Big Breaking: ଗିରଫ ହେଲେ ବଣାଇ ITDA ପ୍ରକଳ୍ପ ଅଧିକାରୀ ବିଶ୍ୱଦର୍ଶୀ ସାହୁ

ଭୁବନେଶ୍ୱର: ବଣାଇ ଆଇଟିଡିଏ ପ୍ରକଳ୍ପ ଅଧିକାରୀ ବିଶ୍ୱଦର୍ଶୀ ସାହୁଙ୍କୁ ପୋଲିସ ଗିରଫ କରିଛି। ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଭିଜିଲାନ୍ସ ଗିରଫ କରିଛି। ଭୁବନେଶ୍ୱରରେ ଗୋଟିଏ ବହୁତଳ କୋଠା, ୨ଟି ଫ୍ଲାଟ ମିଳିଛି।

ଏଥିସହ ୯ଟି ପ୍ଲଟ ସହ ୧୫୦ ଗ୍ରାମ ସୁନା ଓ ୪.୫୧ ଲକ୍ଷ ଟଙ୍କା ଭିଜିଲାନ୍ସ ପାଇଛି। ଗତକାଲି ଆଇଟିଡିଏ ପ୍ରକଳ୍ପ ଅଧିକାରୀ ବିଶ୍ୱଦର୍ଶୀ ସାହୁଙ୍କ ଘରେ ଭିଜିଲାନ୍ସର ରେଡ୍ ଚାଲିଥିଲା। ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଭିଜିଲାନ୍ସ ଚଢ଼ାଉ କରିଥିଲା ।

ସୂଚନା ମୁତାବକ, ଏକକାଳୀନ ୭ଟି ସ୍ଥାନରେ ଭିଜିଲାନ୍ସ ଟିମର ଚଢାଉ ଚାଲିଥିଲା । ବଣାଇ, ଭୁବନେଶ୍ୱର, ବାଲେଶ୍ୱର ସମେତ ୭ଟି ସ୍ଥାନରେ ରେଡ୍ ଚାଲିଥିବା ବେଳେ ଆଜି ଗିରଫ ହୋଇଛନ୍ତି ବଣାଇ ଆଇଟିଡିଏ ପ୍ରକଳ୍ପ ଅଧିକାରୀ ବିଶ୍ୱଦର୍ଶୀ ସାହୁ ।