ମାର୍କ ଜୁକରବର୍ଗଙ୍କ ବଡ଼ ଘୋଷଣା, ଆସିଲା ଦୁଇ ନୂଆ AI ଲାମା ମଡେଲ

ନୂଆଦିଲ୍ଲୀ: ମେଟା ପ୍ଲାଟଫର୍ମର ସିଇଓ ମାର୍କ ଜୁକରବର୍ଗ ଏକ ବଡ଼ ଘୋଷଣା କରିଛନ୍ତି । ସେ କହିଛନ୍ତି ଯେ କମ୍ପାନୀ ଏହାର ଲାର୍ଜ ଲାଙ୍ଗୁଏଜ୍ ମଡେଲ୍ (LLM) ଲାମା ଅଧୀନରେ ଦୁଇଟି ନୂତନ ମଡେଲ୍ ଲଞ୍ଚ କରିଛି । ଏହି ମଡେଲଗୁଡ଼ିକର ନାମ ହେଉଛି ଲାମା 4 ସ୍କାଉଟ୍ ଏବଂ ଲାମା 4 ମାଭେରିକ୍ । ଆଗାମୀ ଦିନରେ ଆଉ ଦୁଇଟି ମଡେଲ୍ ଆସିବା ନେଇ ମଧ୍ୟ କୁହାଯାଇଛି ।

ଶନିବାର ଦିନ, ମାର୍କ ଜୁକରବର୍ଗ ନିଜେ ଇନଷ୍ଟାଗ୍ରାମ ପ୍ଲାଟଫର୍ମରେ ଏ ବିଷୟରେ ଏକ ଭିଡିଓ ସେୟାର କରିଛନ୍ତି । ଭିଡିଓରେ ସେ ଦୁଇଟି ଲାମା 4 ମଡେଲ ବିଷୟରେ ସୂଚନା ଦେଇଥିଲେ ଏବଂ କହିଥିଲେ ଯେ ଏହା ଗୁଗୁଲର ଜେମିନି ଏବଂ ଓପନଏଆଇର ଚାଟଜିପିଟି 4o ସହିତ ପ୍ରତିଯୋଗିତା କରିବ ।

ଆପଣଙ୍କୁ ଜଣାଇ ଦେଉଛୁ ଯେ ମେଟାର ଲାମା ଏକ ମଲ୍ଟିମୋଡାଲ୍ ଏଆଇ ସିଷ୍ଟମ୍ । ଏହି ସିଷ୍ଟମ ପାଠ୍ୟ, ଭିଡିଓ, ପ୍ରତିଛବି ଏବଂ ଅଡିଓ ଇତ୍ୟାଦି ବିଭିନ୍ନ ତଥ୍ୟ ପ୍ରକ୍ରିୟାକରଣ କରିପାରିବ ଏବଂ ବିଷୟବସ୍ତୁକୁ ଏହି ଫର୍ମାଟରେ ରୂପାନ୍ତରିତ କରିପାରିବ ।

ମାର୍କ ଜୁକରବର୍ଗ କହିଛନ୍ତି ଯେ ଲାମା 4 ସ୍କାଉଟ୍ ଏବଂ ଲାମା 4 ମାଭେରିକ୍ ଏପର୍ଯ୍ୟନ୍ତ ସବୁଠାରୁ ଉନ୍ନତ ମଡେଲ୍ । ସେ ଆହୁରି କହିଛନ୍ତି ଯେ ଏହି ଦୁଇଟି ମଡେଲ ଖୋଲା ସୋର୍ସ ସଫ୍ଟୱେର୍ ହେବ ।

କେବଳ ଏତିକି ନୁହେଁ, କମ୍ପାନୀ ଏକ Llama 4 Behemoth ପ୍ରସ୍ତୁତ କରୁଛି, ଯାହା ଦାବି କରାଯାଉଛି ଯେ ଏହା ଏପର୍ଯ୍ୟନ୍ତ ସବୁଠାରୁ ସ୍ମାର୍ଟ Llams ମଡେଲ୍ ହେବ ଏବଂ ନୂତନ ମଡେଲ୍ ଆଣିବାରେ ମଧ୍ୟ ସହାୟକ ହୋଇପାରିବ ।