ଆଜି ବାସୁମତି ଯୋଗରେ ସୂର୍ଯ୍ୟ ପରି ଚମକିବ ୫ ରାଶିର ଭାଗ୍ୟ, ଦିନଟି ଆର୍ଥିକ ଦୃଷ୍ଟିରୁ ଅତ୍ୟନ୍ତ ଶୁଭ

୧ ମାର୍ଚ୍ଚ ଅର୍ଥାତ ଶନିବାର ଦିନ ଗଠିତ ହୋଇଥିବା ଶୁଭଯୋଗ ପ୍ରଭାବରେ ୫ଟି ରାଶିର ବ୍ୟକ୍ତିବିଶେଷ ଅତ୍ୟନ୍ତ ଶୁଭଫଳ ପାଇବାକୁ ଯାଉଛନ୍ତି ।

ମେଷ ରାଶି

ଆପଣଙ୍କ ପାଇଁ ଦିନଟି ଆର୍ଥିକ ଦୃଷ୍ଟିରୁ ଅତ୍ୟନ୍ତ ଶୁଭ । ବ୍ୟବସାୟରେ ଆପଣଙ୍କର ଯୋଜନା ସଫଳ ହେବ । ଏଥିସହ ଭଲ ଲାଭ ମଧ୍ୟ ହାସଲ କରିବେ । ସମ୍ପତ୍ତି ସମ୍ବନ୍ଧୀୟ କାମରେ ମଧ୍ୟ ଆପଣ ସଫଳତା ପାଇବେ । ବିଦେଶ ଯାତ୍ରା କରିବାର ଇଚ୍ଛା ଥିଲେ ସକାରାତ୍ମକ ଖବର ମିଳିପାରେ । ଚାକିରି କ୍ଷେତ୍ରରେ ମଧ୍ୟ ସକାରାତ୍ମକ ସ୍ଥିତି ରହିବ। ପୂର୍ବରୁ ପଡି ରହିଥିବା କାମ ଗୁଡିକୁ ଶେଷ କରିବେ । କର୍ମକ୍ଷେତ୍ରରେ ଆପଣଙ୍କୁ ସହକର୍ମୀଙ୍କ ସମର୍ଥନ ମିଳିବ । ପାରିବାରିକ ଜୀବନରେ ଆପଣଙ୍କ ପାଇଁ ଏକ ଖୁସିର ଦିନ ।

ବୃଷ ରାଶି

ଗ୍ରହମାନଙ୍କର ଶୁଭ ସ୍ଥିତି କାରଣରୁ ଆପଣ ଶୁଭଫଳ ପାଇବେ । ପାରିବାରିକ ଜୀବନରେ ଖୁସି ରହିବେ । ବ୍ୟବସାୟରେ ରୋଜଗାର ବଢିବାର ସୁଯୋଗ ମିଳିବ। ସନ୍ଧ୍ୟାରେ ସମୟ ଆପଣଙ୍କ ପାଇଁ ବିଶେଷ ଲାଭଦାୟକ ହେବ। ବରିଷ୍ଠ ଏବଂ ଅଭିଜ୍ଞ ବ୍ୟକ୍ତିଙ୍କ ସମର୍ଥନ ଆପଣଙ୍କ ପାଇଁ ଲାଭଦାୟକ ସାବ୍ୟସ୍ତ ହେବ। ଦୀର୍ଘକାଳୀନ ନିବେଶ କରି ଭବିଷ୍ୟତରେ ଭଲ ଟଙ୍କା ରୋଜଗାର କରିପାରିବେ। ବିଶେଷ କରି ଅଳଙ୍କାର ଏବଂ ଖାଦ୍ୟ ସମ୍ବନ୍ଧୀୟ କାମରେ ଅଧିକ ରୋଜଗାର ହେବ । ବୈବାହିକ ଜୀବନରେ ପ୍ରେମ ବଢିବ ।

