୨୨ ବର୍ଷ ପରେ ସାମ୍ନାକୁ ଆସିଲା ସତ, ଅଭିନେତ୍ରୀଙ୍କ ମୃତ୍ୟୁ ଦୁର୍ଘଟଣାରେ ନୁହେଁ ବରଂ ହତ୍ୟା କରାଯାଇଥିଲା

ଆନ୍ଧ୍ରପ୍ରଦେଶ: ବିଶିଷ୍ଟ ଅଭିନେତ୍ରୀଙ୍କ ପ୍ଲେନ କ୍ରାସରେ ମୃତ୍ୟୁ ହୋଇଥିଲା। ହେଲେ ୨୨ ବର୍ଷ ପୂର୍ବରୁ। ସେତେବେଳେ ତାଙ୍କ ପରିବାର ଅନ୍ତିମ ସର୍କାର କରିବା ପାଇଁ ମଧ୍ୟ ସୁଯୋଗ ପାଇନଥିଲେ। କାରଣ ଦୁର୍ଘଟଣା ଏତେ ଭୟଙ୍କର ଥିଲା ଯେ ମୃତ ଶରୀର ମଧ୍ୟ ମିଳିନଥିଲା। ହେଲେ ୨୨ ବର୍ଷ ପରେ ଏବେ ଅଭିଯୋଗ କି- ଏହା ଦୁର୍ଘଟଣା ନଥିଲା ବରଂ, ସୁପରିକଳ୍ପିତ ମର୍ଡର ଥିଲା।

ଯାହାର ଚର୍ଚ୍ଚା ଦୀର୍ଘ ୨୨ ବର୍ଷ ପରେ ଏବେ ହେଉଛି। ହଁ କନ୍ନଡ ସିନେମାର ଜଣେ ମୁଖ୍ୟ ନାୟିକା ସୌନ୍ଦର୍ଯ୍ୟା। ଯିଏକି ନିଜର ୩୧ ବର୍ଷ ବୟସ ମଧ୍ୟରେ ଅନେକ ହିଟ୍ ଫିଲ୍ମ ଦର୍ଶକଙ୍କୁ ଭେଟି ଦେଇଥିଲେ।ହେଲେ ତାଙ୍କ ମୃତ୍ୟୁ ପାଇଁ ଏବେ ଟଲିଉଡର ବରିଷ୍ଠ ଅଭିନେତା ମୋହନ ବାବୁଙ୍କୁ ଦାୟୀ କରାଯାଉଛି।

ମୋହନ ବାବୁ: ଟଲିଉଡର ବରିଷ୍ଠ ଅଭିନେତା ମୋହନ ବାବୁ ବର୍ତ୍ତମାନ ପାରିବାରିକ ସମସ୍ୟା ବ୍ୟତୀତ ଏକ ନୂଆ ସମସ୍ୟାରେ ପଡିଛନ୍ତି। ଅଭିନେତା ଜଣକ ତାଙ୍କ ସାନ ପୁଅ ମାଞ୍ଚୁ ମନୋଜଙ୍କ କାରଣରୁ ଏକ ପୋଲିସ ମାମଲାରେ ଜଡିତ ଥିଲେ। ଏବେ ତାଙ୍କ ବିରୁଦ୍ଧରେ ଏକ ଆଶ୍ଚର୍ଯ୍ୟଜନକ ନୂଆ ଅଭିଯୋଗ ଆସିଛି।

ଆନ୍ଧ୍ରପ୍ରଦେଶର ଖମ୍ମମ ଜିଲ୍ଲାରେ ଦାୟର ହୋଇଥିବା ଏକ ଅଭିଯୋଗରେ ମୋହନ ବାବୁଙ୍କ ଉପରେ ଅଭିନେତ୍ରୀ ସୌନ୍ଦର୍ଯ୍ୟାଙ୍କ ମୃତ୍ୟୁରେ ସମ୍ପୃକ୍ତି ଥିବା ଅଭିଯୋଗ କରାଯାଇଛି। ଯିଏ ‘ସୂର୍ଯ୍ୟବଂଶମ’ ଚଳଚ୍ଚିତ୍ରରେ ଅମିତାଭ ବଚ୍ଚନଙ୍କ ବିପକ୍ଷରେ ‘ରାଧା’ ଭୂମିକା ପାଇଁ ପ୍ରସିଦ୍ଧ ଥିଲେ।

ସୈନ୍ଦର୍ଯ୍ୟାଙ୍କ ମୃତ୍ୟୁ: କନ୍ନଡ ସିନେମାର ଜଣେ ପ୍ରମୁଖ ବ୍ୟକ୍ତିତ୍ୱ ସୌନ୍ଦର୍ଯ୍ୟା। ଯିଏକି ଅନେକ ହିନ୍ଦୀ ଏବଂ ସାଉଥ୍ ଚଳଚ୍ଚିତ୍ରରେ ମଧ୍ୟ ଅଭିନୟ କରିଥିଲେ। ୩୧ ବର୍ଷ ବୟସରେ ୧୭ ଏପ୍ରିଲ ୨୦୦୪ ମସିହାରେ ଏକ ଘରୋଇ ବିମାନ ଦୁର୍ଘଟଣାରେ ତାଙ୍କର ଦୁଃଖଦ ମୃତ୍ୟୁ ହୋଇଥିଲା।

