Accident: ପୋଖରୀ ଭିତରକୁ ପଶିଗଲା କାର୍; ୨ ମୃତ
କୋଣାର୍କରୁ ଭୁବନେଶ୍ବର ଅଭିମୁଖେ ଯାଉଥିବା ବେଳେ ପୋଖରୀ ଭିତରକୁ ପଶିଗଲା କାର୍ । 2 ଜଣଙ୍କ ମୃତ୍ୟୁ
ଭୁବନେଶ୍ବର: ସକାଳୁ ସକାଳୁ ସଡ଼କ ଦୁର୍ଘଟଣା । ଚାଲିଗଲା 2 ଜଣଙ୍କ ପ୍ରାଣ । କୋଣାର୍କ ଜୁଣେଇ ଛକ ନିକଟ ବଂଶୀବଜାରରେ ମର୍ମନ୍ତୁଦ ଦୁର୍ଘଟଣା ହୋଇଥିବା ସୂଚନା ମିଳିଛ ।
ପୋଖରୀ ଭିତରକୁ ପସିଗଲା କାର୍- ସୂଚନା ଅନୁସାରେ, କୋଣାର୍କରୁ ଭୁବନେଶ୍ବର ଅଭିମୁଖେ କାରଟି ଆସୁଥିବା ବେଳେ ଦୁର୍ଘଟଣା ହୋଇଛି । କୌଣସି ଏକ କାରଣରୁ କାରଟି ହଠାତ୍ ପୋଖରୀ ଭିତରକୁ ପସିଯାଇଥିଲା ।
ଏହି ଦୁର୍ଘଟଣାରେ 2 ଜଣଙ୍କ ମୃତ୍ୟୁ ହୋଇଥିବା ବେଳେ 2ଜଣ ଆହତ ହୋଇଛନ୍ତି । ଆହତଙ୍କୁ ଉଦ୍ଧାର କରାଯାଇ ଗୋପ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି । 2ଜଣ ମୃତକ ବାଲେଶ୍ବର ଅଞ୍ଚଳର ବୋଲି ଜଣାପ଼ଡ଼ିଛି ।
ତେବେ କେଉଁ କାରଣ ପାଇଁ ଏତେ ବଡ ଦୁର୍ଘଟଣା ଘଟିଲା ତାହା ବର୍ତ୍ତମାନ ସୁଦ୍ଧା ଜଣାପଡି ନାହିଁ । ରାସ୍ତାକଡ଼ରେ କାମ ଚାଲୁଥିବା ବେଳେ ଦୁର୍ଘଟଣାକୁ ଏଡାଇବାକୁ ଯାଇ ଏହି ଦୁର୍ଘଟଣା ଘଟିଥିବା ଜଣାପଡିଛି ।
କୋଣାର୍କ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ତଦନ୍ତ ଶେଷ ହେବା ପରେ ପ୍ରକୃତ କାରଣ ସ୍ପଷ୍ଟ ହୋଇପାରିବ ।
