ଦୁଇ ବାଇକ୍ ମୁହାଁମୁହିଁ ଧକ୍କା: ଚାଲିଗଲା ୨ ଜୀବନ
ନୀଳଗିରି: ରାଜ୍ୟରେ ତଥା ଦେଶରେ ଦୁର୍ଘଟଣା ମାମଲା ଥମିବାର ନାମ ନେଉନି। ଅନିୟନ୍ତ୍ରିତ ଏବଂ ଅନ୍ୟମନସ୍କ ହୋଇ ଗାଡ଼ି ଚଲାଇବାରେ ପ୍ରତିଦିନ ଶହ ଶହ ଲୋକଙ୍କ ପ୍ରାଣିହାନି ଘଟୁଛି। ତେବେ ଏହାରି ମଧ୍ୟରେ ନୀଳଗିରିରୁ ଏକ ମର୍ମନ୍ତୁଦ ଦୁର୍ଘଟଣାର ଖବର ସାମ୍ନାକୁ ଆସିଛି। ଏଠାରେ ଦୁଇ ବାଇକ୍ ମୁହାଁମୁହିଁ ଭାବେ ଧକ୍କା ଘଟିଛି। ଏହି ଦୁର୍ଘଟଣାରେ ଦୁଇଜଣ ବ୍ୟକ୍ତିଙ୍କର ମୃତ୍ୟୁ ଘଟିଥିବା ଜଣାପଡିଛି। ଏହି ଦୁର୍ଘଟଣାଟି ଶେରଗଡ଼ ସିମୁଳିଆ ଛକ ନିକଟରେ ଘଟିଥିବା ସୂଚନା ମିଳିଛି। ଅନ୍ୟ ଜଣେ ଗୁରୁତରଙ୍କୁ ନୀଳଗିରି ହସ୍ପିଟାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଛି।
ଏଭଳି ଏକ ଦୁର୍ଘଟଣା 22 ଡିସେମ୍ବରରେ ନବରଙ୍ଗପୁର ଥାନା ଚାଉଁରିଆଗୁଡ଼ା ନିକଟ ଗ୍ଲେଜ ହୋଟେଲ ସାମ୍ନାରେ ଘଟିଥିଲା। ଜଣେ ମୃତକ ସ୍ଥାନୀୟ ଢାବା କର୍ମଚାରୀ। ଦୁଇ ମୃତକଙ୍କ ନାମ ଅମିତ ବାଗ ଏବଂ ତ୍ରିଲୋଚନ ଯାନୀ। ସେହିପରି ସେହି ସମାନ ଦିନ ଛତିଶଗଡ଼ ବସ୍ତରରେ ଏହି ମର୍ମନ୍ତୁଦ ଦୁର୍ଘଟଣାଟି ଘଟିଥିଲା। ଏକ ଟ୍ରକରେ ୪୫ ଜଣ ଯାତ୍ରୀ ଯାତ୍ରା କରୁଥିଲେ, ଭାରସାମ୍ୟ ହରାଇ ଟ୍ରକଟି ଓଲଟିପଡିଥିଲା, ଫଳରେ ଘଟଣାସ୍ଥଳରେ ୫ଜଣଙ୍କ ମୃତ୍ୟୁ ସହ, ୪୦ ଜଣ ଆହତ ହୋଇଥିଲେ। ବସ୍ତରଜିଲ୍ଲା ଦରଭା ଘାଟିରେ ଏହି ଟ୍ରକଟି ଓଲଟିପଡିଛି। ଚନ୍ଦାମେଟା ସପ୍ତାହିକ ହାଟରୁ ଫେରୁଥିଲା ଏହି ଟ୍ରକ୍।
