ଟିମ୍ ଇଣ୍ଡିଆର ବଢିପାରେ ଟେନସନ, ଜସପ୍ରିତ ବୁମରାହ ଏଜବାଷ୍ଟନ ଟେଷ୍ଟ ଖେଳିବେ କି ନାହିଁ ଜାଣନ୍ତୁ

ନୂଆଦିଲ୍ଲୀ: ଲିଡ୍ସ ଟେଷ୍ଟ ମ୍ୟାଚରେ ଇଂଲଣ୍ଡର ପ୍ରଥମ ଇନିଂସରେ ପାଞ୍ଚଟି ୱିକେଟ ନେଇଥିବା ଜସପ୍ରିତ ବୁମରାହ ଏଜବାଷ୍ଟନ ଟେଷ୍ଟ ମ୍ୟାଚରୁ ବାହାରେ ରହିପାରନ୍ତି । ଏହି ଖବର ଟିମ୍ ଇଣ୍ଡିଆର ଟେନସନ୍ ବଢ଼ାଇ ଦେଇଛି ।

ଭାରତ ଏବଂ ଇଂଲଣ୍ଡ ମଧ୍ୟରେ ଦ୍ୱିତୀୟ ଟେଷ୍ଟ ମ୍ୟାଚ ୨ ଜୁଲାଇରୁ ବର୍ମିଂହାମର ଏଜବାଷ୍ଟନ କ୍ରିକେଟ ଗ୍ରାଉଣ୍ଡରେ ଖେଳାଯିବ । ଏହି ଟେଷ୍ଟ ମ୍ୟାଚରେ ବୁମରାହଙ୍କ ଖେଳିବା ନେଇ ସନ୍ଦେହ ରହିଛି । ଏହା ଭାରତର ଦ୍ରୁତ ବୋଲିଂକୁ ଦୁର୍ବଳ କରିପାରେ ।

ପ୍ରଥମ ଟେଷ୍ଟ ମ୍ୟାଚରେ ବୁମରାହଙ୍କୁ ଅନ୍ୟ ପାର୍ଶ୍ୱରୁ ଭଲ ସମର୍ଥନ ନ ମିଳିବାରୁ ଇଂଲିଶ ବ୍ୟାଟସମ୍ୟାନମାନେ ଶୀଘ୍ର ରନ ସଂଗ୍ରହ କରିଥିଲେ । ଏବେ ଦ୍ୱିତୀୟ ଟେଷ୍ଟ ମ୍ୟାଚରେ ତାଙ୍କ ଅନୁପସ୍ଥିତିରେ ଦଳର ଅବସ୍ଥା ଆହୁରି ଖରାପ ହୋଇପାରେ ।

ଏହି ସମୟରେ, ବୁମରାହ ଦ୍ୱିତୀୟ ଟେଷ୍ଟ ମ୍ୟାଚରେ ନ ଖେଳିବା ନେଇ କୌଣସି ଆନୁଷ୍ଠାନିକ ନିଶ୍ଚିତତା ନାହିଁ । କିନ୍ତୁ ପୂର୍ବତନ ଭାରତୀୟ ଖେଳାଳି ଏବଂ କମେଣ୍ଟେଟର ରବି ଶାସ୍ତ୍ରୀ ଏହା ଉପରେ ଆଶଙ୍କା ପ୍ରକାଶ କରିଛନ୍ତି ।

ରବି ଶାସ୍ତ୍ରୀଙ୍କ ବୟାନ- ପୂର୍ବତନ ଭାରତୀୟ କ୍ରିକେଟର ରବି ଶାସ୍ତ୍ରୀ ସ୍କାଏ ସ୍ପୋର୍ଟସରେ କଥାବାର୍ତ୍ତା ସମୟରେ କହିଥିଲେ, “ବୁମରା କହିଥିଲେ ଯେ ସେ କେବଳ ତିନୋଟି ଟେଷ୍ଟ ମ୍ୟାଚ୍ ଖେଳିବେ । ଏବେ ସେ କେଉଁ ମ୍ୟାଚ୍ ଖେଳିବେ ତାହା ହିଁ ବଡ଼ ପ୍ରଶ୍ନ? ମୁଁ ଭାବୁଛି ଯଦି ସେ ବିରତି ନିଅନ୍ତି, ତେବେ ଏହା ଦ୍ୱିତୀୟ ଟେଷ୍ଟ ମ୍ୟାଚ୍ ହେବ, କାରଣ ସେ ନିଶ୍ଚିତ ଭାବରେ ଲର୍ଡସରେ ଖେଳିବାକୁ ଚାହିଁବେ ।”

ବୁମରାହ ଲର୍ଡସ୍ ଟେଷ୍ଟରେ ଖେଳିପାରିବେ- ରବି ଶାସ୍ତ୍ରୀ କହିଛନ୍ତି ଯେ ଲର୍ଡସ୍ ଗ୍ରାଉଣ୍ଡ ଦ୍ରୁତ ବୋଲରମାନଙ୍କ ପାଇଁ ବହୁତ ଭଲ । ବୁମରାହ ଏଠାରେ ଭଲ ବୋଲିଂ କରିପାରିବେ, କିନ୍ତୁ ଏହି ମ୍ୟାଚ୍ ପୂର୍ବରୁ ତାଙ୍କୁ ପର୍ଯ୍ୟାପ୍ତ ବିଶ୍ରାମ ଦେବା ଆବଶ୍ୟକ । ଯଦି ବୁମରାହ ଏଜବାଷ୍ଟନରେ ଖେଳନ୍ତି, ତେବେ ସେ ଲର୍ଡସରେ ଖେଳିପାରିବେ ନାହିଁ, କାରଣ ଦୁଇଟି ମ୍ୟାଚ୍ ମଧ୍ୟରେ କେବଳ ଚାରି ଦିନ ଅଛି, କିନ୍ତୁ ଏହି ନିଷ୍ପତ୍ତି ଟିମ୍ ମ୍ୟାନେଜମେଣ୍ଟ ନେବ।

ରବି ଶାସ୍ତ୍ରୀ ଆହୁରି କହିଛନ୍ତି ଯେ ଯଦି ଦଳ ଦ୍ୱିତୀୟ ଟେଷ୍ଟ ମ୍ୟାଚ୍ରେ ବୁମରାହଙ୍କୁ ନ ଖେଳେ, ତେବେ ଭାରତ ସେହି ଟେଷ୍ଟ ମ୍ୟାଚ୍ ମଧ୍ୟ ହାରିବାର ଆଶଙ୍କାରେ ରହିବ । ସେ କହିଛନ୍ତି ଯେ ବୁମରାହ ପ୍ରଥମ ଟେଷ୍ଟ ମ୍ୟାଚ୍ରେ ବହୁତ ବୋଲିଂ କରିଥିଲେ । ଏବେ ତାଙ୍କୁ ବିଶ୍ରାମ ଦେବା ଆବଶ୍ୟକ । ଏଜବାଷ୍ଟନ୍ ଟେଷ୍ଟରେ ଟିମ୍ ଇଣ୍ଡିଆର ରେକର୍ଡ ବହୁତ ଖରାପ ।