କର୍କଟ ରାଶି

ଆପଣଙ୍କ ପାଇଁ ଦିନଟି ଅତ୍ୟନ୍ତ ଶୁଭ ହେବ। ଭୌତିକ ବିଳାସ ଲାଭ କରିବାର ସୁଯୋଗ ପାଇବେ । ନିଜ ବୁଦ୍ଧି ଦ୍ୱାରା ଲାଭ ଅର୍ଜନ ପାଇଁ ନୂଆ ସୁଯୋଗ ଆପଣାଇବେ । ଅତୀତରେ କରିଥିବା ନିବେଶରୁ ଲାଭ ମିଳିପାରେ । କୌଣସି ବନ୍ଧୁ କିମ୍ବା ସମ୍ପର୍କୀୟଙ୍କ ସାହାଯ୍ୟ ମିଳିପାରେ। ସାମାଜିକ ଏବଂ ରାଜନୈତିକ କ୍ଷେତ୍ରରେ ଗଢି ଉଠିଥିବା ସମ୍ପର୍କରୁ ଆପଣଙ୍କୁ ଫାଇଦା ମିଳିବ । ଘର ନିର୍ମାଣ ଏବଂ ସମ୍ପତ୍ତି ସମ୍ବନ୍ଧୀୟ କାମରେ ଅଧିକ ଲାଭ ହାସଲ କରିବେ ।

ତୁଳା ରାଶି

ଆପଣଙ୍କ ପାଇଁ ଦିନଟି ଅତ୍ୟନ୍ତ ଉତ୍ସାହଜନକ ହେବ। ଲାଭଦାୟକ ପ୍ରକଳ୍ପରେ କାମ କରିବାର ସୁଯୋଗ ମିଳିପାରେ । କର୍ମକ୍ଷେତ୍ରରେ ବରିଷ୍ଠ ଅଧିକାରୀ ଏବଂ ସହକର୍ମୀଙ୍କ ଠାରୁ ସମର୍ଥନ ପାଇବେ । ବ୍ୟବସାୟରେ ଲାଭଜନକ ଫଳ ମିଳିବ । ସମାଜରେ ମାନ ସମ୍ମାନ ବଢିବାକୁ ଲାଗିବ । ନୂତନ ଲୋକଙ୍କ ସହିତ ସମ୍ପର୍କ ସ୍ଥାପନ କରିବେ । କୌଣସି ସ୍ଥାନରୁ ଅପ୍ରତ୍ୟାଶିତ ଆର୍ଥିକ ଲାଭ ମିଳିପାରେ। ନୂତନ ଚାକିରି ଖୋଜୁଥିଲେ ଖୁସି ଖବର ମିଳିପାରେ ।

ମକର ରାଶି

ଆପଣଙ୍କ ପାଇଁ ଏକ ଲାଭ ଏବଂ ସଫଳତାର ଦିନ । କର୍ମକ୍ଷେତ୍ରରେ ଲାଭଜନକ ଫଳାଫଳ ମିଳିବ। ଚାକିରି କ୍ଷେତ୍ରରେ କିଛି ନୂଆ ତଥା ଗୁରୁତ୍ୱପୂର୍ଣ୍ଣ ଦାୟିତ୍ୱ ମିଳିପାରେ। ଅର୍ଥ ଉପାର୍ଜନ ପାଇଁ କରୁଥିବା ଯୋଜନା ସଫଳ ହେବ । ମନୋରଞ୍ଜନ କାର୍ଯ୍ୟକ୍ରମରେ ଅଂଶଗ୍ରହଣ କରିବାର ସୁଯୋଗ ପାଇବେ । ପରିବାରରେ ସାନ ଭାଇ ଭଉଣୀମାନଙ୍କଠାରୁ ସମର୍ଥନ ମିଳିବ। ଆପଣଙ୍କ ପ୍ରିୟ ଖାଦ୍ୟ ମିଳିପାରେ । ସମ୍ପତ୍ତି ଜନିତ କିଛି ମାମଲା ଅଟକି ରହିଥିଲେ ତାହାର ସମାଧାନ ହୋଇଯିବ ।