ବର୍ଷ ଯାକ ଥମିବନି ପଥ ଉତ୍ସବର ମଜା: ଏଣିକି ପ୍ରତି ମାସ ପଥ ଉତ୍ସବ ଦେଖିବ ଭୁବନେଶ୍ୱର…

ଭୁବନେଶ୍ୱର: ପଥ ଉତ୍ସବକୁ ନେଇ ଏବେ ସାରା ଭୁବନେଶ୍ୱରରେ ବଢୁଛି ଲୋକପ୍ରିୟତା । ଶୀତ କାକର ପରେ ବି ପଥ ଉତ୍ସବରେ ଜମୁଛି ଲୋକଙ୍କ ଭିଡ଼ । ତେଣୁ ରାଜଧାନୀରେ ପଥ ଉତ୍ସବ ସଂଖ୍ୟା ବଢିବାରେ ଲାଗିଛି ।

ବଢୁଛି ଲୋକପ୍ରିୟତା: ଏଣିକି ଭୁବନେଶ୍ୱରରେ ବର୍ଷକୁ ୧୨ଟି ପଥ ଉତ୍ସବ କରାଯିବା ନେଇ ବିଚାର କରାଯାଉଛି । ଭୁବନେଶ୍ୱରରେ ପଥ ଉତ୍ସବ ପ୍ରତି ଲୋକପ୍ରିୟତା ବଢୁଥିବା ବେଳେ ଏଭଳି ଏକ ନିଷ୍ପତ୍ତି ନେଇପାରନ୍ତି ସରକାର ।

କ’ଣ କହିଲେ ମନ୍ତ୍ରୀ: ଭୁବନେଶ୍ୱରରେ ବର୍ଷକୁ ୧୨ଟି ପଥୋତ୍ସବ ଆୟୋଜନ କରିବା ପାଇଁ ଚିନ୍ତା କରାଯିବ । ଏ ନେଇ ନଗର ଉନ୍ନୟନ ବିଭାଗ ମନ୍ତ୍ରୀ କୃଷ୍ଣଚନ୍ଦ୍ର ମହାପାତ୍ର ପ୍ରତିକ୍ରିୟା ରଖିଛନ୍ତି ।

ପ୍ରତି ମାସ ପଥୋତ୍ସବ: ପ୍ରତି ମାସରେ ଗୋଟିଏ ଲେଖାଏଁ ପଥ ଉତ୍ସବ ଆୟୋଜନ କରିବାକୁ ଯୋଜନା କରିପାରନ୍ତି ସରକାର । ଏହାଦ୍ୱାରା ବିଏମସି ଏବଂ ଭୁବନେଶ୍ୱରବାସୀଙ୍କ ମଧ୍ୟରେ ସମ୍ପର୍କ ଆହୁରି ନିବିଡ଼ ହୋଇପାରିବ ।

ଆସନ୍ତା ରବିବାର ଭୁବନେଶ୍ୱରର ଉତ୍ତର ଜୋନରେ ପଥ ଉତ୍ସବ ଆୟୋଜନ ହେବ । ଆଜି ଭୁବନେଶ୍ୱରର ଜାଗମରାରେ ଆୟୋଜିତ ହୋଇଛି ପଥ ଉତ୍ସବ । ଶୀତୁଆ ସକାଳର ଥଣ୍ଡାକୁ ଭୁଲି ପଥ ଉତ୍ସବର ମଜା ନେଉଛନ୍ତି ରାଜଧାନୀବାସୀ ।

ନାଚ-ଗୀତର ଆସର ସାଙ୍ଗକୁ ବିଭିନ୍ନ ସାଂସ୍କୃତିକ ଝଲକରେ ସଜେଇ ହୋଇଛି ଜାଗମରା । ବିଶେଷ କରି ପ୍ରବାସୀ ଭାରତୀୟଙ୍କ ପାଇଁ ପୁନଃ ପଥ ଉତ୍ସବ ଆରମ୍ଭ କରିଛି ବିଏମସି ।