ପହଲଗାମ ଆଟାକ୍: LOCରେ ପାକିସ୍ତାନ ଏବଂ ଭାରତ ମୁହାଁମୁହିଁ, ଗୁଳିବିନିମୟ ଜାରି
LOCରେ ପାକିସ୍ତାନ ସେନା ପକ୍ଷରୁ ଫାୟାରିଂ ।
ନୂଆଦିଲ୍ଲୀ: LOCରେ ପାକିସ୍ତାନ ସେନା ପକ୍ଷରୁ ଫାୟାରିଂ ଆରମ୍ଭ ହୋଇଛି । ତେବେ ପାକ୍ ସେନାକୁ ଜବାବ ଦେଲା ଭାରତୀୟ ସେନା ।
ଉଭୟ ପକ୍ଷରୁ ଗୁଳି ବିନିମୟ ଜାରି ରହିଥିବା ସୂଚନା ରହିଛି । ଖବର ଅନୁସାରେ, ପାକିସ୍ତାନୀ ସେନା LOC ର କିଛି ସ୍ଥାନରେ ଛୋଟ ଅସ୍ତ୍ରରେ ଗୁଳି ଚଳାଇବା ଆରମ୍ଭ କରିଦେଇଥିଲା। ଭାରତୀୟ ସେନା ଏହାର ଉଚିତ ଜବାବ ଦେଇଥିଲା।
ଏହି ଘଟଣାରେ କୌଣସି କ୍ଷୟକ୍ଷତି ନେଇ ରିପୋର୍ଟ ହସ୍ତଗତ ହୋଇପାରି ନାହିଁ । ଭାରତୀୟ ସେନା ଅଧିକାରୀମାନେ ଅଧିକ ସୂଚନା ସଂଗ୍ରହ କରୁଛନ୍ତି ।
ସେନା ମୁଖ୍ୟ ଜେନେରାଲ ଉପେନ୍ଦ୍ର ଦ୍ୱିବେଦୀ ଖୁବ୍ ଶୀଘ୍ର ଶ୍ରୀନଗର ଏବଂ ଉଧମପୁର ଯିବେ । ପ୍ରତିରକ୍ଷା ଅଧିକାରୀଙ୍କ ଅନୁଯାୟୀ, ସେ କାଶ୍ମୀର ଉପତ୍ୟକାରେ ନିୟୋଜିତ ବରିଷ୍ଠ ସେନା କମାଣ୍ଡର ଏବଂ ଅନ୍ୟାନ୍ୟ ସୁରକ୍ଷା ସଂସ୍ଥାର ଅଧିକାରୀମାନଙ୍କୁ ଭେଟିବେ ।
ଉପତ୍ୟକାର ବର୍ତ୍ତମାନର ସୁରକ୍ଷା ପରିସ୍ଥିତିର ସମୀକ୍ଷା କରିବେ । ଏହା ସହିତ, ସେ ନିୟନ୍ତ୍ରଣ ରେଖାରେ ପାକିସ୍ତାନ ସେନା ଦ୍ୱାରା କରାଯାଉଥିବା ଅସ୍ତ୍ରବିରତି ଉଲ୍ଲଂଘନ ପ୍ରୟାସର ସମୀକ୍ଷା କରିବେ ବୋଲି ଜଣାପଡିଛି ।
Small arms firing at some places on the Line of Control were initiated by the Pakistan Army. Effectively responded to by the Indian Army. No casualties. Further details are being ascertained: Indian Army officials pic.twitter.com/SlBSDPSJHA
— ANI (@ANI) April 25, 2025