ହାରିବା ପରେ ଗୌତମ ଗମ୍ଭୀର ଦେଲେ ଭାରତୀୟ ଫ୍ୟାନ୍ସଙ୍କୁ ଆଉ ଏକ ଝଟକା, ଟେନସନରେ କ୍ୟାପ୍ଟେନ ଶୁଭମନ ଗିଲ୍‌!

ନୂଆଦିଲ୍ଲୀ: ପ୍ରଥମ ଟେଷ୍ଟ ମ୍ୟାଚରେ ଇଂଲଣ୍ଡର ପ୍ରଦର୍ଶନ ଜୋରଦାର ରହିଛି। ହେଡିଂଲିରେ ହାରିବା ପରେ ଟିମ ଇଣ୍ଡିଆର ହେଡ କୋଚ ଗୌତମ ଗମ୍ଭୀର ଭାରତୀୟ ଫ୍ୟାନ୍ସଙ୍କୁ ଆଉ ଏକ ଝଟକା ଦେଇଛନ୍ତି। ପ୍ରେସ କନଫରେନ୍ସରେ ଜସପ୍ରୀତ ବୁମରାହଙ୍କୁ ନେଇ ଦେଇଥିବା ଅପଡେଟରେ ସବୁ କ୍ରିକେଟ ପ୍ରେମୀ ନିରାଶ ହୋଇଛନ୍ତି। ଏଥିସହ ନୂଆ ଟେଷ୍ଟ କ୍ୟାପ୍ଟେନ ଶୁଭମନ ଗିଲ୍ ମଧ୍ୟ ଚିନ୍ତାରେ ପଡ଼ିଛନ୍ତି।

ଟିମ ଇଣ୍ଡିଆର ହେଡ କୋଚ ଗୌତମ ଗମ୍ଭୀର ପ୍ରେସ କନଫରେନ୍ସରେ ଜସପ୍ରୀତ ବୁମରାହଙ୍କ ୱାର୍କଲୋଡକୁ ନେଇ ବଡ଼ ଅପଡେଟ୍ ଦେଇଛନ୍ତି। ଗମ୍ଭୀର କହିଛନ୍ତି ଯେ, ବୁମରାହ ଇଂଲଣ୍ଡ ବିପକ୍ଷରେ ସମସ୍ତ ପାଞ୍ଚଟି ମ୍ୟାଚ ଖେଳିବେ ନାହିଁ।

କୋଚ କହିଛନ୍ତି ଯେ, ଜସି କେବଳ ୩ଟି ହିଁ ଟେଷ୍ଟ ମ୍ୟାଚରେ ଭାରତୀୟ ଟିମର ଅଂଶ ହେବେ, ଅନ୍ୟ ୨ଟି ମୁକାବିଲା ଭାରତୀୟ ଟିମ ତାଙ୍କ ବିନା ହିଁ ଖେଳିବ। ପ୍ରଥମ ଟେଷ୍ଟ ମ୍ୟାଚରେ ବୁମରାହ ଏକା ଏଭଳି ଖେଳାଳି ଯିଏ ବୋଲିଂ କରୁଛନ୍ତି, ଯିଏ କିଛି ସୀମା ପର୍ଯ୍ୟନ୍ତ ଲକ୍ଷ୍ୟରେ ଦେଖାଦେଇଥିଲେ।

ଜସି ପ୍ରଥମ ଇନିଂ ପାଞ୍ଚଟି ୱିକେଟ ନିଜ ନାମରେ କରିଥିଲେ। ବୁମରାହଙ୍କୁ ଛାଡ଼ି ଅନ୍ୟ ବୋଲର ୱିକେଟ ଆଣିବା ତ ଛାଡ଼, ସେମାନେ ରନ ଉପରେ ଲଗାମ ଲଗାଇବାରେ ଅସଫଳ ହୋଇଥିଲେ। ଗମ୍ଭୀର ଏହା ସ୍ପଷ୍ଟ ନାହାନ୍ତି ଯେ, ବୁମରାହ ୪ଟିରୁ କେଉଁ ଦୁଇଟି ଟେଷ୍ଟ ମ୍ୟାଚରେ ଟିମରେ ରହିବେ।