ପହଲଗାମ ଆତଙ୍କୀ ହମଲା, ମାଷ୍ଟରମାଇଣ୍ଡ ପାକିସ୍ତାନର ଚିହ୍ନଟ !

ନୂଆଦିଲ୍ଲୀ: ଚିହ୍ନଟ ହେଲା ଜମ୍ମୁ-କଶ୍ମୀର ବୈସାରନ ଦ୍ୱୀପ ପାହଲଗାମରେ ହୋଇଥିବା ଆତଙ୍କବାଦୀ ଆକ୍ରମଣର ମାଷ୍ଟରମାଇଣ୍ଡ।  ଇଣ୍ଡିଆ ଟୁଡେ ରିପୋର୍ଟ ଅନୁଯାୟୀ, ଗୁଇନ୍ଦା ସଂସ୍ଥାଗୁଡ଼ିକ ପହଲଗାମ ହତ୍ୟାକାଣ୍ଡର ମାଷ୍ଟରମାଇଣ୍ଡ ଭାବରେ ଲଶ୍‌ର ଏକ ଶୀର୍ଷ କମାଣ୍ଡର ସୈଫୁଲ୍ଲାହ କସୁରୀ ଓରଫ ଖାଲିଦକୁ ଚିହ୍ନଟ କରିଛନ୍ତି।

ଏହି ଆକ୍ରମଣ ବିଶେଷ କରି ହିନ୍ଦୁମାନଙ୍କ ଉପରେ ହୋଇଥିଲା। ଆଉ ଜଙ୍ଗଲର ସୁଯୋଗ ନେଇ ହମଲା କରିବା ପରେ ଘଟଣାସ୍ଥଳରୁ ଖସି ପଳାଇବାରେ ସଫଳ ହୋଇଥିଲେ ଆତଙ୍କବାଦୀ। ଯେଉଁ ଆକ୍ରମଣରେ ଏବେ ସୁଦ୍ଧା ୨୬ ଜଣ ପର୍ଯ୍ୟଟକଙ୍କ ମୃତ୍ୟୁ ହୋଇଥିବା ସୂଚନା ମିଳିଛି।

ହମଲା ପରେ ଖସିଗଲେ ଆତଙ୍କବାଦୀ: ଘଟଣାସ୍ଥଳରୁ ଖସି ପଳାଇଥିବା ଆତଙ୍କବାଦୀମାନଙ୍କୁ ଠାବ କରିବା ପାଇଁ ହେଲିକପ୍ଟର ଏବଂ ଡ୍ରୋନ ସାହାଯ୍ୟରେ ଏକ ବଡ଼ ଆତଙ୍କବାଦ ବିରୋଧୀ ଅଭିଯାନ ଆରମ୍ଭ କରାଯାଇଛି।

ପହଲଗାମ ଆକ୍ରମଣରେ ସାମିଲ ଆତଙ୍କବାଦୀମାନେ ପାକ୍-ଭିତ୍ତିକ ଆତଙ୍କବାଦୀ ଗୋଷ୍ଠୀ ଲସ୍କର-ଏ-ତୈବା (LeT)ର ଏକ ଶାଖା – ଦି ରେଜିଷ୍ଟାନ୍ସ ଫ୍ରଣ୍ଟର ସଦସ୍ୟ ବୋଲି ଜଣାପଡ଼ିଛି।

ପାକିସ୍ତାନର ଷଡ଼ଯନ୍ତ୍ର: ପ୍ରାରମ୍ଭିକ ଫରେନସିକ୍ ତଦନ୍ତ ଅନୁଯାୟୀ, ଆତଙ୍କବାଦୀମାନେ ସାମରିକ-ଗ୍ରେଡ୍ ଅସ୍ତ୍ରଶସ୍ତ୍ର ଏବଂ ଉନ୍ନତ ଯୋଗାଯୋଗ ଉପକରଣ ବ୍ୟବହାର କରିଥିଲେ। ଯାହା ପ୍ରମାଣ କରୁଛି ସେମାନେ ପାକିସ୍ତାନରେ ଥିବା ସନ୍ଦେହ କରାଯାଉଥିବା କୌଣସି ବାହ୍ୟ ଏଜେନ୍ସିରୁ ଲଜିଷ୍ଟିକ୍ ସମର୍ଥନ ପାଇଥିଲେ।

ଡିଜିଟାଲ ପାଦଚିହ୍ନ: ଇଣ୍ଡିଆ ଟୁଡେ ରିପୋର୍ଟ ଅନୁଯାୟୀ, , ଆକ୍ରମଣକାରୀଙ୍କ ଡିଜିଟାଲ୍ ପାଦଚିହ୍ନ ପାକିସ୍ତାନର ମୁଜାଫରାବାଦ ଏବଂ କରାଚୀର ସୁରକ୍ଷିତ ଘରଗୁଡ଼ିକରେ ଚିହ୍ନଟ କରାଯାଇଛି। ଯେଉଁଥିରୁ ଜଣାପଡୁଛି ଏହି ଆକ୍ରମଣ ପଛରେ ପାକିସ୍ତାନ ହାତ ଥାଇପାରେ।

ଆକ୍ରମଣର ସଠିକତା ଏବଂ ଯୋଜନା ସୂଚାଇ ଦେଉଥିଲା ଯେ ଏହା କିଛି ସ୍ଥାନୀୟ ସୌଖିନଙ୍କ ହାତର କାମ ନୁହେଁ। ଆକ୍ରମଣରେ ସାମିଲ ଆତଙ୍କବାଦୀମାନେ ତାଲିମପ୍ରାପ୍ତ ହତ୍ୟାକାରୀ ଥିଲେ।

କ୍ୟାମେରା ପିନ୍ଧିଥିଲେ: ଆତଙ୍କବାଦୀମାନେ ହତ୍ୟାକାଣ୍ଡ ରେକର୍ଡ କରିବା ପାଇଁ ବଡି କ୍ୟାମେରା ଏବଂ ହେଲମେଟ୍ ଲାଗିଥିବା କ୍ୟାମେରା ପିନ୍ଧିଥିଲେ। ପ୍ର

ତ୍ୟକ୍ଷଦର୍ଶୀଙ୍କ କହିବା କଥା, ଦୁଇ ଜଣ ଆତଙ୍କବାଦୀ ପାସ୍ତୋ ଭାଷାରେ କଥା ହୋଇ ନିଜକୁ ପାକିସ୍ତାନୀ ବୋଲି ଇଙ୍ଗିତ କରିଥିଲେ। ଅନ୍ୟ ଦୁଇ ଜଣ ଆତଙ୍କବାଦୀ କାଶ୍ମୀରର ବିଜବେହାରା ଏବଂ ତ୍ରାଲର ବାସିନ୍ଦା ବୋଲି ଚିହ୍ନଟ କରାଯାଇଛି।