ଗଣମାଧ୍ୟମ ରିପୋର୍ଟ ଅନୁସାରେ, ଦୁର୍ଘଟଣା ସମୟରେ ସେ କରିମନଗରରେ ଭାରତୀୟ ଜନତା ପାର୍ଟି ଏବଂ ତେଲୁଗୁ ଦେଶମ ପାର୍ଟିର ଏକ ରାଜନୈତିକ ପ୍ରଚାର କାର୍ଯ୍ୟକ୍ରମରେ ଯୋଗ ଦେବାକୁ ଯାଉଥିଲେ।

ଯେଉଁଥିରେ ତାଙ୍କ ଭାଇର ମଧ୍ୟ ମୃତ୍ୟୁ ହୋଇଥିଲା। ଏହି ଦୁଃଖଦ ଘଟଣାଟି ଆହୁରି ଖରାପ ଥିଲା, ସୌନ୍ଦର୍ଯ୍ୟା ଗର୍ଭବତୀ ଥିବା ଜଣାପଡ଼ୁଥିଲା ଏବଂ ତାଙ୍କ ପରିବାର ତାଙ୍କ ମୃତଦେହକୁ ଉଦ୍ଧାର କରିପାରି ନଥିଲେ।

ଦୁର୍ଘଟଣା ନୁହେଁ ହତ୍ୟା: ଦୀର୍ଘ ୨୨ ବର୍ଷ ପରେ କନ୍ନଡ଼ର ଏକ ରିପୋର୍ଟରେ ପ୍ରକାଶିତ ଏକ ଅଭିଯୋଗରେ ଦାବି କରାଯାଇଛି ଯେ ସୌନ୍ଦର୍ଯ୍ୟଙ୍କ ମୃତ୍ୟୁ ଏକ ଦୁର୍ଘଟଣା ନୁହେଁ ବରଂ ହତ୍ୟା ଥିଲା। ଯାହା ମୋହନ ବାବୁଙ୍କ ସହିତ ସମ୍ପତ୍ତି ବିବାଦ ଯୋଗୁଁ ଘଟିଥିଲା।

ଅଭିଯୋଗ କରାଯାଇଛି ଯେ ସୌନ୍ଦର୍ଯ୍ୟା ଏବଂ ତାଙ୍କ ଭାଇ ଅମରନାଥ ଶମଶାବାଦର ଜଲାପାଲି ଗାଁରେ ଛଅ ଏକର ଜମି ମୋହନ ବାବୁଙ୍କୁ ବିକ୍ରି କରିବାକୁ ମନା କରିଦେଇଥିଲେ। ଯାହା ଫଳରେ ଉଭୟଙ୍କ ମଧ୍ୟରେ ବିବାଦ ସୃଷ୍ଟି ହୋଇଥିଲା।

ରିପୋର୍ଟରେ ଖୁଲାସା: ରିପୋର୍ଟ ଅନୁଯାୟୀ, ଅଭିଯୋଗକାରୀ ମୋହନ ବାବୁଙ୍କ ଉପରେ ଅଭିଯୋଗ କରିଥିଲେ ଯେ ସେ ଦୁଃଖଦ ବିମାନ ଦୁର୍ଘଟଣା ପରେ ଭାଇଭଉଣୀମାନଙ୍କୁ ଜମି ବିକ୍ରି କରିବାକୁ ଚାପ ପକାଇଥିଲେ ଏବଂ ବେଆଇନ ଭାବରେ ଦଖଲ କରିଥିଲେ। ଯାହାର କୌଣସି ନିର୍ଣ୍ଣାୟକ କାରଣ କେବେ ବି ପ୍ରମାଣିତ ହୋଇନଥିଲା।

ଅଭିଯୋଗକାରୀ: ଅଭିଯୋଗକାରୀ ଚିତ୍ତମ୍ମଲ୍ଲୁ, ଖମ୍ମମ୍ ଏସିପି ଏବଂ ଖମ୍ମମ୍ ଜିଲ୍ଲା ଅଧିକାରୀଙ୍କ ନିକଟରେ ଏକ ଅଭିଯୋଗ ଦାଖଲ କରିଥିବା ଜଣାପଡ଼ିଛି। ଯେଉଁଥିରେ ସେ ଅନାଥାଶ୍ରମ, ସାମରିକ ପରିବାର, ପୋଲିସ ବାହିନୀ କିମ୍ବା ଗଣମାଧ୍ୟମ କର୍ମଚାରୀଙ୍କ ଭଳି ସଂଗଠନଗୁଡ଼ିକୁ ଲାଭ ପହଞ୍ଚାଇବା ପାଇଁ ଜମି ଅଧିଗ୍ରହଣ କରିବାକୁ ସରକାରଙ୍କୁ ଅନୁରୋଧ କରିଛନ୍ତି।

ଅଭିଯୋଗରେ ମାଞ୍ଚୁ ପରିବାର ମଧ୍ୟରେ ଚାଲିଥିବା ବିବାଦର ମଧ୍ୟ ଉଲ୍ଲେଖ କରାଯାଇଛି। ମାଞ୍ଚୁ ମନୋଜଙ୍କ ପାଇଁ ନ୍ୟାୟ ଏବଂ ଜଳପାଲିରେ ଥିବା ଛଅ ଏକର ଜମିର ଅତିଥିଗୃହକୁ ଜବତ କରିବା ଦାବି କରାଯାଇଥିଲା। ଏହା ସହିତ, ଅଭିଯୋଗକାରୀ ମୋହନ ବାବୁଙ୍କ ଯୋଗୁଁ ତାଙ୍କ ଜୀବନ ପ୍ରତି ବିପଦ ଥିବା ଦର୍ଶାଇ ପୋଲିସ ସୁରକ୍ଷା ମାଗିଥିଲେ।