍ଲୀ: ପ୍ଲେ ସ୍କୁଲର ଶୌଚାଳୟରେ ଲାଗିଥିବା ବଲ୍ବ ହୋଲ୍ଡରରେ ସ୍ପାଇ କ୍ୟାମେରା ମିଳିବା ଘଟଣା ସାମ୍ନାକୁ ଆସିଛି । ପୋଲିସ ମାମଲା ରୁଜୁ କରି ସ୍କୁଲର ନିର୍ଦ୍ଦେଶକ ନବନୀଶ ସହାୟଙ୍କୁ ଗିରଫ କରିଛି । ଯାଞ୍ଚ ସମୟରେ ପୋଲିସକୁ ଜଣାପଡିଥିଲା ଯେ, ସେ ଅନଲାଇନ ସ୍ପାଇ କ୍ୟାମେରା ମଗାଇଥିଲେ ।
ଏହି ଘଟଣାଟି ଦିଲ୍ଲୀ ନୋଏଡା ଥାନା ଅନ୍ତର୍ଗତ ଫେଜ-ତିନ ଅଞ୍ଚଳରେ ଥିବା ପ୍ଲେ ସ୍କୁଲରେ ଘଟିଛି । ସୂଚନାନୁଯାୟୀ, ପ୍ଲେ ସ୍କୁଲର ଜଣେ ଶିକ୍ଷୟିତ୍ରୀ ପୋଲିସଙ୍କୁ କହିଥିଲେ ଯେ, ସେ ୧୦ ଡିସେମ୍ବରରେ ସ୍କୁଲରେ ନିର୍ମାଣ ହୋଇଥିବା ଶୌଚାଳୟକୁ ଯାଇଥିଲେ, ଏହି ସମୟରେ ତାଙ୍କର ନଜର ବଲ୍ବ ହୋଲ୍ଡର ଉପରକୁ ଯାଇଥିଲା । ସେ ସ୍କୁଲର ଗାର୍ଡକୁ ଡାକି ଚେକ୍ କରାଇଥିଲେ, ଏହାପରେ ଜଣପଡିଥିଲା ଯେ, ତାହା ଏକ ସ୍ପାଇ କ୍ୟାମେରା । ଏହି ସୂଚନା ଯେତେବେଳେ ସେ ସ୍କୁଲ ଡାଇରେକ୍ଟର ନବନୀଶ ସହାୟଙ୍କୁ ଦେଲେ, ସେ ଏଥିପାଇଁ କୌଣସି କାର୍ଯ୍ୟାନୁଷ୍ଠାନ ନ ନେଇ ଚୁପ୍ ରହିଥିଲେ । ଏହାପରେ ପୋଲିସ ସ୍କୁଲ ଡାଇରେକ୍ଟରଙ୍କ ଉପରେ କାର୍ଯ୍ୟନୁଷ୍ଠାନ ଗ୍ରହଣ କରିଛି ।
