ବଢ଼ିଲା UAN ଏବଂ ଆଧାର ଲିଙ୍କ୍ କରିବାର ଶେଷ ତାରିଖ, ସୂଚନା ଦେଲେ ସରକାର
ନୂଆଦିଲ୍ଲୀ: କର୍ମଚାରୀ ଭବିଷ୍ୟନିଧି ପାଣ୍ଠି ସଂଗଠନ (EPFO) ସହ ଜଡିତ ଏକ ବଡ଼ ଖବର ସାମ୍ନାକୁ ଆସିଛି । ବ୍ୟାଙ୍କ ଆକାଉଣ୍ଟ ସହିତ ଆଧାର ଲିଙ୍କ କରିବାର ଶେଷ ତାରିଖ ସୀମାକୁ ବଢାଇ ଦିଆଯାଇଛି ।
ନିଯୁକ୍ତି-ସଂଯୋଜିତ ପ୍ରୋତ୍ସାହନ (ELI) ଯୋଜନା ଅଧୀନରେ ଲାଭ ପାଇବା ପାଇଁ ୟୁନିଭର୍ସାଲ ଆକାଉଣ୍ଟ ନମ୍ବର (UAN) ସକ୍ରିୟ କରିବା ଏବଂ ବ୍ୟାଙ୍କ ଆକାଉଣ୍ଟକୁ ଆଧାର ସହିତ ଲିଙ୍କ କରିବାର ଶେଷ ତାରିଖ 15 ମାର୍ଚ୍ଚକୁ ବୃଦ୍ଧି କରାଯାଇଛି ।
15 ମାର୍ଚ୍ଚ ପର୍ଯ୍ୟନ୍ତ ବଢିଲା ତାରିଖ-ଶ୍ରମ ଏବଂ ନିଯୁକ୍ତି ମନ୍ତ୍ରଣାଳୟ ଫେବୃଆରୀ 21 ତାରିଖରେ ଏକ ବିବୃତ୍ତିରେ କହିଛି ଯେ, ୟୁଏଏନ ଆକ୍ଟିଭିସେନ ଏବଂ ବ୍ୟାଙ୍କ ଆକାଉଣ୍ଟ ସହିତ ଆଧାର ଲିଙ୍କ୍ କରିବାର ସମୟ ସୀମାକୁ ମାର୍ଚ୍ଚ 15 ପର୍ଯ୍ୟନ୍ତ ବୃଦ୍ଧି କରାଯାଇଛି ।
UAN କଣ- UAN (ୟୁନିଭର୍ସାଲ୍ ଆକାଉଣ୍ଟ୍ ନମ୍ବର) ହେଉଛି EPFO ଦ୍ୱାରା ପ୍ରତ୍ୟେକ ବେତନଭୋଗୀ କର୍ମଚାରୀଙ୍କୁ ଜାରି କରାଯାଇଥିବା ଏକ 12-ଅଙ୍କ ବିଶିଷ୍ଟ ନମ୍ବର । ଏହା କର୍ମଚାରୀମାନଙ୍କୁ ସେମାନଙ୍କ କ୍ୟାରିଅର ସମୟରେ ବିଭିନ୍ନ ନିଯୁକ୍ତିଦାତାଙ୍କ ଅଧୀନରେ ସେମାନଙ୍କର PF ଆକାଉଣ୍ଟ ପରିଚାଳନା କରିବା ପାଇଁ ଏକକ ପ୍ରବେଶ କରିବା ପାଇଁ ସୁଯୋଗ ପ୍ରଦାନ କରିଥାଏ । ଏହା ସେମାନଙ୍କୁ ଗୋଟିଏ ନମ୍ବର ଅଧୀନରେ ସେମାନଙ୍କର ଭବିଷ୍ୟନିଧି ପାଣ୍ଠି ବାଲାନ୍ସ ଟ୍ରାକ୍ ଏବଂ ଆକ୍ସେସ୍ କରିବାକୁ ସକ୍ଷମ କରିଥାଏ ।